Click it and Unblock the Notifications
Just In
Don't Miss
-
ലോക മലേറിയ ദിനം 2024: മലേറിയ വരാതിരിക്കാന് എന്തുചെയ്യണം, തുടക്കം വീട്ടില് നിന്ന് -
തെറ്റുകള് ഞങ്ങളുടെ ഭാഗത്ത് നിന്നും വരും; ഞങ്ങളും ഇതില് ആദ്യമാണെന്ന് മക്കളോട് പറയും: പൂര്ണിമ -
T20 World Cup 2024: ടി20 ലോകകപ്പില് ജഡേജ വേണ്ട, പകരം അക്ഷര് മതി! ഈ കാരണങ്ങള് നോക്കൂ -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
കലാസംവിധായകന്‍ എസ് കൊന്നനാട് അന്തരിച്ചു
ചെന്നൈ: മലയാള സിനിമകള്‍ക്ക് കലാവിരുന്നൊരുക്കിയ പ്രശസ്ത കലാ സംവിധായകന്‍ എസ് കൊന്നനാട് അന്തരിച്ചു. വാര്‍ധക്യസഹജമായ അസുഖത്തെ തുടര്‍ന്ന് ചെന്നൈ മുഗളിവക്കത്തുള്ള വസതിയിലായിരുന്നു അന്ത്യം. 88 വയസ്സായിരുന്നു. കൊന്നനാടിന്റെ കരവിരുതിലൂടെയാണ് മലയാള സിനിമയില്‍ കലാസംവിധാനത്തിന്റെ പ്രാധാന്യം ആദ്യമായി പുറംലോകമറിയുന്നത്.
കോഴിക്കോട് വെസ്റ്റ്ഹില്‍ സ്വദേശിയായ കൊന്നനാട് ഛായാഗ്രഹണ സഹായിയാണ് സിനിമയിലേക്ക് കടന്നു വന്നത്. പിന്നീട് എ വിന്‍സെന്റ് സംവിധാനം ചെയ്ത ഭാര്‍ഗവി നിലയത്തിലൂടെ കലാസംവിധായകനായി എത്തിയ കൊന്നനാട് 500 ഓളം ചിത്രങ്ങള്‍ക്കു വേണ്ടി കലാവിരുന്നൊരുക്കി. സുറുമയിട്ട കണ്ണുകള്‍ എന്ന ചിത്രം ഒരുക്കികൊണ്ട് സംവിധാനവും തനിക്ക് വഴങ്ങുമെന്ന് തെളിയിച്ചു.
മലയാലത്തിന്റെ ആദ്യ കളര്‍ ചിത്രമായ ചെമ്മീന്‍, ആദ്യ സിനിമാസ്‌കോപ്പ് ചിത്രമായ തച്ചോളി അമ്പു, ആദ്യ 70എംഎം ചിത്രമായ പടയോട്ടം തുടങ്ങി മലയാള സിനിമയ്ക്ക് ചരിത്രമെഴുതിയ സിനിമകള്‍ക്കൊക്കെ കൊന്നനാടിന്റെ സ്പര്‍ശമുണ്ടായിരുന്നു. നിര്‍മാല്യം എന്ന ചിത്രത്തിന്റെ കലാ സംവിധാനം ഏറെ പ്രശസ്തി നേടി.
നീലക്കുയില്‍ , അലാവുദ്ദീനും അത്ഭുത വിളക്കും, കള്ളിച്ചെല്ലമ്മ, രാത്രി വണ്ടി, രമണന്‍ അങ്ങനെ നീളും ആ കലാകാരന്‍ മലയാളികള്‍ക്കൊരുക്കിയ കലാവിരുന്ന്. ആകാശ കോട്ടയിലെ സുല്‍ത്താന്‍എന്ന സിനിമയ്ക്കും എംടി വാസുദേവന്‍ നായര്‍ സംവിധാനം ചെയ്ത നാലുകെട്ട് എന്ന ടെലിവിഷന്‍ സീരിയലിനും വേണ്ടിയാണ് അവസാനമായി പ്രവര്‍ത്തിച്ചത്.
എംടിയുടെ നാലുകെട്ടിനെ ആസ്പദമാക്കി ഒരുക്കിയ സീരിയലിന്റെ കലാസംവിധാനത്തിന് സംസ്ഥാന പുരസ്‌ക്കാരവും ലഭിച്ചു.
