തട്ടിപ്പ് നടത്തിയ മകന്റെ സംരക്ഷകൻ കോടിയേരി.. പിബിയിൽ നിന്നും പുറത്താക്കണം.. യെച്ചൂരിക്ക് കത്ത്
തിരുവനന്തപുരം: ദുബായ് പോലീസിന്റെ ക്ലിയറന്സ് സര്ട്ടിഫിക്കറ്റൊന്നും മതിയായില്ല ബിനോയ് കോടിയേരി വിഷയത്തില് സിപിഎമ്മിന് മുഖം രക്ഷിക്കാന്. വന് സാമ്പത്തിക തട്ടിപ്പ് നടത്തിയെന്ന ആരോപണം നേരിടുന്ന ബിനോയ് കോടിയേരിക്ക് ദുബായില് യാത്രവിലക്കെന്ന വാര്ത്ത പുറത്ത് വന്നതോടെ സിപിഎമ്മിന് പ്രതിരോധിക്കാന് മാര്ഗങ്ങളില്ലാതായിരിക്കുന്നു. സിപിഎം സംസ്ഥാന സെക്രട്ടറിയും പോളിറ്റ് ബ്യൂറോ അംഗവുമായ കോടിയേരി ബാലകൃഷ്ണന് നേര്ക്ക് തിരിഞ്ഞിരിക്കുകയാണ് എല്ലാ കുന്തമുനകളും.
വെട്ടിലായി സിപിഎം
ബിനോയ് കോടിയേരി വിഷയം ഉയര്ന്ന് വന്നപ്പോള് മകനെതിരെ കേസില്ലെന്ന വാദമാണ് പാര്ട്ടിക്കകത്തും പുറത്തും കോടിയേരി ബാലകൃഷ്ണന് ഉയര്ത്തിയത്. വിഷയത്തില് സിപിഎമ്മും കോടിയേരിക്കൊപ്പം തന്നെ നിന്നു. എന്നാലിപ്പോള് ബിനോയ് കോടിയേരിക്കെതിരെ മാത്രമല്ല ബിനീഷ് കോടിയേരിക്കെതിരെയും ആരോപണം ഉയര്ന്നതോടെ സിപിഎം സംസ്ഥാന സെക്രട്ടറി പൂര്ണമായും വെട്ടിലായിരിക്കുകയാണ്.
കോടിയേരിയെ പുറത്താക്കണം
ബിനോയ് കോടിയേരിയെ സംരക്ഷിക്കുന്ന കോടിയേരി ബാലകൃഷ്ണനെ സിപിഎം പോളിറ്റ് ബ്യൂറോയില് നിന്നും പുറത്താക്കണം എന്നാവശ്യപ്പെട്ട് കെപിസിസി രാഷ്ട്രീയകാര്യ സമിതി അംഗം ബെന്നി ബെഹനാന് സിപിഎം ജനറല് സെക്രട്ടറി സീതാറാം യെച്ചൂരിക്ക് കത്ത് നല്കിയിരിക്കുകയാണ്. അതാണ് മാതൃകാ നടപടിയെന്ന് ബെന്നി ബെഹനാന് കത്തില് പറയുന്നു.
പറഞ്ഞതെല്ലാം തെറ്റ്
ഇതുവരെ മകന് വേണ്ടി കോടിയേരി പറഞ്ഞതെല്ലാം തെറ്റാണ് എന്ന് തെളിഞ്ഞു. ബിനോയ് കോടിയേരി നടത്തിയ സാമ്പത്തിക തട്ടിപ്പും അതിന് കോടിയേരി സംരക്ഷണം നല്കിയതും സിപിഎം പ്രവര്ത്തകര്ക്കിടയില് വലിയ ആശങ്കയുണ്ടാക്കിയിട്ടുണ്ട്. വിഷയം പ്രതിപക്ഷം ഏറ്റെടുത്തു. ജനങ്ങളും ആശയക്കുഴപ്പത്തിലാണ്.
യെച്ചൂരി മാതൃക കാട്ടണം
കേരളത്തില് ഇതൊരു വന് വിവാദമായി മാറിയിരിക്കുന്ന സാഹചര്യത്തില് കോടിയേരി ബാലകൃഷ്ണനെ പോളിറ്റ് ബ്യൂറോയില് നിന്നും പുറത്താക്കി മാതൃക കാണിക്കണം എന്നാണ് ബെന്നി ബെഹനാന് ആവശ്യപ്പെടുന്നത്. ബിനോയിക്കെതിരെ ആരോപണം ഉന്നയിച്ച കമ്പനി പ്രതിനിധികള് യെച്ചൂരിയെ കണ്ടിരുന്നു. അക്കാര്യം കോടിയേരിയെ അറിയിക്കുകയും ചെയ്തു.
വാദങ്ങൾ പൊളിഞ്ഞു
എന്നാല് സ്വഭാവ സര്ട്ടിഫിക്കറ്റ് ഹാജരാക്കി ബിനോയിക്കെതിരെ കേസില്ലെന്നാണ് സിപിഎം വിശദീകരിച്ചത്. ബിനോയിക്ക് എതിരായ ആരോപണങ്ങള് മാധ്യമസൃഷ്ടിയാണെന്നും സിപിഎം പറയുകയുണ്ടായി. എന്നാല് പാര്ട്ടിയും കോടിയേരിയും പറഞ്ഞത് കളവാണ് എന്നാണ് പിന്നീട് തെളിഞ്ഞതെന്നും ബെന്നി ബെഹനാന് യെച്ചൂരിക്ക് അയച്ച കത്തില് ചൂണ്ടിക്കാട്ടുന്നു.
-
അവസാന ശ്രമമായി പിണറായിയുടെ വിളി, സുധാകരനെ അനുനയിപ്പിക്കാൻ സിപിഎം നേതാക്കൾ വീണ്ടും വീട്ടിലെത്തി -
മോണാലിസയ്ക്ക് പ്രായം പതിനേഴോ പതിനെട്ടോ? സോഷ്യല് മീഡിയയില് ചര്ച്ച: മറുപടിയുമായി ദമ്പതികള് -
'രസികനി'ലെ ആ വികൃതിപ്പയ്യൻ; നടൻ ഹരിമുരളിയെ മരിച്ച നിലയിൽ കണ്ടെത്തി -
വെള്ളാപ്പള്ളി തെറിച്ചു..! എസ്എന്ഡിപി ജനറല് സെക്രട്ടറി സ്ഥാനത്തുനിന്ന് മാറ്റി ഹൈക്കോടതി -
സ്വർണ വില ഉച്ചയ്ക്കും ഇടിഞ്ഞു; മഞ്ഞലോഹത്തിൻ്റെ കുതിപ്പ് തീർന്നോ? ഇനി വിലക്കുറവിൻ്റെ നാളുകളോ? -
"രാജ്യം സുരക്ഷിതമായ കൈകളിൽ"; പ്രധാനമന്ത്രിയെ പുകഴ്ത്തി മോഹൻലാൽ -
പാചകവാതക ക്ഷാമത്തില് നില്ക്കില്ല.. ഇനി പെട്രോളും ഡീസലും കിട്ടില്ല! കാരണം മോദിയുടെ നയമെന്ന് ഐസക് -
അമ്പലപ്പുഴയിൽ വിഎസിന്റെ മകൻ വിഎ അരുൺ കുമാറിനെ ഇറക്കാൻ സിപിഎം; ലക്ഷ്യം ജി സുധാകരനോ? -
ദേശീയപാത 66; ചർക്കള-നീലേശ്വരം, നീലേശ്വരം-തളിപ്പറമ്പ് റീച്ചുകളുടെ പ്രവർത്തനം അന്തിമഘട്ടത്തിലേക്ക് -
ജി സുധാകരൻ സിപിഎം വിട്ടു, സ്വതന്ത്രനായി മത്സരിക്കും; 'കോൺഗ്രസിന്റെയോ ബിജെപിയുടെയോ പിന്തുണ തേടില്ല' -
പെരുമ്പാവൂർ ‘സസ്പെൻസിൽ’; പാലക്കാട് രാഹുലിന് പകരം ആര് വരും? തീരുമാനമാകാതെ നേമം മണ്ഡലവും -
കേരളം കത്തുന്നു! താപനില കുതിച്ചുയരുന്നു; പുറത്തിറങ്ങുന്നവർ സൂക്ഷിക്കുക
Click it and Unblock the Notifications
Sign in with Google