ദുബായ് ജൈറ്റക്സ് വീക്കിന് തുടക്കം, മേള 22 വരെ
ദുബായ്: വിവര സാങ്കേതിക മേഖലകളിലേയും ഇലക്ട്രോണിക്, റോബോട്ടിക് സംവിധാനങ്ങളിലുമുള്ള അത്യാധുനിക ഉപകരണങ്ങളും ആശയങ്ങളും പരിചയപ്പെടുത്തുന്ന ജൈറ്റക്സ് പ്രദര്ശന മേളയ്ക്ക് ദുബായില് തുടക്കമായി. ദുബായ് കിരീടാവകാശി ശൈഖ് ഹംദാന് ബിന് മുഹമ്മദ് ബിന് റാശിദ് അല് മക്തൂം പ്രദര്ശനം ഉദ്ഘാടനം ചെയ്തു. ഉദ്ഘാടനത്തിനു ശേഷം വിവിധ പവലിയനുകള് അദ്ദേഹം സന്ദര്ശിച്ചു.
എമിഗ്രേഷന് പവലിയനിലെത്തിയ ശൈഖ് ഹംദാന് ആധുനിക സംവിധാനങ്ങളെ കുറിച്ച് ദുബായ് ജനറല് ഡയറക്ടറേറ്റ് ഓഫ് റെസിഡെന്സി ആന്റ് ഫോറീനേഴ്സ് അഫയേഴ്സ് തലവന് മേജര് ജനറല് മുഹമ്മദ് അഹ്മദ് റാഷിദ് അല് മറി പരിജയപ്പെടുത്തി. ദുബായ് വേള്ഡ് ട്രേഡ് സെന്ററില് ഈ മാസം 22 വരെയാണ് മേള അരങ്ങേറുന്നത്. ലോകത്തിന്റെ വിവിധ ഭാഗങ്ങളില് നിന്നും ഏതാണ്ട് 4000 ത്തോളം കമ്പനികളാണ് മേളയില് പങ്കെടുക്കുന്നത്. കേരളത്തില് നിന്നുള്ള 33 ഓളം ഐടി കമ്പനികളും ഐടി സാധ്യതകള് ലോകത്തിന് പരിചയപ്പെടുത്തുന്നതിനായി മേളയില് പങ്കെടുക്കുന്നുണ്ട്.
സംസ്ഥാന ഐടി വകുപ്പ് സെക്രട്ടറി പി.എച്ച് കുര്യന് നേത്യത്ത്വം നല്കുന്ന സംഘമാണ് ദുബായില് നടക്കുന്ന ഈ ആഗോള സംഗമത്തില് പങ്കെടുക്കാന് എത്തിയിരിക്കുന്നത്. ലോകം സ്മാര്ട്ടാകുമ്പോള് ടെക്നോളജിയും സ്മാര്ട്ടാകുന്ന കാഴ്ചയാണ് വിവിധ പവലിയനുകളില് കാണാന് സാധിക്കുന്നത്. സൗദിയാണ് ഈ വര്ഷത്തെ ഔദ്യോഗിക പാര്ട്ണര്. ജീവിത ശൈലി ആധുനിക ടെക്നോളജി കീഴടക്കിയിരിക്കുന്ന പുതിയ കാലഘട്ടത്തില് വിവര സാങ്കേതിക മേഖലയില് നിന്നുള്ള പുതിയ ഉല്പന്നങ്ങള് അന്താരാഷ്ട്ര കമ്പനികള് മേളയില് പുറത്തിറക്കി.
വിവിധ സര്ക്കാര് സേവനങ്ങള് ടെക്നോളജിയുമായി കോര്ത്തിണക്കി സേവനങ്ങള് എളുപ്പത്തിലും മികച്ച രീതിയിലും ജനങ്ങള്ക്ക് നല്കാന് കഴിയുമെന്ന് മേളയില് പങ്കെടുക്കുന്ന വിവിധ സര്ക്കാര് സ്ഥാപന പവലിയനുകള് മനസ്സിലാക്കിത്തരുന്നു. എമിഗ്രേഷന്, ആര്.ടി.എ, കസ്റ്റംസ്, പോലീസ്, മുനിസിപ്പാലിറ്റി തുടങ്ങി ഒട്ടുമിക്ക സര്ക്കാര് സ്ഥാപനങ്ങള്ക്കും മേളയില് പ്രത്യേകം പവലിയനുകളുണ്ട്. സുരക്ഷാ സംവിധാനങ്ങള്ക്കായി സ്വന്തമായി വികസിപ്പിച്ചെടുത്ത ഡ്രോണ് മുതല് വാഹനങ്ങളുടെ നിയമ ലംഘനങ്ങള് കണ്ടെത്താുവാനുള്ള അത്യാധുനിക റഡാര് സംവിധാനത്തെ കുറിച്ച് വരെ വിവിധ വകുപ്പുകള് സന്ദര്ശകര്ക്ക് വിശദീകരിച്ച് നല്കുന്നുണ്ട്.
സ്മാര്ട്ട് ബസ്സ് ഷെല്ട്ടറുകളും സ്മാര്ട്ട് മാളുകളും പൊതുഗതാഗത സംവിധാനങ്ങള്ക്കായി ഉപയോഗിക്കാവുന്ന സ്മാര്ട്ട് വാച്ചുകളുമാണ് ആര്.ടി.എ പവലിയനിലെ മുഖ്യ ആകര്ഷണം. വിവര സാങ്കേതിക മേഖലയിലെ സാധ്യതകളെ കുറിച്ചുള്ള സെമിനാറുകളും വിദഗ്ധരുടെ പ്രത്യേക ക്ലാസുകളും മേളയുടെ ഭാഗമായി സംഘടിപ്പിച്ചിട്ടുണ്ട്. രാവിലെ 11 മണി മുതല് വൈകീട്ട് 7 മണിവരെയാണ് പ്രദര്ശന സമയം.
-
സ്വര്ണവില 27000 രൂപ കുറഞ്ഞു; പിന്നീട് സംഭവിച്ചത് അപ്രതീക്ഷിതം, രാത്രി പോലും വില കുതിച്ച വാരം -
സ്വർണ വില 75000ത്തിലേക്ക് എത്തുമെന്നാണോ പ്രതീക്ഷ? ശുദ്ധ മണ്ടത്തരം..ഇപ്പോൾ വാങ്ങിയാൽ ലക്ഷപ്രഭു -
തമിഴകം പിടിക്കാൻ വിജയ്; സ്ഥാനാർത്ഥി പട്ടികയിലെ വമ്പൻ സർപ്രൈസ്; ഞെട്ടലിൽ രാഷ്ട്രീയ ലോകം -
മലപ്പുറം വിഭജിക്കും,ജയിലിൽ നോണ് വെജും കൂലിയും കൊടുക്കില്ല'; സന്തോഷ് പണ്ഡിറ്റ് മുഖ്യമന്ത്രിയായാൽ -
ഇറാനെ വിഴുങ്ങാൻ അമേരിക്കൻ പട? പെന്റഗണിന്റെ 'രഹസ്യ' നീക്കം പുറത്ത് -
"അതവരോട് പോയി ചോദിക്ക്!" എസ്ഡിപിഐ ഡീൽ ചോദ്യങ്ങളിൽ കലിപ്പിലായി മുഖ്യമന്ത്രി -
ഏപ്രിൽ 1 മുതൽ കളി മാറും! പാൻ കാർഡ് നിയമങ്ങളിൽ വൻ മാറ്റം; അറിഞ്ഞില്ലെങ്കിൽ പണി കിട്ടും -
അമേരിക്കൻ സർവ്വകലാശാലകൾ തകർക്കുമെന്ന് ഇറാൻ; പശ്ചിമേഷ്യ കത്തുന്നു -
ഗള്ഫും സ്വര്ണത്തെ കൈവിടുന്നോ? ഇനി വില കൂടില്ല.. പൊന്നിന് വിനയായത് ഈ മൂന്ന് ഘടകങ്ങള് -
'മീനാക്ഷിയെ നോക്കുന്നത് പണിയാണല്ലോ..വിവാഹം കഴിച്ച് കാണിച്ച് കൊടുത്തൂടെ';മഞ്ജു വാര്യർക്ക് അധിക്ഷേപം -
പാകിസ്താന് തന്ത്രത്തില് നീങ്ങുന്നു; സൗദി, തുര്ക്കി നേതാക്കള് ഇസ്ലാമാബാദില്, ഇറാനിലേക്ക് ചരക്കുകള് -
'ചില സഹായങ്ങളൊക്കെ ചെയ്യാമെന്ന് പറഞ്ഞു, പ്രാവർത്തികമാക്കിയാൽ സന്തോഷം';കെ സുധാകരൻ
Click it and Unblock the Notifications
Sign in with Google