Click it and Unblock the Notifications
Just In
Don't Miss
-
റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ! -
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
കല്‍ക്കരി കേസില്‍ മന്‍മോഹന്‍ പ്രതി, കോടതിയുടെ നോട്ടീസ്
ദില്ലി: കല്‍ക്കരി അഴിമതി കേസില്‍ മുന്‍ പ്രധാനമന്ത്രി മന്‍മോഹന്‍ സിങിനേയും പ്രതി ചേര്‍ത്തു. കേസില്‍ കോടതിയില്‍ ഹാജരായി മൊഴി നല്‍കാന്‍ നോട്ടീസ് അയച്ചു.
വിവാദമായകല്‍ക്കരി കുംഭകോണത്തില്‍ ഹിന്‍ഡാല്‍കോ കേസിലാണ് മന്‍മോഹനെ പ്രതി ചേര്‍ത്തിരിക്കുന്നത്. കുമാരമംഗലം ബിര്‍ള, മുന്‍ കല്‍ക്കരി സെക്രട്ടറി പിസി പരേഖ് എന്നിവര്‍ക്കും കോടതി നോട്ടീസ് അയച്ചിട്ടുണ്ട്.
2005 ല്‍ നടന്ന സംഭവത്തിലാണ് കേസ്. ആദിത്യ ബിര്‍ള ഗ്രൂപ്പിന്റെ കീഴിലുള്ള കമ്പനിയാണ് ഹിന്‍ഡാല്‍കോ. കല്‍ക്കരി പാടത്തിന് വേണ്ടി ഇവര്‍ ആദ്യം നല്‍കിയ അപേക്ഷ തള്ളിയിരുന്നു. എന്നാല്‍ പിന്നീട് പ്രധാനമന്ത്രിയുടെ ഓഫീസ് ഇടപെട്ട് കല്‍ക്കരിപ്പാടം അനുവദിക്കുകയായിരുന്നു എന്നാണ് ആക്ഷേപം.
ഈ സംഭവത്തില്‍ മന്‍മോഹന്‍ സിങിനെ സിബിഐ ചോദ്യം ചെയ്തിരുന്നതായും വാര്‍ത്തകളുണ്ടായിരുന്നു. ക്രിമിനല്‍ ഗൂഢാലോചന, വിശ്വാസവഞ്ച, അഴിമതി നിരോധന വകുപ്പുകള്‍ എന്നിവയാണ് ഇതില്‍ ചുമത്തപ്പെട്ട കുറ്റങ്ങള്‍.
തനിക്ക് നോട്ടീസ് അയക്കാനുള്ള കോടതി തീരുമാനം ഞെട്ടിച്ചുവെന്നാണ് മന്‍മോഹന്‍ സിങ് പ്രതികരിച്ചത്. ഒരു നാള്‍ സത്യം പുറത്ത് വരുമെന്നും അദ്ദേഹം പ്രത്യാശ പ്രകടിപ്പിച്ചു.
പ്രത്യേക സിബിഐ കോടതി ജഡ്ജി ഭരത് പരാശര്‍ ആണ് മുന്‍ പ്രധാനമന്ത്രി അടക്കം ആറ് പേര്‍ക്ക് കോടതിയില്‍ ഹാജരാകാന്‍ നോട്ടീസ് അയച്ചത്.
