Click it and Unblock the Notifications
Just In
Don't Miss
-
റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ! -
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ബര്‍ഹാന്‍ വാനിക്കു പകരം ഇനി മെഹ്മൂദ് ഗസ്നവി ഹിസ്ബുള്‍ മുജാഹിദ്ദീന്‍ കമാന്‍ഡര്‍
ശ്രീനഗര്‍: ഭീകരസംഘടനയായ ഹിസ്ബുള്‍ മുജാഹിദ്ദീന്റെ പുതിയ കമാന്‍ഡറായി മെഹ്മൂദ് ഗസ്‌നവിയെ നിയമിച്ചു. നിലവില്‍ കമാന്‍ഡറായിരുന്ന ബര്‍ഹാന്‍ വാനി സൈനിക നടപടിക്കിടെ കൊല്ലപ്പെട്ടതിനെ തുടര്‍ന്നാണ് ഗസ്‌നവിയെ നിയമിച്ചത്. ഹിസ്ബുള്‍ മുജാഹിദ്ദീന്റെ മുഖ്യമേധാവി സയ്യിദ് സലാഹുദ്ദീനാണ് ഇക്കാര്യം സ്ഥീരീകരിച്ചത്. ബര്‍ഹാന്‍ വാനി തുടങ്ങിവെച്ച കാര്യങ്ങള്‍ പാഴാക്കികളയില്ലെന്നും ഇനിയുളള ദൗത്യങ്ങള്‍ക്ക് ഗസ്നവി നേതൃത്വം നല്‍കുമെന്നും സലാഹുദ്ദീന്‍ പറഞ്ഞു.
വാനി കൊല്ലപ്പെട്ടതിനെ തുടര്‍ന്ന് കശ്മീരിലുണ്ടായ സംഘര്‍ഷത്തില്‍ മരിച്ചവരുടെ എണ്ണം 32 ആയി. 500 പേര്‍ക്ക് പരിക്കേല്‍ക്കുകയും ചെയ്തു. ഹിസ്ബുള്‍ മുജാഹിദീന്‍ പ്രവര്‍ത്തകരില്‍ സൈന്യത്തിന്റെ നോട്ടപ്പുള്ളിയാണ് ഗസ്നവിയും. ബര്‍ഹാന്റെ അടുത്ത സുഹൃത്തായിരുന്ന ഗസ്നവി എന്‍ജീനീയറിങ്ങ് വിദ്യാര്‍ത്ഥിയായിരുന്നു.പിന്നീട് സംഭവിച്ചത്...
ബര്‍ഹാന്റെ അടുത്ത സുഹൃത്ത്
കൊല്ലപ്പെട്ട ബര്‍ഹാന്‍ വാനിയുടെ അടുത്ത സുഹൃത്തെന്നു പറയുന്ന മെഹ്മൂദ് ഗസ്നവിയും കഴിഞ്ഞ ഒരു വര്‍ഷമായി പോലീസിന്റെ നോട്ടപ്പുളളിയാണ്. 2014 ലാണ് ഗസ്നവി ഹിസ്ബുള്‍ മുജാഹിദീനില്‍ ചേര്‍ന്നത്. ഇയാളെക്കുറിച്ചു വിവരങ്ങള്‍ ശേഖരിക്കാനുള്ള ശ്രമത്തിലായിരുന്നു പോലീസ്. സൗത്ത് കശ്മീരിലെ രത്സുന സ്വദേശിയാണ് ഇൗ യുവാവെന്ന വിവരം പോലീസിനു ലഭിച്ചിട്ടുണ്ട്
എന്‍ജിനീയറിങ് വിദ്യാര്‍ത്ഥി
ചണ്ഡിഗഡിലെ കോളേജില്‍ നിന്ന് എന്‍ജിനീയറിങ് ബിരുദം നേടിയ ഗസ്നവി കശ്മീര്‍ ജനത പ്രശ്‌നങ്ങളുടെ നടുവിലാണെന്നും അതിനാല്‍ താന്‍ ജിഹാദ് പിന്തുടരുമെന്നും സര്‍ക്കാര്‍ ജീവനക്കാരനായ പിതാവിന് കത്തെഴുതി വച്ചാണ് സംഘടനയില്‍ ചേര്‍ന്നത്.
ഒട്ടേറെ ആക്രമങ്ങളില്‍ പങ്കാളി
ഹിസ്ബുള്‍ മുജാഹിദ്ദീന്‍ നടത്തിയ ഒട്ടേറെ ആക്രമങ്ങളില്‍ പങ്കാളിയാണ് ഗസ്‌നവിയെന്ന് അന്വേഷണത്തില്‍ തെളിഞ്ഞിട്ടുണ്ട്.
പേരില്‍ സംശയം
ആരാണ് മെഹമൂദ് ഗസ്നവി എന്നതില്‍ പോലീസിനിയും വ്യക്തത വന്നിട്ടില്ല. സാക്കിര്‍ ഭട്ട് എന്ന 21 കാരനായ ചണ്ഡിഗഡ് കോളേജിലെ എജിനീയറിങ് വിദ്യാര്‍ത്ഥിയെ കുറിച്ച് ബര്‍ഹാന്‍ ഒരിക്കല്‍ തന്റെ സോഷ്യല്‍ മീഡിയ എക്കൗണ്ടില്‍ പരാമര്‍ശിച്ചിരുന്നു. സാക്കിര്‍ ആണോ..അഥവാ ബര്‍ഹാന്‍ പരാമര്‍ശിച്ച മറ്റൊരാളായ സബ്‌സര്‍ അഹമ്മദ് ഭട്ടാണോ ഗസ്നവി എന്നത് സ്ഥിരീകരിച്ചിട്ടില്ല.
