അയർലൻഡിൽ ഒരു മലയാളി 'ജിൻ'!!! വിപ്ലവ സ്പിരിറ്റുമായി മഹാറാണി... മുലമുറിച്ച നങ്ങേലിക്കും ട്രിബ്യൂട്ട്
കോര്ക്ക്(അയര്ലാന്ഡ്): മലയാളികളുടെ മദ്യപ്രിയം ഏറെ പ്രസിദ്ധമാണ്. ഓരോ വര്ഷവും മലയാളികള് കുടിച്ചുതീര്ക്കുന്ന മദ്യത്തിന്റെ കണക്കുകള് കണ്ണ് തള്ളിക്കാറുണ്ട്. എന്നാല് ഇപ്പോള് പറയാന് പോകുന്ന മലയാളി മദ്യവിശേഷം കേരളത്തിനകത്തേതല്ല, ഇന്ത്യയ്ക്ക് പുറത്തുളളതാണ്.
അയര്ലന്ഡില് പ്രിയമേറിക്കൊണ്ടിരിക്കുന്ന ഒരു ജിന്നുമായി ബന്ധപ്പെട്ടാണ് വാര്ത്ത. ജിന്നിന്റെ പേര് മഹാറാണി എന്നാണ്. 'വിപ്ലവ സ്പിരിറ്റ്' എന്ന് മലയാളത്തില് എഴുതിയിട്ടുള്ള ഒരു ഐറിഷ് ജിന്!!! അതിന്റെ വിശേഷങ്ങളാണ് ഇനി പറയാന് പോകുന്നത്.
മഹാറാണി
അയര്ലന്ഡിലെ കോര്ക്ക് നഗരത്തില് ഒരു ഡിസ്റ്റിലറിയുണ്ട്. റിബല് സിറ്റി ഡിസ്റ്റിലറി എന്നാണ് പേര്. അവര് പുറത്തിറക്കിയ ജിന് ആണ് മഹാറാണി. അമ്പത് വര്ഷത്തെ ചരിത്രത്തില്, കോര്ക്ക് നഗരത്തിലെ ആദ്യത്തെ ഡിസ്റ്റിലറിയാണിത്.
വിപ്ലവ സ്പിരിറ്റ്, കുപ്പിക്കഴുത്തിൽ മോക്ഷം
അയര്ലന്ഡിലെ ഒരു ഡിസ്റ്റിലറിയില് ഉത്പാദിപ്പിക്കുന്ന മദ്യത്തിന്റെ കുപ്പിയില് എങ്ങനെ മലയാളം വന്നു എന്നല്ലേ... ഈ ഡിസ്റ്റിലറിയുടെ ഉടമകളായ ദമ്പതിമാരില് ഒരാള് മലയാളിയാണ്. ഭാഗ്യലക്ഷ്യമി ബാരറ്റ്! അയര്ലന്ഡുകാരനായ റോബര്ട്ട് ബാരറ്റ് ആണ് ഭാഗ്യലക്ഷ്മിയുടെ ഭര്ത്താവ്.
അങ്ങനെയാണ് വിപ്ലവ സ്പിരിറ്റ് എന്ന് മലയാളത്തിൽ കുപ്പിയുടെ പുറത്ത് വന്നത്. ഇത് കൂടാതെ കുപ്പിക്കഴുത്തിൽ 'മോക്ഷം' എന്നും മലയാളത്തിൽ എഴുതിയത് കാണാം.
Recommended Video
വിപ്ലവ വനിതകള്ക്ക് ട്രിബ്യൂട്ട്
റെവല്യൂഷണറി വിമണ്- ഔര് ട്രിബ്യൂട്ട് എന്നും മഹാറാണിയുടെ കുപ്പിയില് എഴുതിയിട്ടുണ്ട്. സാമൂഹിക ശക്തിയ്ക്കും പ്രാധാന്യത്തിനും പെരുമകേട്ട കേരള വനിതകള്ക്കായി സമര്പ്പിക്കുന്നു എന്നാണ് വിശദീകരണം. ഇക്കാര്യവും കുപ്പിയുടെ പുറത്ത് വിശദമായി എഴുതി വച്ചിട്ടുണ്ട്.
വയനാടന് രുചി
കമ്പിളിനാരങ്ങയുടേയും ഏലക്കായയുടേയും കറുകപ്പട്ടയുടേയും ജാതിപത്രിയുടേയും എല്ലാം ഒരു ബ്ലെന്ഡ് ആണ് മഹാറാണി ജിന്നിന്റെ ഏറ്റവും വലിയ പ്രത്യേക. ജിന് നിര്മാണത്തിന് വേണ്ട സുഗന്ധദ്രവ്യങ്ങള് വയനാട്ടിലെ വനമൂലിക എന്ന പ്രാദേശിക സ്ത്രീ കൂട്ടായ്മയില് നിന്നാണ് ഇവര് വാങ്ങുന്നത്.
മുലമുറിച്ച നങ്ങേലി
ഊരിപ്പിടിച്ച ഒരു വാള് ആണ് കുപ്പിയിലെ ചിത്രം. ഇത് മുലമുറിച്ചെറിഞ്ഞ നങ്ങേലിയുടെ പ്രതിഷേധവീര്യത്തെ സൂചിപ്പിക്കാന് ആണെന്നാണ് പറയുന്നത്. തിരുവിതാംകൂര് രാജഭരണകാലത്ത് അന്യായ നികുതിയായിരുന്ന മുലക്കരത്തിനെതിരെ മുലമുറിച്ച് പ്രതിഷേധിച്ച് രക്തസാക്ഷിത്വം വരിച്ചു എന്നതാണ് നങ്ങേലിയുമായി ബന്ധപ്പെട്ട കഥ.
വില എത്ര
അയര്ലന്ഡില് ഇപ്പോള് പബ്ബുകള് എല്ലാം തുറന്നുതുടങ്ങിയിട്ടുണ്ട്. പബ്ബുകളില് മഹാറാണി ലഭ്യമായിത്തുടങ്ങിയിട്ടുണ്ട്. ഓണ്ലൈനിലും വില്പനയുണ്ട്. 49 പൗണ്ട് ആണ് ഒരു കുപ്പിയുടെ വില. ഇന്ത്യന് രൂപയാണെങ്കില് 4,301 രൂപ വരും!
കിളികൊല്ലൂര് സ്വദേശിയായ ഭാഗ്യലക്ഷ്മി 2013 ല് പഠനത്തിനായി അയര്ലന്ഡില് എത്തിയ ആളാണ്. അവിടെ വച്ചാണ് റോബര്ട്ടിനെ പരിചയപ്പെടുന്നതും വിവാഹം കഴിയ്ക്കുന്നതും..
-
സ്വര്ണവില വീണ്ടും താഴ്ന്നു; സ്വര്ണത്തിന് എന്തുപറ്റി? വില കുറഞ്ഞ് 75000 എത്തുമോ, പവന് വില -
ദുബായില് നിന്ന് സ്വര്ണം വാങ്ങാതെ ഇന്ത്യക്കാര്... യുഎഇക്കാര് വാങ്ങല് നിര്ത്തുന്നുമില്ല; കാരണമിത് -
ആലിയ ഭട്ടിന്റെ ഗ്ലാമർ രഹസ്യം ഇതാണ്! ആ 8 കാര്യങ്ങളിലൂടെ നിങ്ങളുടെ ചർമ്മവും തിളങ്ങും -
യുഎഇയെ ഫുജൈറ രക്ഷിക്കും; വെട്ടിലായത് സൗദി അറേബ്യയും ഖത്തറും കുവൈത്തും, ഇതാണ് കാരണം -
മമ്മൂട്ടിക്ക് ഇപ്പോൾ വീണ്ടും മറ്റേ അസുഖം തുടങ്ങി, ഇനിയെങ്കിലും മനുഷ്യരുടെ പ്രാക്ക് വാങ്ങി കൂട്ടരുത്';ശാന്തിവിള -
ഒരു ആപ്പിൾ ഐഫോൺ വാങ്ങാൻ ആഗ്രഹിക്കാത്തവർ ആരുണ്ട്? എങ്കിൽ ഐഫോൺ 15 തന്നെയാവാം, വില? -
ബെംഗളൂരു എക്സ്പ്രസ് സര്വീസ് തുടങ്ങി; കോഴിക്കോട് ആവേശകരമായ സ്വീകരണം, സമയക്രമം അറിയാം -
സ്വര്ണം തിരിച്ചുകയറി; ഇന്ന് വന് വില മുന്നേറ്റത്തിന് കാരണം ഇതാണ്, ഇന്നത്തെ പവന് വില -
മോഹൻലാലിൻ്റെ ആഡംബര വസതികൾ കണ്ണുതള്ളിക്കും; ദുബായിൽ 25 കോടിയുടെ ഫ്ലാറ്റ്, ഊട്ടിയിൽ ആഡംബര വില്ല,കൊച്ചിയിലും -
'മഞ്ജു വാര്യർ കോടിക്കണക്കിന് രൂപയാണ് ഇങ്ങനെ സമ്പാദിക്കുന്നത്,ഏതൊക്കെ കോലത്തിലാണ് വരുന്നത്';ശാന്തിവിള ദിനേശ് -
ഫോർട്ട് കൊച്ചി- വൈപ്പിൻ റോ-റോ സർവീസ്; ഭാവി ഉടൻ തീരുമാനിക്കും, ഭൂഗർഭ തുരങ്ക പാത ആവശ്യം ശക്തം! -
സ്വർണ വില പവന് 70,000 രൂപയിലേക്ക്, അതുകഴിഞ്ഞ് കാത്തിരിക്കുന്നത് വൻ കുതിപ്പ്..1.65 ലക്ഷമാകുമെന്ന്
Click it and Unblock the Notifications
Sign in with Google