ട്രംപിന്റെ തീരുമാനത്തിനെതിരായ പ്രതിഷേധം പലസ്തീന് പുറത്തേക്കും; ലബനാനില് സംഘര്ഷം
ബെയ്റൂത്ത്: ഇസ്രായേല് തലസ്ഥാനമായി ജെറൂസലേമിനെ അംഗീകരിക്കാനുള്ള അമേരിക്കന് പ്രസിഡന്റ് ഡൊണാള്ഡ് ട്രംപിന്റെ തീരുമാനത്തിനെതിരായ പ്രതിഷേധം ഫലസ്തീന് പുറത്തേക്ക്. ലബനാന്, സിറിയ, യമന്, ഈജിപ്ത്, തുര്ക്കി, ഇന്തോനീഷ്യ, മലേഷ്യ, ഇന്ത്യ, പാകിസ്താന്, മൊറോക്കോ തുടങ്ങിയ രാജ്യങ്ങളില് ഞായറാഴ്ച ജനലക്ഷങ്ങളാണ് പ്രതിഷേധവുമായി തെരുവിലിറങ്ങിയത്.
ലബനാനില് സംഘര്ഷം
ലബനാന് തലസ്ഥാനമായ ബെയ്റൂത്തിലെ യു.എസ് എംബസിക്ക് പുറത്ത് പ്രതിഷേധക്കാര് സുരക്ഷാ ഉദ്യോഗസ്ഥരുമായി ഏറ്റുമുട്ടയതിനെ തുടര്ന്ന് നിരവധി പേര്ക്ക് പരിക്കേറ്റു. പ്രതിഷേധക്കാര് റോഡുകളില് തീയിടുകയും അമേരിക്കന്, ഇസ്രായേലി പതാകകള് കത്തിക്കുകയും ചെയ്തു. പ്രതിഷേധക്കാരെ പിരിച്ചുവിടാന് പോലിസ് കണ്ണീര് വാതകവും ജലപീരങ്കിയും പ്രയോഗിച്ചു.
ഇന്തോനീഷ്യയില് കൂറ്റന് പ്രകടനം
ജക്കാര്ത്തയിലെ യു.എസ് എംബസിക്ക് മുമ്പില് അയ്യാരത്തിലേറെ പേര് പങ്കെടുത്ത പ്രതിഷേധ പ്രകടനം നടന്നു. ഫലസ്തീന് പതാകയും ഫലസ്തീനു വേണ്ടി പ്രാര്ഥിക്കാന് ആഹ്വാനം ചെയ്യുന്ന ബാനറുകളും ഉയര്ത്തിയായിരുന്നു പ്രതിഷേധം. ഇന്തോനീഷ്യന് സര്ക്കാര് ട്രംപിന്റെ നടപടിയെ അപലപിച്ചത് കൊണ്ട് മാത്രമായില്ലെന്നും തീരുമാനത്തില് നിന്ന് പിന്മാറാന് ശക്തമായ സമ്മര്ദ്ദം ചെലുത്തണമെന്നും പ്രതിഷേധക്കാര് ആവശ്യപ്പെട്ടു.
തുര്ക്കിയിലും പ്രതിഷേധം
ഫലസ്തീന്, തുര്ക്കി പതാകകളുമേന്തിയായിരുന്നു ആയിരക്കണക്കിന് പ്രതിഷേധക്കാര് ഇസ്താംബൂള് തെരുവുകള് കീഴടക്കിയത്. ഫലസ്തീന് വേണ്ടി ശബ്ദിക്കേണ്ടത് ഓരോരുത്തരുടെയും കടമയാണെന്നതിനാലാണ് തങ്ങള് പ്രതിഷേധവുമായി രംഗത്തിറങ്ങിയതെന്ന് പ്രതിഷേധത്തില് പങ്കെടുത്ത അനന്ദ സെരീക പറഞ്ഞു. ഫലസ്തീനിന് വേണ്ടി ഇതെങ്കിലും ചെയ്യാതിരിക്കുന്നതെങ്ങനെയെന്നും അവര് ചോദിച്ചു. അമേരിക്കയുടെ തീരുമാനം അസാധുവാണെന്നും അതിനെതിരേ പൊരുതുമെന്നും തുര്ക്കി പ്രസിഡന്റ് ഉര്ദുഗാന് പറഞ്ഞു.
ട്രംപിനെ തെറിവിളിച്ച് മൊറോക്കോയിലെ പ്രകടനക്കാര്
മൊറോക്കോ തലസ്ഥാനമായ റബാത്തില് നടന്ന പ്രതിഷേധത്തില് ട്രംപിനെതിരേ രൂക്ഷമായ മുദ്രാവാക്യങ്ങളാണുയര്ന്നത്. ഭരണ-പ്രതിപക്ഷ ഭേദമന്യേ സമൂഹത്തിന്റെ നാനാ തുറകളിലുള്ള ആളുകളും പ്രതിഷേധത്തില് പങ്കെടുത്തു. ട്രംപിന്റെ തീരുമാനത്തില് തങ്ങള്ക്കും നീരസവും പ്രതിഷേധവും പ്രകടിപ്പിക്കാനാണ് പ്രതിഷേധ പ്രകടനമെന്ന് മൊറോക്കോ വിദേശകാര്യമന്ത്രി മുഹമ്മദ് ബൂസയീദ് പറഞ്ഞു.
കശ്മീരില് കടകളടച്ച് പ്രതിഷേധം
കശ്മീര് തലസ്ഥാനമായ ശ്രീനഗറില് വേറിട്ട രീതിയിലായിരുന്നു ട്രംപിന്റെ ജെറൂസലേം തീരുമാനത്തിനെതിരേ ജനങ്ങള് പ്രതിഷേധിച്ചത്. നഗരത്തിലെ കടകളെല്ലാം പ്രതിഷേധസൂചകമായി അടഞ്ഞുകിടന്നു. ട്രംപിന്റെ തീരുമാനം അനീതിയാണെന്ന് പ്രതിഷേധത്തില് പങ്കെടുത്ത സല്മാന് ഖാന് പറഞ്ഞു.
ഇതിനു പുറമെ പാകിസ്താന്, യമന്, സിറിയ എന്നിവിടങ്ങളിലും ഞായറാഴ്ച പ്രതിഷേധപ്രകടനങ്ങള് നടന്നു. ഫലസ്തീനിന്റെ വിവിധ ഭാഗങ്ങളില് ഇന്നലെയുണ്ടായ സംഘര്ഷത്തില് ഇരുന്നൂറോളം പേര്ക്കാണ് പരിക്കേറ്റത്.
-
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദേശീയപാത 66 ലെ യാത്ര ഇനി സുഗമാകും; വരാപ്പുഴ പാലം മെയ് മാസം തുറക്കും -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
പശ്ചിമ കൊച്ചിയുടെ തലവര മാറും; നിര്ണായക ചുവടുവയ്പ്പുമായി കൊച്ചി വാട്ടര് മെട്രോ: ടെന്ഡര് വിളിച്ചു -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
പേരൂര്ക്കട ഫ്ലൈഓവര്, വട്ടിയൂര്ക്കാവ് റോഡ് ആന്ഡ് ജംഗ്ഷന്; കുരുക്കഴിഞ്ഞു, നിര്മാണം തുടങ്ങി -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ
Click it and Unblock the Notifications
Sign in with Google