യുഎസും സൗദിയും യുഎഇയും യമനികളെ ഭിന്നിപ്പിക്കുന്നുവെന്ന് ഹൂത്തി നേതാവ്
സന്ആ: യുഎസും സൗദിയും യുഎഇയും ചേര്ന്ന് പ്രാദേശിക സായുധസംഘങ്ങളെയും പ്രസിഡന്റായി അന്താരാഷ്ട്ര സമൂഹം അംഗീകരിക്കുന്ന അബ്ദുറബ്ബ് മന്സൂര് ഹാദിയെയും കൂട്ടുപിടിച്ച് യമനിനെ വിഭജിക്കാന് ശ്രമിക്കുകയാണെന്ന് യൂത്തി നേതാവ് അബ്ദുല് മലിക് അല് ഹൂത്തി ആരോപിച്ചു. യമന്റെ തലസ്ഥാന നഗരമായ സന്ആയുടെ നിയന്ത്രണം ഹൂത്തി സൈന്യം പിടിച്ചെടുത്തതിന്റെ മൂന്നാം വാര്ഷികാഘോഷ വേളയില് അല് മസീറ ടി.വിയിലൂടെ നടത്തിയ പ്രസംഗത്തിലാണ് ഇരുരാജ്യങ്ങളെയും രൂക്ഷമായി വിമര്ശിച്ച് അല് ഹൂത്തി രംഗത്തെത്തിയത്.
ഇമാറാത്തികള് അമേരിക്കയുടെ മുഖമാണ്. യമനി ജനത കഷ്ടപ്പെടുമ്പോള് യമനിന്റെ പ്രകൃതി വാതകം മോഷ്ടിച്ചുകൊണ്ടുപോവുകയാണ് യു.എം.ഇ ചെയ്യുന്നത്- അദ്ദേഹം പറഞ്ഞു. യമനിന്റെ ഭാഗമായ പല ദ്വീപുകളിലും ഇമാറാത്തികളും അവരുടെ മറവില് അമേരിക്കക്കാരും സൈനിക താവളങ്ങള് ഉണ്ടാക്കിയിരിക്കുകയാണെന്നും അദ്ദേഹം കുറ്റപ്പെടുത്തി. സപ്തംബര് 21 വിപ്ലവമെന്ന് ഹൂത്തികള് വിശേഷിപ്പിക്കുന്ന സന്ആ പിടിച്ചടക്കലിന്റെ വാര്ഷികാഘോഷത്തിന്റെ ഭാഗമായി ആയിരക്കണക്കിന് ഹൂത്തികളാണ് തലസ്ഥാന നഗരിയില് പ്രകടനം നടത്തിയത്.
അതേസമയം, ഹൂത്തികളുടെ സഖ്യകക്ഷികളായ മുന് പ്രസിഡന്റ് അലി അബ്ദുല്ല സാലിഹിന്റെ അനുയായികളുമായി ഹൂത്തികള് സ്വരച്ചേര്ച്ചയിലല്ലെന്ന് റിപ്പോര്ട്ടുണ്ട്. റാലിയുമായി മുന് പ്രസിഡന്റിന്റെ അനുയായികള് സഹകരിച്ചില്ലെന്ന് അല് ജസീറ റിപ്പോര്ട്ട് ചെയ്തു. ഇത്തരമൊരു ആഹ്ലാദവേളയില് സഖ്യകക്ഷിനേതാക്കള് പങ്കെടുക്കാതിരുന്നത് അവര്ക്കിടയിലെ വിഭാഗീയതയുടെ ആഴമാണ് വ്യക്തമാക്കുന്നതെന്നും വിലയിരുത്തപ്പെടുന്നു. സൗദിയുമായി കൂട്ടുകൂടി ഹൂത്തികളുടെ ശക്തി ക്ഷയിപ്പിക്കാന് മുന് പ്രസിഡന്റിന്റെ അനുയായികള് ശ്രമിക്കുന്നുവെന്നാണ് പരാതി. 2015 മാര്ച്ചിലാണ് സൗദി സഖ്യം ഇറാന്റെ പിന്തുണയോടെ പ്രവര്ത്തിക്കുന്ന ഹൂത്തികള്ക്കെതിരേ വ്യോമാക്രമണം തുടങ്ങിയത്. അതോടൊപ്പം യമനിനെതിരേ കടല് മാര്ഗവും വ്യോമമാര്ഗവും സഖ്യം ഉപരോധിക്കുകയും ചെയ്തു. തലസ്ഥാന നഗരിയുള്പ്പെടെ യമനിന്റെ 40 ശതമാനത്തോളം പ്രദേശങ്ങള് ഹൂത്തികളുടെ നിയന്ത്രണത്തിലാണ്. കരമാര്ഗമുള്ള പോരാട്ടത്തില് ഏറെ മികച്ചുനില്ക്കുന്നതും അവര് തന്നെ.
ഹൂത്തികളും സൗദി സഖ്യവും തമ്മില് നാള്ക്കുനാള് സംഘര്ഷങ്ങള് കൂടിവരുന്ന പശ്ചാത്തലത്തില് ഇരുവിഭാഗങ്ങള് തമ്മിലുള്ള അനുരഞ്ജന സാധ്യത കുറഞ്ഞുവരികയാണെന്ന് റിപ്പോര്ട്ടുകള് വ്യക്തമാക്കുന്നു. ഇതുവരെയുള്ള സംഘര്ഷങ്ങളില് 10,000 സിവിലിയന്മാര് കൊല്ലപ്പെട്ടതായാണ് കണക്കുകള് പറയന്നത്.
-
സൗദി അറേബ്യ കൈവിട്ട നീക്കത്തിന്; ക്രൂഡ് വില്പ്പനയില് അപൂര്വ നീക്കം, ഇരട്ടനീക്കം ഫലം കാണും -
കുടുങ്ങിയത് ഖത്തറും സൗദി അറേബ്യയും; നേട്ടമുണ്ടാക്കിയത് ഈ 'ഒരൊറ്റ രാജ്യം', കിട്ടുന്നത് വന് ലാഭം -
പ്രവാസികൾക്ക് ആശ്വാസം; 32 പ്രത്യേക സർവീസുകളുമായി എയർ ഇന്ത്യയും എയർ ഇന്ത്യ എക്സ്പ്രസും -
ദുബായിൽ കുതിച്ചുയർന്ന് സ്വർണവില; ചാഞ്ചാട്ടം അവസാനിച്ചു, 24 കാരറ്റ് ഗ്രാമിന് വില എത്ര? ഭാവി സാധ്യതകൾ -
'ദിലീപ് മാത്രമല്ല, മഞ്ജു വാര്യരും കണ്ടു..ദിലീപിൻ്റ ആദ്യ പ്രതികരണം ഇതായിരുന്നു..അതോടെ ധന്യ നവ്യ നായരായി' -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
സ്വര്ണം മൂക്കു കുത്തി വീണു; വിപണി ഇടിയുന്നു, സ്വര്ണവില ഇനിയും കുറഞ്ഞേക്കും, ഇന്നത്തെ പവന് വില -
ആര്യ ബഡായിയുടെ മുൻ കാമുകൻ, രണ്ട് തവണ വിവാഹമോചനം നടന്നയാൾ,കൊടും ചതിയൻ';ആലപ്പി അഷ്റഫ് -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
സ്വർണ വില കണ്ണ് തള്ളിക്കും വിധം കുതിക്കും; ചൈന തരുന്നത് എട്ടിൻ്റെ പണി..സ്വർണം വാങ്ങിക്കൂട്ടുന്നു -
എല്പിജി സിലിണ്ടര് വിതരണം നിലച്ചു; ബെംഗളൂരുവില് നാളെ ഹോട്ടലുകള് അടച്ചിടും -
കൊച്ചിയിൽ നാളേയും മറ്റന്നാളും ഗതാഗത നിയന്ത്രണം; ഈ റോഡുകളിൽ പ്രവേശനം ഇല്ല..വിശദമായി അറിയാം
Click it and Unblock the Notifications
Sign in with Google