വന്യമൃഗശല്യം കേന്ദ്രഫണ്ട് :സംസ്ഥാനസര്ക്കാരിനെതിരെ കര്ഷക സംഘടനകള്, അനുവദിച്ച തുക വകമാറ്റി!
കല്പ്പറ്റ: വന്യമൃഗശല്യത്തെ പ്രതിരോധിക്കുന്നകിനായി കേന്ദ്രം അനുവദിച്ച ഫണ്ട് സംസ്ഥാന സര്ക്കാര് ചിലവഴിക്കാന് മടി കാണിക്കുന്നത് കര്ഷകരോടുള്ള വെല്ലുവിളിയാണെന്ന് സംയുക്ത കര്ഷക സംഘടനകള് വാര്ത്താസമ്മേളനത്തില് കുറ്റപ്പെടുത്തി. കര്ഷകര്ക്ക് ഗുണകരമാവേണ്ട ഫണ്ട് സംസ്ഥാന സര്ക്കാര് വകമാറ്റി ചിലവഴിക്കുകയാണ്. കേന്ദ്ര ഫണ്ട് ഉപയോഗിച്ചുള്ള പദ്ധതിക്ക് ഇതുവരെ രൂപം നല്കിയിട്ടില്ല.
ഫെന്സിംഗ്, കിടങ്ങ് മറ്റ് പ്രതിരോധ പ്രവര്ത്തനങ്ങള് എന്നിവക്കായാണ് കേന്ദ്രസര്ക്കാര് 12 കോടി രൂപയോളം അനുവദിച്ചത്. വയനാട്ടില് വനാതിര്ത്തികളില് കര്ഷകരെ കടുത്ത പ്രതിസന്ധിയിലാക്കുന്നത് വന്യമൃഗശല്യമാണ്. പ്രതികൂല കാലാവസ്ഥയോട് പൊരുതിയും ധനവും അധ്വാനവും ചിലവഴിച്ചും പരിപാലിച്ചുപോരുന്ന കൃഷി ഒറ്റരാത്രി കൊണ്ടാണ് വന്യമൃഗങ്ങള് നശിപ്പിക്കുന്നത്. കൃഷിനാശത്തോടൊപ്പം ജീവഹാനിയും വന്യമൃഗശല്യം മൂലമുണ്ടാവുന്നുണ്ട്. കഴിഞ്ഞ 20 വര്ഷത്തിനുള്ളില് 88 പേരാണ് വന്യമൃഗങ്ങളുടെ ആക്രമണത്തില് ജില്ലയില് കൊല്ലപ്പെട്ടത്. കഴിഞ്ഞ അഞ്ച് വര്ഷത്തിനുള്ളില് മാത്രം 26 പേരുടെ ജീവനും നഷ്ടമായി. നൂറുകണക്കിന് വളര്ത്തുമൃഗങ്ങളും ഇക്കാലയളവില് കര്ഷകര്ക്ക് നഷ്ടമായി. ഇതിന് പരിഹാരമാവേണ്ട കേന്ദ്രഫണ്ടാണ് സര്ക്കാര് അട്ടിമറിച്ചിരിക്കുന്നതെന്നും ഭാരവാഹികള് പറഞ്ഞു.
അയല് സംസ്ഥാനങ്ങളിലെല്ലാം സര്ക്കാരുകള് കര്ഷകര്ക്ക് അനുകൂലമായ സമീപനങ്ങളാണ് സ്വീകരിച്ചുവരുന്നത്. വെള്ളം, വൈദ്യുതി, വിത്ത്, വളം തുടങ്ങിയവ അയല് സംസ്ഥാനങ്ങള് സൗജന്യമായി നല്കിവരുന്നു. കര്ഷകരുടെ കടങ്ങള് എഴുതിത്തള്ളാന് കോടികളുടെ പാക്കേജും അവിടെ പ്രഖ്യാപിച്ചുകഴിഞ്ഞു. കേരളത്തിലെ കര്ഷകര് അന്നന്ന് കടക്കെണിയിലാകുന്ന സാഹചര്യമാണുള്ളത്. കര്ഷകരുടെ കടങ്ങളും, മക്കളുടെ വിദ്യാഭ്യാസ ലോണുകളും എഴുതിത്തള്ളണമെന്ന ആവശ്യം ഇപ്പോഴും നിലനില്ക്കുകയാണ്. കര്ഷക പെന്ഷന് മുടങ്ങിയിട്ടും നാളുകളായി. ജപ്തിനടപടികളും, കേസുകളും കര്ഷകരെ വിടാതെ പിന്തുടരുന്നു. ബാങ്കുകള്ക്ക് കര്ഷകരെ ദ്രോഹിക്കുന്നതിനുള്ള എല്ലാ അവസരങ്ങളും ഒരുക്കുന്നത് സര്ക്കാരാണ്. വായ്പാ കുടിശിക ഈടാക്കാന് സര്ഫാസി പോലുള്ള കരിനിയമം കൊണ്ട് ബാങ്കുകള് കര്ഷകരുള്പ്പെടെയുള്ളവരെ ശ്വാസം മുട്ടിക്കുകയാണ്. മഴക്കെടുതിയില് കൃഷിനാശം സംഭവിച്ച കര്ഷകര്ക്ക് ആശ്വാസം നല്കാന് സര്ക്കാര് ഇതുവരെ തയ്യാറായിട്ടില്ല. കോടികള് നാശനശ്ടം സംഭവിച്ചപ്പോള് കര്ഷകര് ബാങ്കുകളില് നിന്നും പലിശക്കാരില് നിന്നും വാങ്ങിയ വായ്പകള് തിരിച്ചടക്കാന് കഴിയാതെ ബുദ്ധിമുട്ടുകയാണ്. ഓണത്തിന് മുമ്പ് കൃഷിനാശം സംഭവിച്ച കര്ഷകര്ക്ക് അര്ഹമായ നഷ്ടപരിഹാരം നല്കാന് തയ്യാറാകണമെന്നും ഭാരവാഹികള് പറഞ്ഞു. കര്ഷകരുടെയും കാര്ഷികമേഖലയുടെയും പ്രതിസന്ധി പരിഹരിക്കാനുള്ള നടപടി വൈകിയാല് പ്രത്യക്ഷ സമരപരിപാടികള്ക്ക് നേതൃത്വം നല്കേണ്ടിവരുമെന്നും ഭാരവാഹികള് മുന്നറിയിപ്പ് നല്കി. വാര്ത്താസമ്മേളനത്തില് കര്ഷക കോണ്ഗ്രസ് ജില്ലാപ്രസിഡന്റ് അഡ്വ. ജോഷി സിറിയക്, സ്വതന്ത്ര കര്ഷക സംഘം ജില്ലാപ്രസിഡന്റ് വി അസൈനാര് ഹാജി, കര്ഷക കോണ്ഗ്രസ് സംസ്ഥാന ജനറല് വി എന് ശശീന്ദ്രന്, കര്ഷക കോണ്ഗ്രസ് ജില്ലാവൈസ് പ്രസിഡന്റ് പി എം ബെന്നി, സ്വതന്ത്രകര്ഷക സംഘം ജില്ലാസെക്രട്ടറി സി മമ്മി എന്നിവര് പങ്കെടുത്തു.
-
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ -
ത്രിഗ്രഹി യോഗം വരുന്നു; ഈ രാശിക്കാർക്ക് ശത്രുക്കളുടെ മേൽ ജയം, പുതിയ കാറും വീടും..! മാർച്ച് 15 മുതൽ -
'മന്ത്രിയെ ഭാര്യ കൈയോടെ പൊക്കിയത് അറിഞ്ഞില്ലെ? സ്റ്റാഫ് മർദ്ദിച്ചു', ഗണേഷ് കുമാറിനെതിരെ കെ എസ് യു -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
ഇന്ത്യ ഭയന്നത് സംഭവിക്കുന്നു; ക്രൂഡ് ഓയില് വില 30 ശതമാനം കൂടി, സ്വര്ണം വിട്ടോടാന് കാരണം മറ്റൊന്ന് -
പ്രണയിക്കുന്നത് തെറ്റല്ല, തുടരും; ആരും വ്യക്തിപരമായ കാര്യങ്ങളിൽ ഇടപെടേണ്ടെന്നും ഗണേഷ് കുമാർ -
കേരളത്തിൽ പാമ്പ് ശല്യം രൂക്ഷം; ജീവൻ രക്ഷിക്കാൻ ഈ മുൻകരുതലുകൾ അറിയുക -
ഇറാന്റെ ഡ്രോണുകളെയും മിസൈലുകളെയും തകർത്ത് യുഎഇ; ഞെട്ടിക്കുന്ന ദൃശ്യങ്ങൾ -
'വീട്ടിലെ കക്കൂസ് മാലിന്യം പുറത്തേക്ക് ഒഴുക്കി, പ്രതിഷേധിച്ചു', മമ്മൂട്ടിക്കെതിരെ ചാനലിൽ വിളിച്ച് ആരോപണം
Click it and Unblock the Notifications
Sign in with Google