കെഎസ്ആര്ടിസി ഡബിള് ഡക്കര് ബസ് കോഴിക്കോടും; 3 മണി മുതല് സര്വീസ്, തുറന്ന ബസില് നഗരം ചുറ്റാം
കോഴിക്കോട്: തിരുവനന്തപുരത്തും മൂന്നാറിലും തൃശൂരിലും ഹിറ്റടിച്ച കെഎസ്ആര്ടിസിയുടെ ഓപ്പണ് ഡബിള് ഡക്കര് ബസ് കോഴിക്കോടും. മന്ത്രി മുഹമ്മദ് റിയാസ് ബസ് ഫ്ളാഗ് ഓഫ് ചെയ്തു. കോഴിക്കോട് നഗരത്തില് മാത്രം സര്വീസ് നടത്താനാണ് ഇപ്പോഴത്തെ തീരുമാനം. വൈകാതെ ബേപ്പൂരിലേക്കും ചാലിയത്തേക്കും സര്വീസ് നീട്ടും.
കെഎസ്ആര്ടിസിയിലെ ബജറ്റ് ടൂറിസം സെല്ലിനെ ശക്തിപ്പെടുത്താനാണ് ഡബിള് ഡക്കര് ബസ് കോഴിക്കോടിന് അനുവദിച്ചിരിക്കുന്നത്. വിനോദങ്ങള്ക്ക് എപ്പോഴും വലിയ ജനപിന്തുണ ലഭിക്കുന്ന കോഴിക്കോട് ഡബിള് ഡക്കര് ഹിറ്റാകുമെന്ന് തന്നെയാണ് പ്രതീക്ഷിക്കുന്നത്. താഴെ ഉള്ളതിനേക്കാള് കൂടുതല് സീറ്റുകള് മുകളിലെ നിലയിലാണ്.
മുകള് ഭാഗം തുറന്നു കിടക്കുന്നതിനാല് ഇവിടെ ഇരുന്ന് നഗരം കാണുന്നത് ആനന്ദകരമാകും. മുകളിലെ നിലയിലെ സീറ്റിന് ടിക്കറ്റ് നിരക്ക് കൂടുതലാണ്. ടിക്കറ്റ് നിരക്ക് സംബന്ധിച്ച് അന്തിമ ധാരണയായിട്ടില്ല. ചില മരച്ചില്ലകള് വെട്ടി ഒതുക്കാനുണ്ടെന്നും അത് കഴിഞ്ഞാല് റൂട്ട് നിശ്ചയിച്ച് സര്വീസ് തുടങ്ങുമെന്നും കെഎസ്ആര്ടിസി അധികൃതര് പറഞ്ഞു.
സരോവരം ബൈപ്പാസ്, അരയിടത്തുപാലം, മാനാഞ്ചിറ, ഫ്രാന്സിസ് റോഡ്, കോതിപ്പാലം, സൗത്ത് ബീച്ച്, ലയണ്സ് പാര്ക്ക്, ഗാന്ധി റോഡ്, ഭട്ട് റോഡ് എന്നിവിടങ്ങളിലൂടെയാണ് സര്വീസ് നിലവില് നിശ്ചയിച്ചിട്ടുള്ളത്. നഗരത്തോട് ചേര്ന്നു കിടക്കുന്ന ടൂറിസം കേന്ദ്രങ്ങളിലേക്കും സര്വീസ് നീട്ടിയേക്കും. ബേപ്പൂര് ഇതിലൊന്നാണ്. ഉച്ചയ്ക്ക് ശേഷം മൂന്ന് മണിക്ക് ആരംഭിച്ച് രാത്രി പത്തര വരെ ആയിരിക്കും ബസ് സര്വീസ് നടത്തുക.
മുകളില് 36, താഴെ 28 സീറ്റുകള്
പരിസ്ഥിതി സൗഹൃദമായ ബസ് ആയിരിക്കണം എന്ന് നിര്ബന്ധമുള്ളതിനാല് ഇലക്ട്രോണിക് ബസ് ആണ് കോഴിക്കോട് എത്തിയിരിക്കുന്നത്. മുകളിലെ നിലയില് 36 സീറ്റുകളാണുള്ളത്. താഴെ 28 സീറ്റുകളും. താഴെ ടിക്കറ്റ് നിരക്ക് കുറവായിരിക്കും. എന്നാല് മുകളിലെ ഓപണ് നിലയില് യാത്ര ചെയ്യാനാണ് രസകരം. അതുകൊണ്ടുതന്നെ ഇവിടെ ടിക്കറ്റ് നിരക്ക് കൂടും.
നഗര കാഴ്ച കാണാന് കൂടുതല് പേര് എത്തുമെന്ന പ്രതീക്ഷയിലാണ് കെഎസ്ആര്ടിസി പദ്ധതി ആവിഷ്കരിച്ചിരിക്കുന്നത്. കോഴിക്കോട് വന്നാല് എല്ലാവരും പോകുന്നത് ബീച്ചിലേക്ക് ആയിരിക്കും. എന്നാല് നഗരം ചുറ്റിക്കാണാന് അവസരം ലഭിച്ചാല് കൂടുതല് പേര് ഉപയോഗപ്പെടുത്തും. സരോവരം പാര്ക്ക്, മാനാഞ്ചിറ, ബീച്ച് തുടങ്ങി ടൂറിസ്റ്റുകള് കൂടുതലുള്ള സ്ഥലങ്ങളെ ബന്ധിപ്പിച്ചാണ് സര്വീസ് നടത്തുക.
തിരുവനന്തപുരത്താണ് കേരളത്തില് ആദ്യമായി ഓപ്പണ് ഡബിള് ഡക്കര് സര്വീസ് ആരംഭിച്ചത്. പിന്നീട് മൂന്നാറിലേക്ക് കൂടി ബസ് എത്തിയതോടെ കൂടുതല് ജനകീയമായി. മൂന്നാറിലെത്തുന്നവര്ക്ക് ഈ ബസില് പ്രധാന സ്ഥലങ്ങള് സന്ദര്ശിക്കാം. മന്ത്രി രാജന്റെ ആവശ്യം പരിഗണിച്ച് തൃശൂരിലേക്കും ബസ് അനുവദിച്ചിരുന്നു. തൃശൂര് നഗരത്തില് നിന്ന് മൃഗശാലയിലേക്കാണ് ബസ് സര്വീസ് നടത്തുന്നത്.
-
രഞ്ജിത്തിനെതിരെ ഇത് മൂന്നാമത്തെ പീഡനക്കേസ്; രക്ഷപ്പെടാനുള്ള നീക്കം പാളി, ഒടുവിൽ പോലീസ് കുടുക്കി -
പാലക്കാട് രമേഷ് പിഷാരടി തൂക്കും, തൃത്താല ബൽറാം തിരിച്ച് പിടിക്കും, ശോഭ പിന്നെയും തോൽക്കും, മനോരമ സർവ്വേഫലം -
'500 രൂപയില് തുടങ്ങിയ പിഷാരടി ദിവസവും ഒന്നര ലക്ഷം വാങ്ങാന് ആരംഭിച്ചു'; ആ വളര്ച്ച അസൂയാവഹം -
ഇറാനിൽ അമേരിക്കൻ സൈന്യം വന്നാൽ റഷ്യ ഇടപെടും? പ്രഖ്യാപനത്തിൽ നടുങ്ങി ലോകം -
ഏപ്രില് 1ന് രാത്രി 8 മണിക്ക് അത് സംഭവിക്കും; സുപ്രധാന പ്രഖ്യാപനവുമായി ഇറാന്, സ്തംഭിക്കും -
ഖത്തറിന്റെ കടുത്ത നടപടി; വിസ ഓണ് അറൈവല് റദ്ദാക്കി, യാത്രക്കാര്ക്ക് നിര്ദേശവുമായി പാക് എംബസി -
ഫോർട്ട് കൊച്ചി- വൈപ്പിൻ ഭൂഗർഭ തുരങ്കപാത; കാത്തിരിപ്പ് നീളുന്നു, 30 മാസം വേണം പൂർത്തിയാവാൻ, ഇനിയെന്ത്? -
പാചകവാതക വിലയിൽ വൻ വർധനവ്; സാധാരണക്കാർക്ക് ഇരുട്ടടി! പുതുക്കിയ നിരക്കുകൾ ഇങ്ങനെ -
ലുലു ഗ്രൂപ്പിന്റെ അനുബന്ധ സ്ഥാപനം ഡല്ഹിയില് ബംഗ്ലാവ് സ്വന്തമാക്കി; സ്റ്റാമ്പ് ഡ്യൂട്ടി മാത്രം 6.26 കോടി -
പിണറായി 3.0 സാധ്യമോ? മധ്യ കേരളത്തിൽ യുഡിഎഫ് മുന്നേറ്റമുണ്ടാക്കും; ഇടത് കോട്ടകൾ വീഴുമെന്ന് സർവേ -
റിപ്പോർട്ടർ ചാനൽ ഇപ്പോൾ പൂട്ടിപ്പോകും, പ്രശ്നം ഗുരുതരമാണ്, ആൻ്റോയുടെ പേരിൽ ലൈസൻസ് ഇല്ല'; അഖിൽ മാരാർ -
കേരളത്തിൽ ഭരണമാറ്റം വരുന്നു? തെക്കൻ കേരളത്തിലും യുഡിഎഫ് മുന്നേറ്റം, ബിജെപിക്ക് സീറ്റ് കിട്ടും, പ്രവചനം
Click it and Unblock the Notifications
Sign in with Google