എറണാകുളം-കായംകുളം പാസഞ്ചര് പാളം തെറ്റി
തീവണ്ടിയുടെ ബോഗികളെ പരസ്പരം ബന്ധിപ്പിക്കുന്ന കപ്ലിങ് വേര്പെട്ടതാണ് തീവണ്ടി പാളം തെറ്റാന് കാരണമായത്. ഓടിക്കൊണ്ടിരിക്കെ തീവണ്ടിയില് നിന്നും ഒരു ബോഗി വേര്പ്പെട്ടു പോവുകയായിരുന്നു.
ഈ വേര്പ്പെട്ട ബോഗി വളരെ കാലപ്പഴക്കം ചെന്നതാണ്. തീവണ്ടി ഓടിക്കൊണ്ടിരുന്നപ്പോള് ഈ ബോഗിയിലുണ്ടായിരുന്ന യാത്രക്കാര്ക്ക് അസ്വാഭാവികത അനുഭവപ്പെട്ടിരുന്നതായും, ബോഗി വൈബ്രേറ്റ് ചെയ്തിരുന്നതായും യാത്രക്കാര് റിപ്പോര്ട്ട് ചെയ്യുന്നത്.
ബോഗി തീവണ്ടിയില് നിന്നും വേര്പ്പെട്ടത് സ്റ്റേഷനോട് അടുത്തുകൊണ്ടിരിക്കുമ്പോള് സമയത്തായിരുന്നതാണ് വന് അപകടം ഒഴിവാകാന് കാരണമായത്. കാരണം ഈ സമയത്ത് തീവണ്ടിക്ക് വേഗത നന്നേ കുറവായിരുന്നു.
അപകടത്തെ തുടര്ന്ന് തീവണ്ടി ആലപ്പുഴ റയില്വെ സ്റ്റേഷനില് നിര്ത്തിയിട്ടിരിക്കുകയാണ്. ചുരുങ്ങിയത് 4 മണിക്കൂര് എങ്കിലും കഴിയാതെ ഈ തീവണ്ടിക്ക് യാത്ര പുനരാരംഭിക്കാന് സാധിക്കില്ല എന്നാണ് റിപ്പോര്ട്ട്.
Click it and Unblock the Notifications
Sign in with Google