ദുബായ് എമിഗ്രേഷൻ യുഎഇ പതാക ദിനം ആചരിച്ചു
ദുബായ് : ദുബായ് ഇമിഗ്രേഷൻ വിഭാഗം യു എ ഇ പതാക ദിനം ആചരിച്ചു. ഇതിന്റെ ഭാഗമായി വിപുലമായ പരിപാടികളാണ് വകുപ്പ് സംഘടിപ്പിച്ചത്. യു എ ഇ പതാകയുടെ നിറത്തിലുള്ള വസ്ത്രങ്ങൾ അണിഞ്ഞു കുട്ടികളും, ജീവനക്കാരും ഏറെ ആഘോഷപൂർവ്വം പതാക ദിനത്തിൽ പങ്കാളികളായി.
യു എ ഇ പ്രസിഡന്റായി ശൈഖ് ഖലീഫ ബിൻ സായിദ് അൽ നഹ്യാൻ തെരഞ്ഞെടുക്കപ്പെട്ടതിന്റെ ആദരസൂചകമായാണ് രാജ്യം പതാക ദിനം ആചരിച്ചുവരുന്നത്.
വകുപ്പിന്റെ ജാഫ്ലിയ ഹെഡ് ഓഫീസിൽ നടന്ന ചടങ്ങിൽ ജി ഡി ആർ എഫ് ദുബായ് മേധാവി മേജർ ജനറൽ മുഹമ്മദ് അഹമ്മദ് അൽ മറിയാണ് പതാക ഉയർത്തിയത്. ചടങ്ങിൽ നിരവധി വകുപ്പിന്റെ ഉപ തലവൻ മേജർ ജനറൽ ഉബൈദ് ബിൻ സുറൂർ മറ്റു മുതിർന്ന ഉദ്യോഗസ്ഥർ ,ജീവനക്കാരും ,ഉപഭേക്താക്കളും പങ്കെടുത്തു.
Click it and Unblock the Notifications
Sign in with Google