സിമന്റിനു പിന്നാലെ ക്വാറി-ക്രഷര് മേഖലയിലും സമരം
സിമന്റ് മൊത്ത വിതരണക്കാര് നവംബര് പത്ത് മുതല് സമരം തുടങ്ങിയതോടെ ചെറുകിട വ്യാപാര സ്ഥാപനങ്ങളില് സിമന്റ് ലഭ്യത തീരെ കുറഞ്ഞു. ഇതിനാല് നവംബര് 16 മുതല് ചെറുകിട സിമന്റ് വ്യാപാരികളും കടകള് അനിശ്ചിതകാലത്തേക്ക് അടച്ചിടുകയാണ്. ഇതോടെ കേരളത്തില് നിര്മ്മാണ മേഖല പരിപൂര്ണമായി സ്തംഭിക്കും.
ജിയോളജി പെര്മിറ്റ് പുനസ്ഥാപിക്കുക, കരിങ്കല്ല് ഉല്പാദിപ്പിക്കുന്ന വ്യവസായങ്ങളെ സര്ക്കാര് സംരക്ഷിക്കുക, കരിങ്കല്ല്, ചെങ്കല്ല്, മണല് എന്നിവയെ ഖനി നിയമത്തില് നിന്നും ഒഴിവാക്കുക തുടങ്ങിയ ആവശ്യങ്ങള് ഉന്നയിച്ചാണ് ക്രഷര് ആന്റ് ക്വാറി ഓണേഴ്സ് അസോസിയേഷന് കോ-ഓര്ഡിനേഷന് കമ്മിറ്റി സമരം നടത്തുന്നത്. കഴിഞ്ഞവര്ഷം മുഖ്യമന്ത്രിയുടെ അധ്യക്ഷതയില് നടത്തിയ ചര്ച്ചയില് എടുത്ത തീരുമാനം പാലിക്കപ്പെടാത്ത സാഹചര്യത്തിലാണ് അനിശ്ചിതകാല സമരവുമായി മുന്നോട്ട് പോകാന് ക്രഷര് ആന്റ് ക്വാറി ഓണേഴ്സ് അസോസിയേഷന് കോ-ഓര്ഡിനേഷന് കമ്മിറ്റി തീരുമാനിച്ചത്.
ക്വാറി, ക്രഷര് ലൈസന്സ് പുതുക്കുന്നതിന് കേന്ദ്ര വനം-പരിസ്ഥിതി വകുപ്പിന്റെ സമ്മതപത്രം നിര്ബന്ധമാക്കിയത് സംസ്ഥാനത്തെ ചെറുകിട ക്വാറി ഉടമകളെയും ഇവിടെ ജോലി ചെയ്യുന്ന തൊഴിലാളികളെയും പ്രതികൂലമായി ബാധിക്കുമെന്നാണ് കോഡിനേഷണന് കമ്മിറ്റി നേതാക്കളുടെ വാദം. കേന്ദ്ര വനം-പരിസ്ഥിതി വകുപ്പ് കഴിഞ്ഞ ഫെബ്രുവരിയില് കൊണ്ടുവന്ന നിയമം അനുസരിച്ച് അഞ്ച് ഹെക്ടറില് കുറഞ്ഞ സ്ഥലത്ത് ക്വാറികളും ക്രഷറുകളും പ്രവര്ത്തിപ്പിക്കാന് ലൈസന്സ് ലഭിക്കില്ല. കേരളത്തില് അഞ്ച് ഹെക്ടറില് കുറഞ്ഞ സ്ഥലത്ത് പ്രവര്ത്തിക്കുന്നതാണ് ഭൂരിപക്ഷം ക്വാറികളും. കേന്ദ്രനിയമം അതേപടി നടപ്പിലാക്കിയാല് വിരലില് എണ്ണാവുന്നവ ഒഴികെ മറ്റെല്ലാ ക്വാറികളും ക്രഷറുകളും പൂട്ടേണ്ടിവരും. ഈ സാഹചര്യത്തില് ക്വാറി, ക്രഷര് ഉടമകള് സംസ്ഥാന വ്യാപകമായി അനിശ്ചിതകാല പണിമുടക്കിന് നിര്ബന്ധിതരാകുകയായിരുന്നുവെന്ന് ഓള് കേരള കരിങ്കല് ക്വാറി അസോസിയേഷന് ഭാരവാഹികള് പറയുന്നു
മണല്ക്ഷാമം രൂക്ഷമായതോടെ കേരളത്തിലെ കോണ്ക്രീറ്റ് ജോലികള് ഏറെക്കുറെ നിലച്ചമട്ടാണ്. കഴിഞ്ഞ സര്ക്കാര് വേണ്ടെന്നുവെച്ച വാറ്റ് നിയമം വീണ്ടും ബാധകമാക്കുകയും സിമന്റിനെ നോട്ടിഫൈഡ് ഉല്പന്നത്തിന്റെ പട്ടികയില് ഉള്പ്പെടുത്തുകയും ചെയ്തതാണ് സിമന്റ് വ്യാപാര മേഖലയിലെ സ്തംഭനാവസ്ഥക്ക് കാരണം.
കേരളത്തിന്റെ സമ്പദ് വ്യവസ്ഥയേയും നിര്മ്മാണത്തൊഴിലാളികള് ഉള്പ്പെടെയുള്ള സാധാരണക്കാരുടെ ജീവിതനിലവാരത്തേയും പ്രത്യക്ഷമായി സഹായിക്കുന്ന നിര്മ്മാണ മേഖലയെ സംരക്ഷിക്കുന്നതിന് സര്ക്കാര് സത്വര നടപടി സ്വീകരിക്കണമെന്ന് പ്രൈവറ്റ് ബില്ഡിംഗ് കോണ്ട്രാക്ടേഴ്സ് അസോസിയേഷന് സംസ്ഥാന കമ്മിറ്റി സര്ക്കാരിനോട് ആവശ്യപ്പെട്ടു. മണല്ക്ഷാമം നിര്മ്മാണ മേഖലയെ സ്തംഭനത്തിലാക്കിയിട്ടുണ്ട്. കരിങ്കല് ക്വാറികള് അടച്ചിടുകയും സിമന്റ് വിതരണ മേഖലയില് അനിശ്ചിതകാല സമരം ആരംഭിക്കുകയും ചെയ്തതോടെ നിര്മ്മാണ മേഖല പൂര്ണമായും സ്തംഭനത്തിലായിരിക്കുകയാണെന്നും സര്ക്കാര് അടിയന്തിരമായി ഇടപെട്ട് നിര്മ്മാണ മേഖലയിലെ പ്രതിസന്ധികള് പരിഹരിക്കണമെന്നും പ്രൈവറ്റ് ബില്ഡിംഗ് കോണ്ട്രാക്ടേഴ്സ് അസോസിയേഷന് ആവശ്യപ്പെട്ടിട്ടുണ്ട്.
-
പാലക്കാട് രമേഷ് പിഷാരടി തൂക്കും, തൃത്താല ബൽറാം തിരിച്ച് പിടിക്കും, ശോഭ പിന്നെയും തോൽക്കും, മനോരമ സർവ്വേഫലം -
'500 രൂപയില് തുടങ്ങിയ പിഷാരടി ദിവസവും ഒന്നര ലക്ഷം വാങ്ങാന് ആരംഭിച്ചു'; ആ വളര്ച്ച അസൂയാവഹം -
ഇറാനിൽ അമേരിക്കൻ സൈന്യം വന്നാൽ റഷ്യ ഇടപെടും? പ്രഖ്യാപനത്തിൽ നടുങ്ങി ലോകം -
ഏപ്രില് 1ന് രാത്രി 8 മണിക്ക് അത് സംഭവിക്കും; സുപ്രധാന പ്രഖ്യാപനവുമായി ഇറാന്, സ്തംഭിക്കും -
ഖത്തറിന്റെ കടുത്ത നടപടി; വിസ ഓണ് അറൈവല് റദ്ദാക്കി, യാത്രക്കാര്ക്ക് നിര്ദേശവുമായി പാക് എംബസി -
ഫോർട്ട് കൊച്ചി- വൈപ്പിൻ ഭൂഗർഭ തുരങ്കപാത; കാത്തിരിപ്പ് നീളുന്നു, 30 മാസം വേണം പൂർത്തിയാവാൻ, ഇനിയെന്ത്? -
പാചകവാതക വിലയിൽ വൻ വർധനവ്; സാധാരണക്കാർക്ക് ഇരുട്ടടി! പുതുക്കിയ നിരക്കുകൾ ഇങ്ങനെ -
ലുലു ഗ്രൂപ്പിന്റെ അനുബന്ധ സ്ഥാപനം ഡല്ഹിയില് ബംഗ്ലാവ് സ്വന്തമാക്കി; സ്റ്റാമ്പ് ഡ്യൂട്ടി മാത്രം 6.26 കോടി -
പിണറായി 3.0 സാധ്യമോ? മധ്യ കേരളത്തിൽ യുഡിഎഫ് മുന്നേറ്റമുണ്ടാക്കും; ഇടത് കോട്ടകൾ വീഴുമെന്ന് സർവേ -
റിപ്പോർട്ടർ ചാനൽ ഇപ്പോൾ പൂട്ടിപ്പോകും, പ്രശ്നം ഗുരുതരമാണ്, ആൻ്റോയുടെ പേരിൽ ലൈസൻസ് ഇല്ല'; അഖിൽ മാരാർ -
കേരളത്തിൽ ഭരണമാറ്റം വരുന്നു? തെക്കൻ കേരളത്തിലും യുഡിഎഫ് മുന്നേറ്റം, ബിജെപിക്ക് സീറ്റ് കിട്ടും, പ്രവചനം -
'രഞ്ജിത്ത് തന്റെ സിനിമയിലെ സ്ത്രീ വിരുദ്ധത നിത്യ ജീവിതത്തിലും പ്രായോഗികവൽക്കരിക്കുന്നു'; ഡോ. ബിജു
Click it and Unblock the Notifications
Sign in with Google