മാനസിക രോഗിയായ കറുത്തവര്ഗക്കാരന് യുഎസ് വധശിക്ഷയ്ക്ക് വിധേയനാക്കി
അറ്റ്ലാന്റ: മാനസിക രോഗിയായ ആഫ്രിയ്ക്കക്കാരനെ അമേരിയ്ക്ക വധശിക്ഷയ്ക്ക് വിധേയനാക്കി . അമേരിയ്ക്കയിലെ ജോര്ജ്ജിയയിലാണ് 54കാരനായ ആഫ്രിക്കന് വംശജനെ വധശിക്ഷയ്ക്ക് വിധേയനാക്കിയത് . സഹതടവുകാരനെ കൊന്നതിനാണ് വധശിക്ഷ .
വാറന് ലീ ഹില് (54) എന്നയാളെയാണ് പ്രദേശിക സമയം രാത്രി 7 .55 ഓടെ വധശിക്ഷയ്ക്ക് വിധേയനാക്കിയത് . വധശിക്ഷയില് നിന്നും ഒഴിവാക്കുന്നതിന് വേണ്ടി ഹില്ലിന്റെ അഭിഭാഷകര് പരമോന്നത കോടതിയെ സമീപിച്ചെങ്കിലും ഫലമുണ്ടായല്ല . മുന്പ് മൂന്ന് തവണയോളം ഹില്ലിന്റെ വധശിക്ഷ നീട്ടി വച്ചിരുന്നു .
ഇയാള് മാനസിക രോഗിയാണെന്ന് അഭിഭാഷകര് പറയുന്നു . സഹതടവുകാരനെ തല്ലിക്കൊന്നതിനാണ് പ്രതിയ്ക്ക് വധശിക്ഷവിധിയ്ക്കുന്നത് . 18കാരിയായ കാമുകിയെ വെടിവച്ച് കൊന്നതിനാണ് ഹില് ജീവപര്യന്തം ശിക്ഷിയ്ക്കപ്പെട്ട് ജയിലാകുന്നത് . ജയിലില് വച്ചായിരുന്നു രണ്ടാമത്തെ കൊലപാതകം .
കാമുകിയ പതിനൊന്ന് തവണയോളം നിറയൊഴിച്ചാണ് ഇയാള് കൊലപ്പെടുത്തിയത് . അമേരിയ്ക്കയില് കറുത്തവര്ഗക്കാര്ക്ക് നീതി നിഷേധിയ്ക്കപ്പെടുന്നതിന്റെ ഉദാഹരണമാണ് മാനസികരോഗിയായ ഹില്ലിനെ വധശിക്ഷയ്ക്ക് വിധേയമാക്കിയ സംഭവമെന്ന് ഹില്ലിന്റെ അഭിഭാഷകരും പറയുന്നു .സംഭവത്തിനെതിരെ പ്രതിഷേധം ഉയരുന്നുണ്ട് .