Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
മലയാളികള്‍ക്ക് ആശ്വാസമായി കേരളത്തില്‍ യുഎഇ കോണ്‍സുലേറ്റിന് ഉത്തരവായി
ദുബായ്: യുഎഇലുള്ള മലയാളികളുടെ ഏറെ നാളെത്തെ പ്രതീക്ഷകള്‍ക്ക് വിരാമമിട്ട് കേരളത്തില്‍ യുഎഇ കോണ്‍സുലേറ്റ് ആരംഭിക്കാന്‍ യുഎഇ പ്രസിഡന്റ് ശൈഖ് ഖലീഫ ബിന്‍ സായിദ് ആല്‍ നഹ്യാന്‍ ഉത്തരവിട്ടു. തിരുവന്തപുരത്തായിരിക്കും കോണ്‍സുലേറ്റ് പ്രവര്‍ത്തനം ആരംഭിക്കുന്നത്. 2013 ല്‍ തുടങ്ങാന്‍ തീരുമാനിച്ചപ്പോള്‍ തന്നെ ഇന്ത്യയിലെ യുഎഇ അംബാസഡര്‍ കേരളത്തിലെത്തി ഉമ്മന്‍ചാണ്ടിയും പ്രവാസി കാര്യ വകുപ്പ് മന്ത്രി കെ.സി ജോസഫുമായും ചര്‍ച്ചകള്‍ നടത്തിയിരുന്നു.
എന്നാല്‍ മറ്റു പല സാങ്കേതിക കാരണങ്ങളാല്‍ തീരുമാനം വൈകുകയായിരുന്നു. കേരളത്തിന് പുറമെ അയല്‍ സംസ്ഥാനങ്ങളായ കര്‍ണ്ണാടകയ്ക്കും, തമിഴ്‌നാടിനും ഏറെ പ്രയോജനം ലഭിക്കുന്നതായിരിക്കും പുതിയ കോണ്‍സുലേറ്റന്ന് യുഎഇ ലെ ഇന്ത്യന്‍ അംബാസഡര്‍ ടി.പി സീതാറാം അഭിപ്രായപ്പെട്ടു. മുംബൈയിലുള്ളതു പോലെ വലിയ സൗകര്യത്തോടെയുള്ളതായിരിക്കും തിരുവനന്തപുരത്ത് ആരംഭിക്കുന്ന കോണ്‍സുലേറ്റും. ഡല്‍ഹിലുള്ള എംബസിക്ക് പുറമെ മുംബൈയില്‍ മാത്രമാണ് യുഎഇ കോണ്‍സുലേറ്റ് നിലവിലുള്ളത്.
യുഎഇ യുടെ ഏറ്റവും വലിയ വ്യാപാര പങ്കാളികളില്‍ ഒന്നായ ഇന്ത്യയില്‍ പുതിയ കോണ്‍സുലേറ്റ് ആരംഭിക്കുന്നതോടെ നിക്ഷേപകര്‍ക്ക് കൂടുതല്‍ എളുപ്പത്തില്‍ കാര്യങ്ങള്‍ നടത്താനാവും. 10 ലക്ഷത്തിലധികം വരുന്ന യുഎഇ മലയാളികള്‍ക്കായിരിക്കും യുഎഇ യുടെ പുതിയ തീരുമാനം ഏറെ ഗുണം ചെയ്യുക.
നിലവില്‍ സര്‍ട്ടിഫിക്കറ്റുകള്‍ അറ്റസ്റ്റ് ചെയ്യാനും വിസാ, തൊഴില്‍ സംബന്ധമായ കാര്യങ്ങള്‍ക്കും ഡല്‍ഹിയെയോ മുംബൈയിയോ ആശ്രയിക്കുന്നത് സമയ നഷ്ടത്തിനും സാമ്പത്തീക നഷ്ടത്തിനും കാരണമാകുന്നുണ്ട്. ഇനി ഇത്തരം കാര്യങ്ങള്‍ക്ക് തിരുവനന്തപുരത്തെ ആശ്രയിക്കാം എന്ന ആശ്വാസത്തിലാണ് മലയാളികള്‍. യുഎഇ യുടെ തീരുമാനത്തോടെ മറ്റ് ജി.സി.സി രാജ്യങ്ങളും തങ്ങളുടെ കോണ്‍സുലേറ്റ് കേരളത്തില്‍ ആരംഭിക്കുവാന്‍ മുന്നോട്ടു വരുമെന്നാണ് കേരളത്തിന്റെ പ്രതിക്ഷ.
