യമനില് നിന്ന് വീണ്ടും മിസൈലാക്രമണം; അതിര്ത്തിയില് വച്ച് തകര്ത്തതായി സൗദി
റിയാദ്: യമനിലെ ഹൂത്തി വിമതര് രാജ്യത്തെ ലക്ഷ്യമാക്കി തൊടുത്തുവിട്ട മിസൈല് അതിര്ത്തിയില് വച്ച് തകര്ത്തതായി സൗദി അറേബ്യ. സൗദിക്കെതിരേ മിസൈലാക്രമണം നടത്തിയതായി ഹൂത്തികള് അവകാശവാദമുന്നയിച്ചതിന് തൊട്ടുപിന്നാലെയാണ് സൗദി അറേബ്യ ഇക്കാര്യം അറിയിച്ചത്. യമനുമായി അതിര്ത്തി പങ്കിടുന്ന തെക്കന് പ്രദേശമായ നജ്റാന് മുകളില് വച്ചാണ് സൗദി വ്യോമസേനയുടെ മിസൈല് പ്രതിരോധ സംവിധാനം ഹൂത്തി മിസൈല് തകര്ത്തതെന്ന് സൗദി സര്ക്കാരിന്റെ നിയന്ത്രണത്തിലുള്ള അല് ഇഖ്ബാരിയ്യ ചാനല് അറിയിച്ചു. അതിനാല് മിസൈലിന് ലക്ഷ്യസ്ഥാനത്തേക്കെത്താന് സാധിച്ചില്ലെന്നും സൈന്യം അവകാശപ്പെട്ടു.
അഫ്ഗാനിലെ യുഎസ് എംബസിക്ക് സമീപം വന് സ്ഫോടനം; പോലിസുകാരുള്പ്പെടെ 15 മരണം
അതേസമയം, സൗദി അറേബ്യയുടെ സൈനിക കേന്ദ്രം ലക്ഷ്യമാക്കി തങ്ങള് വിജയകരമായി മിസൈലാക്രമണം നടത്തിയതായി ഹൂത്തികള് ട്വിറ്റര് സന്ദേശത്തിലൂടെ അറിയിച്ചു. ഹ്രസ്വദൂര മിസൈലാണ് തങ്ങള് ഇതിനായി ഉപയോഗിച്ചതെന്നും ഹൂത്തികള് പറഞ്ഞു. 400 കിലോമീറ്റര് ദൂരം സഞ്ചരിക്കാന് കെല്പ്പുള്ള സോവിയറ്റ് നിര്മിത ഖഹര്-2എം മിസൈലാണ് നജ്റാനിലെ സൈനിക താവളം ലക്ഷ്യമാക്കി തൊടുത്തുവിട്ടതെന്നും അവര് അവകാശപ്പെട്ടു. മിസൈലാക്രമണം നടന്ന മണിക്കൂറുകള്ക്കകം തന്നെ ഹൂത്തി ശക്തികേന്ദ്രമായ സാദയില് സൗദി സഖ്യം ശക്തമായ ബോംബാക്രണം നടത്തിയതായി അല് മസീറ ടിവി റിപ്പോര്ട്ട് ചെയ്തു.
2015ല് ആക്രമണം തുടങ്ങിയതു മുതല് സൗദി സഖ്യം യമനിനെതിരേ 15000 വ്യോമാക്രമണങ്ങളാണ് നടത്തിയത്. എന്നാല് വിരലിലെണ്ണാവുന്ന മിസൈലുകള് മാത്രമാണ് തിരിച്ചടിയായി ഹൂത്തികള് സൗദിയിലേക്ക് അയച്ചത്. കഴിഞ്ഞ മാസം നടത്തിയ മിസൈലാക്രമണം ലക്ഷ്യം കൈവരിച്ചതായി ഹൂത്തികള് അവകാശപ്പെട്ടിരുന്നുവെങ്കിലും തങ്ങള് മിസൈല് തകര്ത്തുവെന്നായിരുന്നു സൗദി സൈന്യത്തിന്റെ അവകാശവാദം. 2014ല് ആരംഭിച്ച സംഘര്ഷത്തില് ഇതിനകം 10,000ത്തിലേറെ പേര് കൊല്ലപ്പെടുകയും അര ലക്ഷത്തോളം പേര്ക്ക് പരിക്കേല്ക്കുകയും ചെയ്തതായാണ് റിപ്പോര്ട്ട്. ഇവരില് ഏറെപ്പേരും ആക്രമണത്തിനിരയായത് സൗദിയുടെ നേതൃത്വത്തിലുള്ള വ്യോമാക്രമണങ്ങളിലായിരുന്നു.
-
പ്രവാസികൾക്ക് ആശ്വാസം; 32 പ്രത്യേക സർവീസുകളുമായി എയർ ഇന്ത്യയും എയർ ഇന്ത്യ എക്സ്പ്രസും -
സ്വര്ണം മൂക്കു കുത്തി വീണു; വിപണി ഇടിയുന്നു, സ്വര്ണവില ഇനിയും കുറഞ്ഞേക്കും, ഇന്നത്തെ പവന് വില -
ആര്യ ബഡായിയുടെ മുൻ കാമുകൻ, രണ്ട് തവണ വിവാഹമോചനം നടന്നയാൾ,കൊടും ചതിയൻ';ആലപ്പി അഷ്റഫ് -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ -
ത്രിഗ്രഹി യോഗം വരുന്നു; ഈ രാശിക്കാർക്ക് ശത്രുക്കളുടെ മേൽ ജയം, പുതിയ കാറും വീടും..! മാർച്ച് 15 മുതൽ -
'മന്ത്രിയെ ഭാര്യ കൈയോടെ പൊക്കിയത് അറിഞ്ഞില്ലെ? സ്റ്റാഫ് മർദ്ദിച്ചു', ഗണേഷ് കുമാറിനെതിരെ കെ എസ് യു -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
ഇന്ത്യ ഭയന്നത് സംഭവിക്കുന്നു; ക്രൂഡ് ഓയില് വില 30 ശതമാനം കൂടി, സ്വര്ണം വിട്ടോടാന് കാരണം മറ്റൊന്ന് -
പ്രണയിക്കുന്നത് തെറ്റല്ല, തുടരും; ആരും വ്യക്തിപരമായ കാര്യങ്ങളിൽ ഇടപെടേണ്ടെന്നും ഗണേഷ് കുമാർ
Click it and Unblock the Notifications
Sign in with Google