സ്വര്ണവില കുറയുന്നു; ഇനിയും കുറഞ്ഞേക്കും, മറ്റൊരു കെണിയുണ്ട്, ഇന്നത്തെ പവന് വില അറിയാം
കൊച്ചി: കേരളത്തില് സ്വര്ണവില കുറഞ്ഞു. വരുംദിവസങ്ങളിലും വില കുറഞ്ഞേക്കുമെന്നാണ് വിലയിരുത്തല്. പശ്ചിമേഷ്യയില് സംഘര്ഷ സാധ്യത തുടരുന്നതാണ് സ്വര്ണവില കുറയ്ക്കുന്നത്. അതേസമയം, എല്ലാവരെയും നേരിട്ട് ബാധിക്കുന്ന തരത്തില് ക്രൂഡ് ഓയില് വില ഉയരുന്നു എന്ന വെല്ലുവിളി മറുഭാഗത്തുണ്ട്. ഇന്നലെ മുതല് 8 ഡോളറാണ് ഒരു ബാരല് എണ്ണയ്ക്ക് വര്ധിച്ചത്.
ക്രൂഡ് ഓയില് വില ബാരലിന് 102 ഡോളര് പിന്നിട്ടു. ഡോളര് സൂചിക 99ന് മുകളിലെത്തി. ഇന്ത്യന് രൂപയുടെ മൂല്യമിടിഞ്ഞ് 93.40 ആയി. ആഗോള വിപണിയില് സ്വര്ണവില 4720 ഡോളറായി താഴ്ന്നു. ഇതിന്റെ ആനുപാതികമായ ഇടിവാണ് കേരളത്തില് കാണുന്നത്. വെള്ളി വില ഗ്രാമിന് 255 രൂപയായി കുറഞ്ഞിട്ടുണ്ട്. ഇനി കേരളത്തിലെ സ്വര്ണവില അറിയാം...
കേരളത്തില് ഇന്ന് ഒരു പവന് സ്വര്ണത്തിന് 111800 രൂപയാണ്. ഗ്രാമിന് 13975 രൂപയും. 22 കാരറ്റ് സ്വര്ണത്തിന്റെ വിലയാണിത്. വെള്ളി ഗ്രാമിന് 255 രൂപയും പത്ത് ഗ്രാമിന് 2550 രൂപയുമാണ് വില. 18 കാരറ്റ് സ്വര്ണം ഗ്രാമിന് 11485 രൂപയും പവന് 91880 രൂപയും നല്കണം. 14 കാരറ്റ് ഗ്രാമിന് 8945 രൂപയും പവന് 71560 രൂപയുമാണ് നല്കേണ്ടത്. 9 കാരറ്റ് ഗ്രാമിന് 5765 രൂപയും പവന് 46120 രൂപയും നല്കണം.
കേരളത്തില് ഈ മാസം രേഖപ്പെടുത്തിയ ഏറ്റവും ഉയര്ന്ന പവന് വില 112800 രൂപയും ഏറ്റവും കുറഞ്ഞ പവന് വില 109240 രൂപയുമാണ്. ഈ രണ്ട് വിലയ്ക്കുമിടയില് ഏറിയും കുറഞ്ഞുമാണ് ഏപ്രിലില് സ്വര്ണവിലയുടെ പ്രയാണം. ഇന്ന് ഒരു പവന് ആഭരണം വാങ്ങുന്ന വ്യക്തിക്ക് മറ്റു ചെലവുകള് ഉള്പ്പെടെ 1.20 ലക്ഷം രൂപ ചെലവ് പ്രതീക്ഷിക്കാം. പഴയ സ്വര്ണം വില്ക്കുന്നവര്ക്ക് 1.11 ലക്ഷം കിട്ടിയേക്കും.
സ്വര്ണവില ഇനിയും കുറഞ്ഞേക്കും
പശ്ചിമേഷ്യയില് സംഘര്ഷം രൂക്ഷമാകുമെന്ന സൂചന പുറത്തുവന്നിട്ടുണ്ട്. ഹോര്മുസ് പാതയില് കൂടുതല് ഇടപെടാന് അമേരിക്ക തീരുമാനിച്ചു. ഇതിനെതിരെ ഇറാന് രംഗത്തെത്തുമെന്ന് ഉറപ്പാണ്. ഇതോടെ ക്രൂഡ് ഓയില് കയറ്റുമതി വെല്ലുവിളി നിറഞ്ഞതാകും. ക്രൂഡ് വില കുതിച്ചുയരും. ക്രൂഡ് വില ഉയര്ന്നാല് ഇന്ത്യ പോലുള്ള ഇറക്കുമതി രാജ്യങ്ങളില് പണപ്പെരുപ്പം വര്ധിക്കുകയും വ്യാപാര കമ്മി കൂടുകയും ചെയ്യും.
ക്രൂഡ് വില കൂടുമ്പോള് എല്ലാ രാജ്യങ്ങള്ക്കും ഇറക്കുമതിക്ക് വേണ്ടി കൂടുതല് ഡോളര് കണ്ടെത്തേണ്ടി വരും. ഡോളര് സൂചിക ഉയരാന് ഇത് കാരണാകും. മറ്റു കറന്സികള് മൂല്യം ഇടിയുകയും ചെയ്യും. സ്വര്ണത്തില് നിന്ന് നിക്ഷേപകരുടെ ശ്രദ്ധ ക്രൂഡ് ഓയിലിലേക്ക് നീങ്ങും. എല്ലാ രാജ്യങ്ങളും നിക്ഷേപകരും ക്രൂഡ് ഓയിലിലേക്കും ഡോളറിലേക്കും ശ്രദ്ധ പതിപ്പിക്കും.
സ്വര്ണത്തിന് ആവശ്യക്കാര് കുറയുമ്പോള് സ്വര്ണവില കുറയാന് തുടങ്ങും. എന്നാല് യുദ്ധം അവസാനിക്കുകയും നിക്ഷേപ സൗഹൃദ അന്തരീക്ഷം വരികയും ചെയ്താല് സ്വര്ണവില തിരിച്ചുകയറും. നിലവില് സ്വര്ണവില കുറയുമെന്ന് പറയുമ്പോള് വലിയ തോതിലുള്ള ഇടിവ് സംഭവിക്കുമെന്ന് പ്രതീക്ഷിക്കാന് വകയില്ല. നേരിയ ഇടിവാണ് പ്രതീക്ഷിക്കുന്നത്. അപ്പോഴും ക്രൂഡ് ഓയില് വില കുതിക്കുന്നു എന്ന കെണി മറുഭാഗത്തുണ്ട്.
-
കഴിഞ്ഞ അക്ഷയ തൃതീയയ്ക്ക് 10 ഗ്രാം സ്വര്ണം വാങ്ങിയവരാണോ? ഇന്ന് അത് വിറ്റാല് നഷ്ടം, വിലയിടിഞ്ഞു -
വെള്ളി വാങ്ങിവെച്ചവര്ക്ക് കോളടിച്ചു..! ഇന്ന് വിറ്റാല് ലാഭം മാത്രം 1.44 ലക്ഷം രൂപ -
10 കേന്ദ്ര ബാങ്കുകളിലുള്ളതിനേക്കാള് സ്വര്ണം ഇന്ത്യയിലെ വീടുകളില്! അസോചം പറയുന്നതിങ്ങനെ -
സ്വര്ണവില മാറി; ഇന്നത്തെ വര്ധനവ് കാര്യമാക്കേണ്ട, ട്രംപ് അടങ്ങിയാല് ചിത്രം മാറും, ഇന്നത്തെ പവന് വില -
ഡോളറിന് കിട്ടിയത് എട്ടിന്റെ പണി...! സ്വര്ണത്തിന് ഇനി കുതിപ്പിന്റെ കാലം, വില കൂടാന് പോകുന്നു -
ആരും ജ്വല്ലറിയിലേക്ക് പോകുന്നില്ല.. ആഭരണവും വേണ്ട; പക്ഷെ സ്വര്ണത്തിന് ഇപ്പോഴും ഡിമാന്ഡ് തന്നെ -
അക്ഷയ തൃതീയയ്ക്ക് ജ്വല്ലറിയില് പോകണമെന്നില്ല; സ്വര്ണം വാങ്ങാന് വേറെയുമുണ്ട് ഓപ്ഷന് -
സ്വർണ വില 2ശതമാനം ഇടിഞ്ഞു; ഇനിയും കുറയും.. അര പവൻ 25,000 രൂപയ്ക്ക് വാങ്ങാനാകുമെന്ന് കരുതുന്നുണ്ടോ? -
കടലിന്റെ അടിത്തട്ടില് 'സ്വര്ണ ഫാക്ടറി', പുതിയ കണ്ടെത്തല്; ഖനനം സാധ്യമാകുമോ? -
അക്ഷയ ത്രിതീയ ദിനത്തിൽ ഈ 5 വസ്തുക്കൾ വീട്ടിൽ കയറ്റരുത്, ഐശ്വര്യക്കേട് അച്ചട്ടാണ്! -
സ്വർണ വില തിങ്കളാഴ്ച കുറയുമോ? പവൻ വില എത്രയാകും? വിപണി നീരീക്ഷകർ പറയുന്നത് ഇങ്ങനെ -
സ്വർണം വാങ്ങാം; അക്ഷയ തൃതീയക്ക് വമ്പൻ ഓഫറുകൾ പ്രഖ്യാപിച്ച് ജ്വല്ലറികൾ..പണിക്കൂലിയിലും ലാഭം -
സ്വർണ വില കേരളത്തിൽ 20,000 എങ്കിലും കുറയുമോ? ആഭരണപ്രേമികൾ അറിയേണ്ടത്.ഒരാഴ്ചക്കിടെ വില ഉയർന്നു -
അക്ഷയ തൃതീയക്ക് സ്വർണം വാങ്ങാൻ ഏറ്റവും ഉചിതമായ സമയം ഏത്? മുഹൂർത്തം വിശദമായി അറിയാം -
സ്വര്ണം വില കുറയും; ക്രൂഡ് ഓയില് വില കൂടും, ഹോര്മുസ് ഉപരോധത്തിന് അമേരിക്ക
Click it and Unblock the Notifications
Sign in with Google