Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
താമസം വാടക വീട്ടില്‍; റിയല്‍എസ്റ്റേറ്റുകാര്‍ കോടികള്‍ വിലയിട്ട ഭൂമി 250 പാവങ്ങള്‍ക്ക് ദാനംചെയ്തു
ഭൂവനേശ്വര്‍: ഭൂമിയുടെ വില എന്താണെന്ന് ഇന്നത്തെ കാലത്ത് എല്ലാവര്‍ക്കും അറിയാം. തൊട്ടാല്‍ പൊള്ളുന്ന വിലയുള്ള ഭൂമിയില്‍ പണമിറക്കി ആദായം കൊയ്യാനാണ് മനുഷ്യന്റെ ശ്രമം. പക്ഷെ മുഗുദ സൂര്യനാരായണ്‍ ആചാരി ഇതിന് ശ്രമിച്ചില്ല. താമസം വാടക വീട്ടില്‍ ആണെങ്കിലും തന്റെ ഉടമസ്ഥതയിലുള്ള 2.3 ഏക്കര്‍ ഭൂമി ഭൂരഹിതരായ 250 പാവങ്ങള്‍ക്ക് വിതരണം ചെയ്തു ഇദ്ദേഹം.
ഒഡീഷയിലെ കൊറാപുത് ജില്ലയിലാണ് അറുപതുകാരനായ ആചാരി കുടുംബത്തോടൊപ്പം കഴിയുന്നത്. മക്കളും, അവരുടെ ഭാര്യമാരും, പേരക്കുട്ടികളും, മാതാപിതാക്കളും അടക്കം 15 പേരാണ് വാടക വീട്ടില്‍ തിങ്ങിക്കൂടി ജീവിച്ചുവരുന്നത്. ജീവിതത്തിന്റെ രണ്ടറ്റം കൂട്ടിമുട്ടിക്കാന്‍ വാതിലും, ജനലും നിര്‍മ്മിക്കുന്ന ഫാബ്രിക്കേഷന്‍ വര്‍ക്ക്‌ഷോപ്പ് നടത്തുന്നു. പണമുണ്ടായിട്ട് നന്മ ചെയ്യാം എന്ന് ചിന്തിക്കുന്നവരെ ഞെട്ടിച്ചാണ് ആചാരി തന്റെ കൈയിലുള്ള ഭൂമി പാവങ്ങള്‍ക്ക് മുറിച്ച് നല്‍കിയത്.
2.3 ഏക്കര്‍ ഭൂമിയാണ് 250 പേര്‍ക്കായി ആചാരി വീതിച്ചത്. ഇതില്‍ അവസാനത്തെ 10 പേര്‍ക്ക് ദാനം ചെയ്തതിന്റെ രേഖകള്‍ ഞായറാഴ്ച കൈമാറി. 20 വര്‍ഷം മുന്‍പ് നടത്തിയ ഒരു പ്രതിജ്ഞ പൂര്‍ത്തിയാക്കിയതിന്റെ സന്തോഷത്തിലാണ് ഇന്ന് ഈ മനുഷ്യന്‍. കുറച്ച് വര്‍ഷങ്ങള്‍ക്ക് മുന്‍പ് നല്ല രീതിയില്‍ ജീവിച്ച വ്യക്തിയാണ് ആചാരി. ഒരു ക്ഷേത്രത്തിന്റെ പണി തീര്‍ക്കുന്ന വേളയില്‍ ഒരു പൂജാരിയാണ് ഭൂമി ദാനം ചെയ്യുന്നത് നന്മയാണെന്ന് ഇദ്ദേഹത്തോട് പറഞ്ഞത്.
പക്ഷെ സാമ്പത്തികമായ വീഴ്ച പെട്ടെന്നായിരുന്നു. ഉണ്ടായിരുന്ന വീടും മറ്റും വിറ്റ് വാടക വീട്ടിലായി ജീവിതം. പക്ഷെ പറഞ്ഞ വാക്ക് അദ്ദേഹം മറന്നില്ല. ദാരിദ്ര്യത്തില്‍ ജീവിക്കുമ്പോഴും തൊഴിലാളികള്‍ക്കും, വിധവകള്‍ക്കും, നോക്കാന്‍ ആളില്ലാത്തവര്‍ക്കും അദ്ദേഹം ഭൂമി ദാനം ചെയ്തുവന്നു. വര്‍ക്ക്‌ഷോപ്പ് നടത്താന്‍ ലീസിന് സര്‍ക്കാര്‍ ഭൂമിക്ക് അപേക്ഷ നല്‍കി കാത്തിരിക്കുമ്പോഴാണ് ഇദ്ദേഹത്തിന്റെ ത്യാഗമെന്ന് അറിയുമ്പോള്‍ കണ്ണ് നിറയാതെ തരമില്ല.
തങ്ങള്‍ക്ക് ആചാരി ഒരു മനുഷ്യനല്ല ദൈവമാണെന്ന് ഇദ്ദേഹം ഭൂമി നല്‍കിയ ഒരു വിധവ പറയുന്നു. റിയല്‍ എസ്റ്റേറ്റുകാര്‍ 3-4 കോടി നല്‍കാമെന്ന് പറഞ്ഞ ഭൂമിയാണ് ആചാരി വെറുതെ നല്‍കിയതെന്ന് മനസ്സിലാകുമ്പോഴാണ് ഇദ്ദേഹത്തിന്റെ മനസ്സിന്റെ വലുപ്പം തിരിച്ചറിയാന്‍ കഴിയുന്നത്.
