നഷ്ടപരിഹാര തുക സമൂഹത്തിന് നല്കും; വിഎസിനെതിരായ കേസിലെ ജയത്തില് ഉമ്മന് ചാണ്ടി
തിരുവനന്തപുരം: മുന് മുഖ്യമന്ത്രി വി എസ് അച്യുതാനന്ദനെതിരായ മാനനഷ്ടക്കേസില് ലഭിക്കുന്ന നഷ്ടപരിഹാര തുക സമൂഹ നന്മയ്ക്കായി ഉപയോഗിക്കുമെന്ന് മുതിര്ന്ന കോണ്ഗ്രസ് നേതാവും മുന് മുഖ്യമന്ത്രിയുമായ ഉമ്മന് ചാണ്ടി. സോളര് പാനല് ഇടപാടില് തനിക്കെതിരെ അടിസ്ഥാനരഹിതമായ അഴിമതി ആരോപണം ഉയര്ത്തിയെന്നു കുറ്റപ്പെടുത്തി നല്കിയ അപകീര്ത്തിക്കേസില് ഉമ്മന്ചാണ്ടിയ്ക്ക് അനുകൂലമായാണ് കോടതി വിധി വന്നത്.
വി എസ് അച്യുതാനന്ദന് ഉമ്മന് ചാണ്ടിയ്ക്ക് 10.10 ലക്ഷം രൂപ നഷ്ടപരിഹാരം നല്കാനാണ് കോടതി വിധിച്ചത്. അന്യായം നല്കിയ ദിവസം മുതല് 6% പലിശയും കോടതിച്ചെലവും നല്കണമെന്നും പ്രിന്സിപ്പല് സബ് ജഡ്ജി ഷിബു ദാനിയേല് വിധിച്ചു. എന്നാല് ഈ തുക സ്വന്തം ആവശ്യത്തിന് ഉപയോഗിക്കില്ലെന്നാണ് ഉമ്മന് ചാണ്ടി പറയുന്നത്.
കേസിന് പോകാന് താന് ആഗ്രഹിച്ചിരുന്നില്ല. ആരോപണം നിഷേധിച്ചപ്പോള് നിയമനടപടിക്ക് എന്തുകൊണ്ട് പോകുന്നില്ലെന്ന് ചോദിച്ചത് കൊണ്ടാണ് കോടതിയെ സമീപിച്ചതെന്നും ഉമ്മന് ചാണ്ടി പറഞ്ഞു. ആരോപണങ്ങള് മാനസികമായി വേദനിപ്പിച്ചു. അപ്പോഴും സത്യം ജയിക്കുമെന്ന് ഉറച്ച വിശ്വാസമുണ്ടായിരുന്നുവെന്നും അദ്ദേഹം കൂട്ടിച്ചേര്ത്തു. കേസില് സത്യം ജയിക്കുമെന്ന് അറിയാവുന്നത് കൊണ്ട് ഭയമില്ലായിരുന്നുവെന്നും അദ്ദേഹം പറഞ്ഞു.
താന് മുഖ്യന്ത്രിയായിരുന്ന കാലത്ത് പ്രതിപക്ഷം നിരവധി ആക്ഷേപങ്ങള് ഉന്നയിച്ചു. തെറ്റ് ചെയ്തില്ലെന്ന് പൂര്ണ ബോധ്യമുണ്ട്. എത്ര കേസുകള്, എത്ര കമ്മിഷനുകള് വന്നുവെന്നും അദ്ദേഹം ചോദിച്ചു. സത്യം ജയിച്ചുവെന്ന് മനസിലായി. എന്റെ മനസാക്ഷിയാണ് എന്റെ ശക്തി. വി എസ് അച്യുതാനന്ദന്റന്റെ പക്കല് നിന്ന് പണം വാങ്ങുന്നതിന് സമയമെടുക്കും.
അപ്പീലൊക്കെ പോയി വരുമ്പോഴേക്കും കാലതാമസമടുക്കും. നേരത്തെ വന്ന വിധികള് പ്രകാരം കിട്ടാനുള്ള തുകയും കിട്ടിയില്ലെന്നും ഉമ്മന് ചാണ്ടി കൂട്ടിച്ചേര്ത്തു. അതേസമയം ലോകായുക്തയുടെ അധികാരം വെട്ടിച്ചുരുക്കാനുള്ള ഇപ്പോഴത്തെ എല് ഡി എഫ് സര്ക്കാരിന്റെ നീക്കം ദൗര്ഭാഗ്യകരമാണെന്നും അദ്ദേഹം പറഞ്ഞു.
ഉമ്മന് ചാണ്ടി മുഖ്യമന്ത്രിയായിരിക്കെ 2013 ജൂലൈ ആറിന് ചാനല് അഭിമുഖത്തിലാണ് അന്നത്തെ പ്രതിപക്ഷ നേതാവായിരുന്ന വി എസ് അച്യുതാനന്ദന് ആരോപണങ്ങള് ഉന്നയിച്ചത്. സരിത നായരുടെ മറവില് ഉമ്മന് ചാണ്ടി സോളര് കമ്പനി രൂപീകരിച്ചെന്നും മൂന്നരക്കോടി ജനങ്ങളെ പറ്റിച്ചെന്നുമായിരുന്നു ആരോപണം. ഇതിനെതിരെയാണ് ഉമ്മന് ചാണ്ടി മാനനഷ്ടക്കേസ് ഫയല് ചെയ്തത്. ഈ കേസിലാണ് തിരുവനന്തപുരം പ്രിന്സിപ്പല് സബ് കോടതി കഴിഞ്ഞ ദിവസം വിധി പ്രസ്താവിച്ചത്.
2014 ലായിരുന്നു ഉമ്മന് ചാണ്ടി വി എസ് അച്യുതാനന്ദനെതിരെ കേസ് നല്കിയത്. പ്രസ്താവന പിന്വലിക്കണമെന്ന് ആവശ്യപ്പെട്ട് ഉമ്മന് ചാണ്ടി സമര്പ്പിച്ച വക്കീല് നോട്ടീസില് ഒരു കോടി രൂപയായിരുന്നു നഷ്ടപരിഹാരമായി ആവശ്യപ്പെട്ടത്. കേസ് കോടതിയില് ഫയല് ചെയ്തപ്പോള് 10.10 ലക്ഷം രൂപയായി. അതേസമയം കേസില് സബ് കോടതി വിധിക്കെതിരെ ജില്ലാ കോടതിയില് അപ്പീല് സമര്പ്പിക്കുമെന്നും നിയമപോരാട്ടം തുടരുമെന്നും വി.എസ് അച്യുതാനന്ദന്റെ അഭിഭാഷകന് അറിയിച്ചിട്ടുണ്ട്.
-
ചെറിയ പെരുന്നാളിന് സ്വര്ണം ഉയര്ന്നു! ഇന്ന് കൂടിയത് ഇത്ര; ഏറ്റവും കുറഞ്ഞ വിലയില് നിന്ന് കയറി -
1 ലക്ഷം രൂപയിൽ താഴെ വിലയ്ക്ക് സ്വർണം വേണോ? ഇപ്പോൾ വാങ്ങുന്നത് ബുദ്ധിയല്ല, കുറച്ച് കൂടി ക്ഷമിക്കൂ -
ഒന്നാം സ്ഥാനത്ത് ബെംഗളൂരു തന്നെ; ഹൈദരാബാദും മുംബൈയും പിന്നില്; ആഗോള കമ്പനികളുടെ ഇഷ്ടനഗരങ്ങള് -
ജയിച്ചാല് നാല് സ്വതന്ത്രര് യുഡിഎഫിനൊപ്പം നില്ക്കുമെന്ന് സതീശന്; സിപിഎം നേതാക്കളും പിന്തുണക്കും -
മനസില് കാണുന്നത് നടന്നിരിക്കും.. ശിവയോഗത്തിന്റെ ഒരു പവറേ..! ഈ രാശിക്കാരാണോ? -
യുഎസിനെ ഇറാൻ സംഘർഷത്തിലേക്ക് വലിച്ചിഴച്ചത് ഇസ്രായേൽ അല്ലെന്ന് നെതന്യാഹു; 'യുദ്ധം വേഗം അവസാനിക്കും' -
ഇറാന് യുദ്ധം സൗദികളെ സമ്പന്നരാക്കും.. എന്നാലും സന്തോഷിക്കാന് വകയില്ല; കാരണമിത് -
ജി സുധാകരന് പിന്തുണ അറിയിച്ച് കോൺഗ്രസ്; ഇന്ന് മുതൽ പ്രചാരണത്തിന് കൂടെയിറങ്ങും, നേരിടാൻ ഇടതും -
ടിവികെയ്ക്ക് തിരിച്ചടി; പ്രമുഖ വനിതാ നേതാവ് പാർട്ടിവിട്ട് ഡിഎംകെയിൽ, വിജയ്ക്ക് നേരെ രൂക്ഷ വിമർശനവും -
ഇടത് മാറി, വലത് തിരിഞ്ഞ്... അഞ്ച് വർഷം കൊണ്ട് ഗ്രാമങ്ങളിലും നഗരങ്ങളിലും സംഭവിച്ചത്... -
50000 ത്തില് താഴെയാണോ അടിസ്ഥാന ശമ്പളം.! 15 ലക്ഷം വരെ ശമ്പള കുടിശ്ശിക ലഭിക്കും, എങ്ങനെയെന്നോ? -
സ്വര്ണം വില്ക്കാനുള്ള സമയമല്ല.. ഇപ്പോഴാണ് വാങ്ങിവെക്കേണ്ടത്..! വില കൂടാന് ഇനിയും സമയമുണ്ട്
Click it and Unblock the Notifications
Sign in with Google