പഞ്ചായത്ത് പ്രസിഡന്റിന്റെ ശമ്പളം 13200 രൂപ; മേയര്, അംഗങ്ങള് എന്നിവരുടേതോ? അറിയാം വരുമാനം
തദ്ദേശ സ്വയം ഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് ഡിസംബര് 9, 11 തിയ്യതികളില് നടക്കും. 13നാണ് വോട്ടെണ്ണല്. പഞ്ചായത്ത്, ബ്ലോക്ക് പഞ്ചായത്ത്, ജില്ലാ പഞ്ചായത്ത്, മുന്സിപ്പാലിറ്റി, കോര്പറേഷന് എന്നീ അഞ്ച് തദ്ദേശ സ്ഥാപനങ്ങളും ആര് ഭരിക്കുമെന്ന് അന്ന് അറിയാം. പഞ്ചായത്തുകളിലേക്ക് മല്സരിക്കുന്ന സ്ഥാനാര്ഥികള് 2000 രൂപ കെട്ടിവെക്കണം, ബ്ലോക്ക് പഞ്ചായയത്തിലേക്കും മുന്സിപ്പാലിറ്റിയിലേക്കും മല്സരിക്കുന്നവര് 4000 രൂപ കെട്ടിവെക്കണം, ജില്ലാ പഞ്ചായത്ത്, കോര്പറേഷന് എന്നിവിടങ്ങളില് മല്സരിക്കുന്നവര് 5000 രൂപ കെട്ടിവെക്കണം.
നിശ്ചിത ശതമാനം വോട്ട് കിട്ടിയില്ലെങ്കില് കെട്ടിവച്ച കാശ് പോകും. പഞ്ചായത്തില് തിരഞ്ഞെടുപ്പ് പ്രചാരണത്തിന് ഓരോ സ്ഥാനാര്ഥിക്കും 25000 രൂപയാണ് ചെലവഴിക്കാന് സാധിക്കുക. മുന്സിപ്പാലിറ്റിയിലേക്കും ബ്ലോക്ക് പഞ്ചായത്തിലേയും സ്ഥാനാര്ഥികള്ക്ക് 75000 രൂപ ചെലവഴിക്കാം. കോര്പറേഷനിലേക്കും ജില്ലാ പഞ്ചായത്തിലേക്കും 1,50,000 രൂപ പ്രചാരണത്തിന് വേണ്ടി ചെലഴിക്കാം എന്നാണ് തിരഞ്ഞെടുപ്പ് കമ്മീഷന് നല്കിയ നിര്ദേശം. ലംഘിക്കുന്നവര് അയോഗ്യരാക്കപ്പെടും.
തദ്ദേശ സ്ഥാപനങ്ങളിലേക്ക് വാശിയേറിയ പോരാട്ടമാണ് നടക്കുക. തിരഞ്ഞെടുപ്പിന് ശേഷം സത്യപ്രതിജ്ഞ നടക്കും. സത്യപ്രതിജ്ഞ ചെയ്ത അംഗങ്ങള് ഒരുമിച്ചിരുന്നാണ് ഗ്രാമപഞ്ചായത്ത് പ്രസിഡന്റ്, വൈസ് പ്രസിഡന്റ്, മുന്സിപ്പല് ചെയര്പേഴ്സണ്, ബ്ലോക്ക് പഞ്ചായത്ത് പ്രസിഡന്റ്, ജില്ലാ പഞ്ചായത്ത് പ്രസിഡന്റ്, കോര്പറേഷന് മേയര് എന്നിവരെ തിരഞ്ഞെടുക്കുക. ഇതുമുതല് ഇവര്ക്ക് എല്ലാ മാസവും ശമ്പളം കിട്ടും.
തദ്ദേശ സ്ഥാപനങ്ങളിലെ പ്രതിനിധികള്ക്ക് ശമ്പളം എന്നതിന് പകരം ഓണറേറിയം എന്നാണ് പറയുക. 2016ലാണ് അവസാനമായി ഓണറേറിയം പരിഷ്കരിച്ചത്. തുക ഉയര്ത്തണം എന്ന ആവശ്യം പലകോണില് നിന്നും ഉയര്ന്നിട്ടുണ്ട്. പത്ത് വര്ഷം തികയുന്ന വേളയില് അടുത്ത വര്ഷം തുക പരിഷ്കരിച്ചേക്കുമെന്നാണ് റിപ്പോര്ട്ടുകള്.
അംഗങ്ങള്ക്കും അധ്യക്ഷന്മാര്ക്കും ഓരോ സിറ്റിങിനും ബത്ത ലഭിക്കുമെന്നാണ് മറ്റൊരു കാര്യം. പ്രതിമാസം പരമാവധി 1250 രൂപയാണ് ഈ ഇനത്തില് ഒരു അംഗത്തിന് കിട്ടുക. ഓരോ ജനപ്രതിനിധികള്ക്കും കിട്ടുന്ന ഓണറേറിയത്തിന്റെ കണക്കുകള് അറിയാം.
പഞ്ചായത്ത്, മുന്സിപ്പാലിറ്റി അംഗങ്ങളുടെ ശമ്പളം
ഗ്രാമപഞ്ചായത്ത് പ്രസിഡന്റിന് 13200 രൂപ ലഭിക്കും. വൈസ് പ്രസിഡന്റിന് 10600 രൂപ കിട്ടും. അംഗങ്ങള്ക്ക് 7000 രൂപയും. ബ്ലോക്ക് പഞ്ചായത്ത് പ്രസിഡന്റിന് 14600 രൂപയും വൈസ് പ്രസിഡന്റിന് 12000 രൂപയും അംഗങ്ങള്ക്ക് 7600 രൂപയും കിട്ടും. ഇതേ തുക തന്നെയാണ് നഗരസഭാ ചെയര്മാനു അംഗങ്ങള്ക്കും ലഭിക്കുക.
കോര്പറേഷന് മേയര്ക്ക് പ്രതിമാസം 15800 രൂപയാണ് ലഭിക്കുക. ഡെപ്യൂട്ടി മേയര്ക്ക് 13200 രൂപ. കൗണ്സിലര്ക്ക് 8200 രൂപയും. ഇതേ നിരക്ക് തന്നെയാണ് ജില്ലാ പഞ്ചായത്തിലും ലഭിക്കുക. എല്ലാ തദ്ദേശ സ്ഥാപനങ്ങളിലും അംഗങ്ങളേക്കാള് 1200 രൂപ അധികമായിരിക്കും സ്റ്റാന്റിങ് കമ്മിറ്റി ചെയര്മാന്മാരുടെ ശമ്പളം.
-
മഞ്ജു വാര്യരുടെ ഇൻസ്റ്റഗ്രാമിൽ ദിലീപിൻ്റെ മുഖം;ഡിവോഴ്സ് ആയതിന് ശേഷം ആദ്യം..കാരണം -
സ്വര്ണവില ഇടിഞ്ഞു; ആഭരണം വാങ്ങുന്നവര് എത്ര രൂപ നല്കണം? അറിയാം ഇന്നത്തെ പവന്, ഗ്രാം വില -
ബാങ്കിൽ പോകാൻ ഇരിക്കുന്നവർ ശ്രദ്ധിക്കുക; ഏപ്രിലിൽ പകുതിയോളം ദിവസം ബാങ്ക് അവധി; ലിസ്റ്റ് ഇതാ! -
രഞ്ജിത്തിനെതിരെ ഇത് മൂന്നാമത്തെ പീഡനക്കേസ്; രക്ഷപ്പെടാനുള്ള നീക്കം പാളി, ഒടുവിൽ പോലീസ് കുടുക്കി -
കൊച്ചിക്കാർക്ക് ഇനി അൽപ്പം ആശ്വസിക്കാം; വൈറ്റില ജംഗ്ഷനിലെ ഗതാഗത കുരുക്ക് പരിഹരിക്കാൻ ഇടപെടൽ -
'പാലക്കാട്ടെ ജനങ്ങൾ രാഷ്ട്രീയഭേദമന്യേ രാഹുൽ മാങ്കൂട്ടത്തിലിന് ഒപ്പം'; മോദിയെ വിമർശിച്ച് രാഹുൽ ഈശ്വർ -
സ്വര്ണം ഇങ്ങനെ വില കുറയുമെന്ന് ആരും കരുതിയില്ല.. യഥാര്ത്ഥത്തില് സംഭവിച്ചത് ഇത് -
ലുലു ഗ്രൂപ്പിന്റെ അനുബന്ധ സ്ഥാപനം ഡല്ഹിയില് ബംഗ്ലാവ് സ്വന്തമാക്കി; സ്റ്റാമ്പ് ഡ്യൂട്ടി മാത്രം 6.26 കോടി -
മോഹൻലാൽ ബുദ്ധിമാനായതിനാലാണ് ചെയ്തത്, എത്രകാലമായി മലയാളികളെ പറ്റിക്കുന്നു';ശാന്തിവിള ദിനേശ് -
സ്വർണം വിറ്റ് തുർക്കി; രണ്ടാഴ്ചക്കിടെ വിറ്റത് 58 ടണ്, റഷ്യയും വിറ്റു 15 ടണ്..ഇനി സ്വർണ വില കുത്തനെ താഴേക്കോ? -
ഇറാന്റെ നട്ടെല്ല് തകർക്കാൻ അമേരിക്കയുടെ വൻ നീക്കം; ഏപ്രിൽ 6 ഡെഡ്ലൈൻ! -
ഈ രാശിക്കാരാണോ? ഏപ്രില് 11 മുതല് രാജയോഗം... പുത്തന്വീടും കാറും കൈയിലേക്ക്..!!
Click it and Unblock the Notifications
Sign in with Google