സിപിഐയില് ചേര്ന്ന സിപിഎം മുന് ലോക്കല് സെക്രട്ടറിയുടെ വീടും കാറും എറിഞ്ഞു തകര്ത്തു
ബന്തടുക്ക: സിപിഐയില് ചേര്ന്ന സിപിഎം പടുപ്പ് മുന് ലോക്കല് സെക്രട്ടറിയുടെ വീടും കാറും എറിഞ്ഞു തകര്ത്തു. പടുപ്പ് ശങ്കരംപാടിയിലെ ഇകെ രാധാകൃഷ്ണന്റെ വീടിന് നേരെയാണ് ഇന്ന് പുലര്ച്ചെ 2 മണിക്ക് അക്രമമുണ്ടായത്. വീടിന്റെ ജനല്ഗ്ലാസുകള് തകര്ത്തു. വീടിന് മുന്നില് നിര്ത്തിയിട്ടിരുന്ന വാഗണര് കാറിന്റെ മുന്വശത്തെയും പിന്വശത്തെയും ഗ്ലാസുകള് തകര്ന്നു.
ശങ്കരംപാടിയില് റേഷന് കട നടത്തുന്ന ഇകെ രാധാകൃഷ്ണന് നാട്ടുകാര്ക്ക് പൊതുസമ്മതനാണ്. സിപിഎം വിട്ട് സി.പി.ഐയില് ചേര്ന്നതിന് വീട് അക്രമിച്ച സംഭവത്തില് സിപിഐ. നേതൃത്വം പ്രതിഷേധം രേഖപ്പെടുത്തി. സിപിഎം ഉദുമ മുന് ഏരിയാ കമ്മിറ്റി അംഗമായും കര്ഷകസംഘം ബേഡകം ഏരിയാ ജോയിന്റ് സെക്രട്ടറിയായും രാധാകൃഷ്ണന് പ്രവര്ത്തിച്ചിരുന്നു.
കഴിഞ്ഞ തവണ പാര്ട്ടി ഭാരവാഹി സ്ഥാനത്ത് നിന്ന് രാധാകൃഷ്ണന് സ്വയം ഒഴിഞ്ഞിരുന്നു. പാര്ട്ടി പ്രവര്ത്തകനായി തുടരുന്നതിനിടയില് പടുപ്പില് നടന്ന സിപിഎം ലോക്കല് സമ്മേളനത്തില് രാധാകൃഷ്ണനെ പങ്കെടുപ്പിച്ചിരുന്നില്ല. ഇന്നലെ സിപിഐ. മണ്ഡലം സമ്മേളനത്തിന്റെ സമാപന പൊതുയോഗത്തില് രാധാകൃഷ്ണന് പങ്കെടുത്തു. കുറ്റിക്കോല്, ആനക്കല്ല്, മുന്നാട് ഭാഗങ്ങളിലായി 50ഓളം സി.പി.എം പ്രവര്ത്തകര്ക്കൊപ്പമാണ് രാധാകൃഷ്ണന് സി.പി.ഐ.യില് ചേരാനെത്തിയത്. പൊതുസമ്മേളനത്തില് നല്കിയ സ്വീകരണത്തിന് രാധാകൃഷ്ണന് നന്ദി പറഞ്ഞിരുന്നു. ചില പാര്ട്ടി നേതാക്കളുടെ ശരികേടുമായി യോജിച്ച് പോകാന് കഴിയാത്തതിനാലാണ് പാര്ട്ടി വിടുന്നെന്ന് രാധാകൃഷ്ണന് പറഞ്ഞിരുന്നു. അടുത്തിടെ കര്ഷകസംഘം കുറ്റിക്കോല് മേഖലാ സെക്രട്ടറിയായിരുന്ന ഗംഗാധരന് കളക്കരയും പാര്ട്ടി വിട്ട് സി.പി.ഐ.യില് ചേര്ന്നിരുന്നു.
വീട് അക്രമിച്ച സാമൂഹ്യദ്രോഹികളെ ഒറ്റപ്പെടുത്തണമെന്നും കുറ്റവാളികള്ക്കെതിരെ കര്ശന നിയമ നടപടി സ്വീകരിക്കണമെന്നും നാട്ടില് സമാധാനം നിലനിര്ത്താന് ജനങ്ങള് ഒറ്റക്കെട്ടായി നില്ക്കണമെന്നും സി.പി.ഐ പടുപ്പ് ലോക്കല് സെക്രട്ടറി പി.പി. ചാക്കോ ആവശ്യപ്പെട്ടു. അക്രമത്തില് ലോക്കല് കമ്മിറ്റി ശക്തമായി പ്രതിഷേധിച്ചു. അക്രമത്തില് പ്രതിഷേധിച്ച് ഇന്ന് വൈകിട്ട് 5 മണിക്ക് പടുപ്പില് പ്രതിഷേധ യോഗം നടക്കും. സി.പി.ഐ ജില്ലാ കൗണ്സിലംഗം പി. ഗോപാലന് മാസ്റ്റര്, പടുപ്പ് ലോക്കല് സെക്രട്ടറി പി.പി ചാക്കോ, കുറ്റിക്കോല് ലോക്കല് സെക്രട്ടറി ബാബുപയന്തങ്ങാനം, എ. ഗോപാലകൃഷ്ണന്, എം. ഗംഗാധരന് കളക്കര തുടങ്ങിയവര് ഇ.കെ രാധാകൃഷ്ണന്റെ വീട് സന്ദര്ശിച്ചു.
-
ആര്യ ബഡായിയുടെ മുൻ കാമുകൻ, രണ്ട് തവണ വിവാഹമോചനം നടന്നയാൾ,കൊടും ചതിയൻ';ആലപ്പി അഷ്റഫ് -
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദേശീയപാത 66 ലെ യാത്ര ഇനി സുഗമാകും; വരാപ്പുഴ പാലം മെയ് മാസം തുറക്കും -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
പശ്ചിമ കൊച്ചിയുടെ തലവര മാറും; നിര്ണായക ചുവടുവയ്പ്പുമായി കൊച്ചി വാട്ടര് മെട്രോ: ടെന്ഡര് വിളിച്ചു -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
പേരൂര്ക്കട ഫ്ലൈഓവര്, വട്ടിയൂര്ക്കാവ് റോഡ് ആന്ഡ് ജംഗ്ഷന്; കുരുക്കഴിഞ്ഞു, നിര്മാണം തുടങ്ങി -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു
Click it and Unblock the Notifications
Sign in with Google