സ്വര്ണവില 27000 രൂപ കുറഞ്ഞു; പിന്നീട് സംഭവിച്ചത് അപ്രതീക്ഷിതം, രാത്രി പോലും വില കുതിച്ച വാരം
കൊച്ചി: സ്വര്ണവിലയില് വിലയ ചാഞ്ചാട്ടമാണ് ഈ മാസം സംഭവിച്ചത്. മൂക്കുകുത്തി സ്വര്ണം വീണത് ആഭരണം ഉള്പ്പെടെ വാങ്ങാനിരുന്നവര്ക്ക് ആശ്വാസമായിരുന്നു. വില കുറഞ്ഞ് 75000 രൂപയിലേക്ക് പവന് എത്തുമെന്നും പ്രവചനങ്ങളുണ്ടായി. എന്നാല് അത് സംഭവിച്ചില്ലെങ്കിലും ഒരു ലക്ഷം രൂപയില് താഴേക്ക് സ്വര്ണം വീണു. വൈകാതെ തിരിച്ചുകയറ്റം തുടങ്ങി.
ഈ മാസം ഒന്നിന് ഒരു പവന് സ്വര്ണത്തിന്റെ വില 126920 രൂപയായിരുന്നു. ഏറിയും കുറഞ്ഞും വന് ഇടിവുകളിലേക്ക് വീണും കഴിഞ്ഞാഴ്ചയുടെ ആരംഭത്തില് പവന് വില 99480 രൂപയായി താഴ്ന്നു. അതായത്, 27000 രൂപയോളം ഒരു പവന് കുറഞ്ഞു. ഒരു മാസത്തിനിടെ ഇത്രയും വില ഇടിയുന്നത് സമീപകാല സ്വര്ണത്തിന്റെ ചരിത്രത്തില് ആദ്യമാണ്. എന്നാല് പിന്നീട് ചിത്രം മാറി.
കഴിഞ്ഞ തിങ്കളാഴ്ച ഒരു പവന് സ്വര്ണത്തിന് 99480 രൂപയായിരുന്നു ഒരു പവന് സ്വര്ണത്തിന്റെ വില. പിന്നീട് പതിയെ വില ഉയരാന് തുടങ്ങി. ഇതില് രണ്ട് തവണ വില ഉയര്ന്നത് രാത്രിയാണ് എന്നതും എടുത്തു പറയണം. രണ്ട് വര്ഷം മുമ്പ് വരെ സ്വര്ണവില ദിവസം ഒരു തവണ മാത്രമായിരുന്നു മാറിയിരുന്നത്. സമീപകാലത്ത് ഇത് നാല് തവണ വരെ എത്തി. ഇപ്പോള് രാത്രിയിലും വില മാറ്റം പ്രകടമാകുന്നുണ്ട്.
കൂടുതല് പേര് ഇടപെടുന്ന വിപണിയായി സ്വര്ണ മാര്ക്കറ്റ് മാറിയിരിക്കുന്നു എന്നാണ് ഇതില് നിന്ന് വ്യക്തമാകുന്നത്. ഇന്ന് ഒരു പവന് സ്വര്ണത്തിന് 108600 രൂപയാണ് പവന് വില. യുദ്ധം തുടങ്ങിയതോടെയാണ് സ്വര്ണവില കുത്തനെ ഇടിയാന് തുടങ്ങിയത്. പണപ്പെരുപ്പം വരുമെന്നും പലിശ നിരക്ക് കൂട്ടുമെന്നും കരുതി മിക്കവരും സ്വര്ണം വിറ്റ് ബോണ്ടുകളിലേക്കും മറ്റു തിരിഞ്ഞതാണ് വില ഇടിയാന് ഒരു കാരണം.
ഈ ആഴ്ച സ്വര്ണവില കുറഞ്ഞേത്തും
മാത്രമല്ല, പല രാജ്യങ്ങളും സ്വര്ണം ഒഴിവാക്കി ഡോളര് വാങ്ങാനും ആരംഭിച്ചു. യുദ്ധം കാരണം ക്രൂഡ് ഓയില് വില കുതിച്ചതോടെ എണ്ണ ശേഖരിച്ചുവയ്ക്കുന്നതിലായി ലോക രാജ്യങ്ങളുടെ ശ്രദ്ധ. ഇതിന് എല്ലാ രാജ്യങ്ങള്ക്കും ഡോളര് ആവശ്യമായി വന്നു. ഡോളറിന്റെ മൂല്യം കൂടാനും ക്രൂഡ് ഓയില് വില വര്ധിക്കാനും ഓഹരി വിപണിയിലും സ്വര്ണവും താഴാനും ഇതെല്ലാം കാരണമായി.
യുദ്ധം അവസാനിക്കാന് പോകുന്നു, ചര്ച്ച നടക്കുന്നു, വൈകാതെ യുദ്ധം തീരുമെന്നെല്ലാം അമേരിക്കന് പ്രസിഡന്റ് ഡൊണാള്ഡ് ട്രംപ് പറഞ്ഞതോടെ വിപിണി മാറി ചിന്തിച്ചു. ഇതോടെയാണ് സ്വര്ണവില കയറാന് തുടങ്ങിയത്. ഇന്നത്തെ വിലയിലേക്ക് എത്താന് കാരണവും അതുതന്നെ. എന്നാല് യുദ്ധം ഉടന് തീരില്ല എന്നാണ് പുതിയ വിവരം. അമേരിക്കയുടെ കരസേന പശ്ചിമേഷ്യയില് എത്തിയിട്ടുണ്ട്. കരയുദ്ധം തുടങ്ങാന് അമേരിക്ക ഒരുങ്ങുകയാണത്രെ.
അമേരിക്ക കരയുദ്ധം ആരംഭിച്ചാല് പശ്ചിമേഷ്യ കൂടുതല് സംഘര്ഷ ഭരിതമാകും. ഗള്ഫ് രാജ്യങ്ങളെ ശരിക്കും പിടിച്ചുലയ്ക്കും. ഇതോടെ അവശ്യവസ്തുക്കളുടെ വില കുതിച്ചുയരും. സ്വര്ണം ഇനിയും വില കുറയാനാണ് സാധ്യത എന്നാണ് വിലയിരുത്തല്. ക്രൂഡ് ഓയില് വില കുതിച്ചുയര്ന്നേക്കും. ഇന്ത്യ ഉള്പ്പെടെയുള്ള ജനങ്ങള്ക്ക് ഇത് തിരിച്ചടിയാകും.
-
സ്വർണക്കുതിപ്പ് തത്കാലത്തേക്ക് അവസാനിച്ചു; ഇനി ഇടിഞ്ഞ് താഴോട്ട്, ഗ്രാം വില 11000 ആയി കുറയും? -
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
സ്വർണ വില താഴേക്ക് തന്നെ; പവൻ വില കേരളത്തിൽ 17,000 രൂപയെങ്കിലും ഇടിയും..പുതിയ പ്രവചനങ്ങൾ ഇങ്ങനെ -
സ്വർണ വില ഗ്രാമിന് 6000 വരെ ആകണമെന്ന് വ്യാപാരികൾ; വില കുറയാൻ ആഗ്രഹിക്കുന്നത് ഇക്കാര്യം കൊണ്ടെന്ന് -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
സ്വർണം വാങ്ങിക്കൂട്ടി, ഇപ്പോൾ വിറ്റൊഴിവാക്കുന്നു: 3 രാജ്യങ്ങളുടെ നീക്കം ഇങ്ങനെ..ഇനി സ്വർണ വില താഴേക്ക്? -
സ്വർണത്തിന് ഇന്ത്യയിൽ 'പുല്ലുവില'യാകുമോ; വർഷം 600 കിലോഗ്രാം ഖനനം ചെയ്യും, വമ്പൻ ലോട്ടറിയാകാൻ ജോന്നഗിരി -
സ്വര്ണവില 75000 ത്തിലേക്ക് വീഴും, ഗ്രാമിന് 9500 രൂപ..! അതും 2026 ല് തന്നെ..! -
സ്വര്ണത്തിന്റെ വിലയിടിവ് യാദൃശ്ചികമല്ല... മൂന്ന് തവണ ഇതുപോലെ ഇടിഞ്ഞു! അന്ന് സംഭവിച്ചത് -
ഇന്ത്യക്കാര് സ്വര്ണം വാങ്ങിത്തുടങ്ങി... 61 ഡോളര് വരെ കിഴിവ്, ഡിമാന്ഡേറുന്നു, ചൈന വീണു -
സ്വര്ണം വന്തോതില് ഒഴുകും; അമേരിക്ക ഇളവ് പ്രഖ്യാപിച്ചു, യുഎഇ, തുര്ക്കി എന്നിവര്ക്ക് നേട്ടം -
സ്വർണം കൂട്ടത്തോടെ വിറ്റ് റഷ്യ; 25 വർഷത്തിനിടെ ആദ്യം..വില ഇനി കുത്തനെ ഇടിയും? -
സ്വര്ണ വിപണി ദുബായില് നിന്ന് മാറുമോ? ഏഷ്യയിലെ ഗോള്ഡ് ഹബ്ബാകാന് സിംഗപ്പൂര്
Click it and Unblock the Notifications
Sign in with Google