കർഷകർക്ക് 6000 രൂപയുമായി മോദി സർക്കാർ; ഗൊരഖ്പൂരിൽ കിസാൻ സമ്മാൻ നിധിക്ക് തുടക്കം

ലക്നൗ: പൊതുതിരഞ്ഞെടുപ്പിന് മുന്നോടിയായി രാജ്യത്ത് ഉയർന്ന് വരുന്ന കർഷക രോഷം തണുപ്പിക്കാൻ മോദി സർക്കാരിന്റെ വലിയ പദ്ധതികളിലൊന്നായ പ്രധാനമന്ത്രി കിസാൻ സമ്മാൻ നിധിയുടെ ഉദ്ഘാടനം പ്രധാനമന്ത്രി നിർവഹിച്ചു. ഉത്തർപ്രദേശിലെ ഗൊരഖ്പൂരിലായിരുന്നു ഉദ്ഘാടനം. കർ‌ഷകരുടെ അക്കൗണ്ടിലേക്ക് 6000 രൂപ പ്രതിവർഷം നേരിട്ടെത്തിക്കുന്നതാണ് പദ്ധതി.

75,000 കോടി രൂപയുടെ പദ്ധതിയാണ് കിസാൻ സമ്മാൻ നിധി. രാജ്യത്തെ 12 കോടി കർഷകർക്ക് ഇതിന്റെ പ്രയോജനം ലഭിക്കുമെന്നാണ് കരുതുന്നത്. സോൾ സമാധാന പുരസ്കാരം ലഭിച്ച പ്രധാനമന്ത്രി നരേന്ദ്ര മോദിയെ അഭിമാനത്തോടെ സ്വാഗതം ചെയ്യുന്നുവെന്ന് മുഖ്യമന്ത്രി യോഗി ആദിത്യനാഥ് പറഞ്ഞു.

English summary

pm launched kisan samman nidhi live updates