എഫ് മാര്ട്ട് സൂപ്പര് മാര്ക്കറ്റിന്റെ 7ാമത് ശാഖ റാസല്ഖോറില് പ്രവര്ത്തനമാരംഭിച്ചു
ദുബായ്: യുഎഇ ആസ്ഥാനമായി പ്രവര്ത്തിക്കുന്ന എഫ് മാര്ട്ട് ഫ്രഷ് സൂപ്പര്മാര്ക്കറ്റ് ശൃംഖലയുടെ ഏറ്റവും പുതിയ ഔട്ട്ലെറ്റ് ദുബായ് റാസല്ഖോറില് ആരംഭിച്ചു. എഫ് മാര്ട്ടിന്റെ 7ാമത്തെ സുപ്പര്മാര്ക്കറ്റാണിത്. റാസല്ഖോറിലെ സമാരി റീട്ടെയില് ബില്ഡിംങ്ങിലാണ് പുതിയ എഫ് മാര്ട്ട് ഔട്ട്ലെറ്റ് പ്രവര്ത്തനമാരംഭിച്ചത്. പതിനായിരത്തിലധികം സ്ക്വയര് ഫീറ്റില് ഒരുക്കിയ പുതിയ ഒട്ട്ലെറ്റിന്റെ ഉദ്ഘാടനം എഫ് മാര്ട്ട് ചെയര്മാന് ഫസ്രൂല് സയ്യിദ് മുഹമ്മദ് നിര്വ്വഹിച്ചു.
യുഎഇയിലെ ബിസിനസ് രംഗത്തെ പ്രമുഖ വ്യക്തികളും എഫ് മാര്ട്ട് മാനേജ്മെന്റ് പ്രതിനിധികളും ഉദ്ഘാടന ചടങ്ങില് സന്നിഹിതരായിരുന്നു. ഫ്രഷ് ഫുഡ് ഉല്പന്നങ്ങളെല്ലാം ഉപഭോക്താക്കള്ക്ക് ഒരു സൂപ്പര്മാര്ക്കറ്റില് ലഭ്യമാക്കുക എന്ന ലക്ഷ്യത്തോടെയാണ് എഫ് മാര്ട്ട് ശൃംഖലകള് ഒരുക്കിയിരിക്കുന്നതെന്ന് എഫ് മാര്ട്ട് ചെയര്മാന് ഫസ്രുല് സയ്യിദ് മുഹമ്മദ് അറിയിച്ചു. നിലവില് ബിസിനസ് ബേ, ടീകോം, മറീന, എമ്മാര് സ്ക്വയര്, മസ്ദര് സിറ്റി, ജുമൈറാ വില്ലേജ് ട്രയാംഗിള് എന്നിവിടങ്ങളിലാണ് എഫ് മാര്ട്ടിന്റെ മറ്റ് സുപ്പര്മാര്ക്കറ്റുകള് പ്രവര്ത്തിക്കുന്നത്. 2018 അവസാനത്തോടെ ഔട്ട്ലെറ്റുകളുടെ എണ്ണം 30 ആക്കി ഉയര്ത്താനുളള തയ്യാറെടുപ്പിലാണ് ഗ്രൂപ്പെന്നും ഫസ്രുല് സയ്യിദ് മുഹമ്മദ് അറിയിച്ചു.
60 ശതമാനത്തോളം മലയാളികള് അധിവസിക്കുന്ന റാസല് ഖോര് സമാരി റസിഡന്സ് ഏരിയയില് വിവിധ ദേശക്കാരുടെ അഭിരുചിക്കിണങ്ങുന്ന രീതിയിലാണ് എഫ് മാര്ട്ട് സൂപ്പര്മാര്ക്കറ്റ് ഒരുക്കിയിരിക്കുന്നതെന്ന് ഉദ്ഘാടനത്തോടനുബന്ധിച്ച് നടത്തിയ വാര്ത്താ സമ്മേളനത്തില് മാനേജ്മെന്റ് പ്രതിനിധികള് വ്യക്തമാക്കി. ഫ്രഷ് ഫുഡ് ശ്രേണിയില് ശ്രദ്ധ കേന്ദ്രീകരിച്ച് ഒരുക്കിയ എഫ് മാര്ട്ടില് ഓര്ഗാനിക് ഉല്പ്പന്നങ്ങള്, ഫ്രഷ്ലി ബേക്ക്ഡ് ഇന് ഹൗസ് ബ്രഡ്സ്, പഴം പച്ചക്കറി ഉല്പ്പന്നങ്ങള് എന്നിവയ്ക്കാണ് പ്രാമുഖ്യം നല്കിയിരിക്കുന്നതെന്ന് എഫ് മാര്ട്ട് റീട്ടെയില്സ് ജനറല് മാനേജര് മുഹമ്മദ് ഹൈദര് പറഞ്ഞു. ബേക്കറി ഉല്പ്പന്നങ്ങളും, കോഫി, പാസ്റ്ററീസ്, സ്നാക്ക്സ് എന്നിവ ലഭ്യമായ പ്രത്യേക കഫേയും സൂപ്പര്മാര്ക്കറ്റിനുളളില് സജീകരിച്ചിട്ടുണ്ട്. ഉല്ഘാടനത്തോടനുബന്ധിച്ച് എല്ലാ വിവിധ ഉല്പ്പന്നങ്ങളിലായി പ്രത്യേക ഓഫറുകളും പ്രഖ്യാപിച്ചിട്ടുണ്ട്. ഫ്രഷ് വെജിറ്റബിള്, ഫ്രൂട്ട്സ് ശ്രേണിയിലും സ്പെഷല് ഓഫറുകള് ഉപഭോക്താക്കള്ക്ക് ലഭ്യമാകും. മിതമായ വിലയില് മികച്ച ഗുണമേന്മയുളള ഉല്പ്പന്നങ്ങള് ലഭ്യമാവുന്നു എന്നതാണ് എഫ് മാര്ട്ടിന്റെ സവിശേഷതയെന്നും മാനേജ്മെന്റ് പ്രതിനിധികള് അറിയിച്ചു.
കണ്വീനിയന്റെ സ്റ്റോര് എന്ന നിലയില് ഉപഭോക്താക്കള്ക്കായി ഹോം ഡെലിവറി ആപ്പിലൂടെ ഓര്ഡറുകള് സ്വീകരിച്ച് എത്തിച്ചുനല്കുന്നതിനും എഫ് മാര്ട്ടില് സംവിധാനമൊരുക്കുന്നുണ്ട്. ഉദ്ഘാടനത്തോടനുബന്ധിച്ച് ഓണ് ദ റോക്ക്സ് ബാന്റിന്റെ പ്രത്യേക സംഗീത വിരുന്നും ഹിറ്റ് 96.7 എഫ് എം ആര്, ജെ കളുടെ നേതൃത്വത്തില് റോഡ് ഷോയും എഫ് മാര്ട്ട് റാസല്ഖോര് ഔട്ട്ലെറ്റില് സംഘടിപ്പിച്ചിരുന്നു. വാര്ത്താ സമ്മേളനത്തില് എഫ് മാര്ട്ട് റീട്ടെയില്സ് ജനറല് മാനേജര് മുഹമ്മദ് ഹൈദര്, ഫ്രഷ് ഫുഡ് ഓപറേഷന്സ് മാനേജര് ആന്റോയിന്, ഓപറേഷന്സ് മാനേജര് ജോണ് എബ്രഹാം എന്നിവര് പങ്കെടുത്തു.
-
ബെംഗളൂരുവിലെ യാത്രികർക്ക് സന്തോഷവാർത്ത; പീനിയ ഫ്ലൈഓവർ അടച്ചിടുന്നത് മാറ്റി, ഗതാഗതം തുടരും -
'അതൊരു തീക്കളിയാണ്, അങ്ങനെയായിരുന്നെങ്കിൽ ഞാൻ കാവ്യയെ വിവാഹം കഴിക്കില്ലാർന്നു';ദിലീപ് -
ഈ രണ്ട് ജില്ലകള് വളരെ പിന്നാക്കം; മതാന്ധതയും വിപ്ലവവും മാറ്റിവച്ച് ചിന്തിക്കണം എന്ന് നടി ലക്ഷ്മി പ്രിയ -
അരൂർ-തുറവൂർ എലിവേറ്റഡ് ഹൈവേ; പദ്ധതി വൈകിച്ച് കെഎസ്ഇബിയും എൻഎച്ച്എഐയും, യാത്രക്കാർ ദുരിതത്തിൽ -
'ദിലീപിൻ്റെ വീട്ടിൽ നിന്നും ഇറങ്ങുമ്പോൾ മഞ്ജു വാര്യർ അവസാനമായി പറഞ്ഞത്..'ഭാഗ്യലക്ഷ്മി പറഞ്ഞത് -
'മഞ്ജു വാര്യർ പാവം, അസൂയപ്പെട്ടിട്ട് എന്ത് കാര്യം,നിർബന്ധം ഒറ്റക്കാര്യത്തിൽ മാത്രം';ദിലീപിൻ്റെ വാക്കുകൾ -
"കോഴിക്കോട്ടെ ഫ്ലാറ്റ് കേന്ദ്രീകരിച്ച് സിനിമാക്കാരുടെ ആഭാസത്തരം, ജോയ് മാത്യു പോലും രഞ്ജിത്തിനെ കാണാൻ പോയില്ല" -
ബെംഗളൂരു സിൽക്ക് ബോർഡ് ഡെബിൾ ഡെക്കർ ഫ്ലൈഓവർ ഇനിയും വൈകുമോ? തലവേദന തീർക്കുന്നത് ഇത് -
സൗദി അറേബ്യ എന്തിനുള്ള പുറപ്പാടാണ്; എത്തിച്ചത് 23000 പാക് സൈനികരെ, ഇറാന് ചര്ച്ച പൊളിഞ്ഞു -
ലുലു ഗ്രൂപ്പിന് രണ്ടാമത്തെ ഭൂമിയും നഷ്ടമായേക്കും; നിയമക്കുരുക്കില് പെട്ട് വന് പദ്ധതി, പ്രതിഷേധം -
ഡോളറിന് കിട്ടിയത് എട്ടിന്റെ പണി...! സ്വര്ണത്തിന് ഇനി കുതിപ്പിന്റെ കാലം, വില കൂടാന് പോകുന്നു -
സ്വർണ വില 2ശതമാനം ഇടിഞ്ഞു; ഇനിയും കുറയും.. അര പവൻ 25,000 രൂപയ്ക്ക് വാങ്ങാനാകുമെന്ന് കരുതുന്നുണ്ടോ?
Click it and Unblock the Notifications
Sign in with Google