Click it and Unblock the Notifications
Just In
Don't Miss
-
ഡ്രൈവിങ്ങ് ടെസ്റ്റ് കട്ട ശോകം തന്നെ, ഡ്രൈവിങ്ങ് ടെസ്റ്റ് ഗ്രൗണ്ടിൽ അടിസ്ഥാനസൗകര്യമില്ലെന്ന് റിപ്പോർട്ട് -
ഷാരൂഖ് ഖാനെ പ്രണയിച്ച് അഭിനയിക്കണമെന്നാണ് ആഗ്രഹം! മുന്പ് നടക്കാതെ പോയതിനെ പറ്റി നടി വിദ്യ ബാലന് -
T20 World Cup 2024: വീണ്ടുമൊരു ലോകകപ്പ് കളിക്കാന് ഡിക്കെ റെഡി! ധോണിയോ? തുറന്നു പറഞ്ഞ് രോഹിത് -
'അഴിച്ചുവിട്ട' മുതലിനെ ഏറ്റുവാങ്ങാൻ സമയമായി! നേരേ ഫ്ലിപ്പ്കാർട്ടിലേക്ക് വിട്ടോ, ദേ ഇത് വാങ്ങിക്കോ -
നിസ്സാര കാര്യത്തിന് പിണങ്ങുന്ന പങ്കാളി, ബ്രേക്ക് അപ്പ് ആകാതെ ബന്ധം കാക്കാന് 7 കാര്യം -
റെക്കോർഡ് വിലയിൽ നിന്നും താഴോട്ടിറങ്ങി സ്വർണം, ഇന്ന് കുറഞ്ഞത് 240 രൂപ, ആഭരണം വാങ്ങാൻ 58,000 നൽകണം -
മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ
യൂറോ കപ്പ് ഫുട്‌ബോളിന് ഐസിസ് തീവ്രവാദികളുടെ ഭീഷണി
പാരിസ്: ഫ്രാന്‍സില്‍ ജൂണില്‍ ആരംഭിക്കാനിരിക്കുന്ന യൂറോ കപ്പ് ഫുട്‌ബോള്‍ ടൂര്‍ണമെന്റിന് ഐസിസ് തീവ്രവാദികളുടെ ഭീഷണി. പാരിസ് ഭീകരാക്രമണക്കേസില്‍ കഴിഞ്ഞദിവസം പിടിയിലായ മൊഹമ്മദ് അബ്രിനി ചോദ്യം ചെയ്യലില്‍ അന്വേഷണ ഉദ്യോഗസ്ഥരോട് വെളിപ്പെടുത്തിയതാണ് ഇക്കാര്യം. യൂറോ കപ്പില്‍ ആക്രമണമുണ്ടാകുമെന്ന് അബ്രിനി മുന്നറിയിപ്പു നല്‍കി.
പാരിസില്‍ 130 രണ്ടുപേരുടെയും അടുത്തിടെ ബ്രസല്‍സ് വിമാനത്താവളത്തില്‍ 32 പേരുടെയും മരണത്തിനിടയാക്കിയ ഭീകരാക്രമണത്തിന് നേതൃത്വം നല്‍കിയത് അബ്രിനിയാണെന്ന് സംശയിക്കുന്നുണ്ട്. ബ്രസല്‍സ് വിമാനത്താവളത്തില്‍ അബ്രിനി മറ്റു രണ്ടു ചാവേറുകള്‍ക്കൊപ്പം എത്തിയതായി സിസിടിവി ദൃശ്യങ്ങളില്‍ വ്യക്തമായിരുന്നു.
ഇതിന് പിന്നാലെയാണ് യൂറോ കപ്പിലും ആക്രമണത്തിന് ലക്ഷ്യമിട്ടതെന്ന് അബ്രിനി പറയുന്നു. ഫ്രാന്‍സ് എല്ലായിപ്പോഴും ഐസിസ് തീവ്രവാദികളുടെ പ്രധാന ലക്ഷ്യകേന്ദ്രമാണ്. അതുകൊണ്ടുതന്നെ യൂറോ കപ്പിന് കനത്ത സുരക്ഷ ഏര്‍പ്പെടുത്തേണ്ടിവരുമെന്ന് സുരക്ഷാ ഉദ്യോഗസ്ഥര്‍ വ്യക്തമാക്കി. അബ്രിനിയുടെ വെളിപ്പെടുത്തലിന്റെ അടിസ്ഥാനത്തില്‍ കര്‍ശന സുരക്ഷാ സന്നാഹങ്ങളോടെയണ് യൂറോകപ്പ് അരങ്ങേറുക.
യൂറോപ്പിലെ ലക്ഷക്കണക്കിന് ആരാധകരെ ഞെട്ടിക്കുന്നതുകൂടിയാണ് അബ്രിനിയുടെ വെളിപ്പെടുത്തല്‍. ബ്രിട്ടനില്‍ നിന്നുമാത്രം പതിനായിരക്കണക്കിന് ഫുട്‌ബോള്‍ പ്രേമികള്‍ ഫ്രാന്‍സിലേക്ക് പോകാന്‍ തയ്യാറെടുത്തുകഴിഞ്ഞു. ഏതെങ്കിലും തരത്തില്‍ ആക്രമണമുണ്ടാകകയാണെങ്കില്‍ ടൂര്‍ണമെന്റിന്റെ നടത്തിപ്പ് പ്രതിസന്ധിയിലാകുമെന്നുറപ്പാണ്.
