Click it and Unblock the Notifications
Just In
Don't Miss
-
തമിഴിനെ തരംതാഴ്ത്തുന്നതെന്തിന്? മലയാളത്തില് മാത്രമാണോ നല്ല സിനിമകള്? എണ്ണിപ്പറഞ്ഞ് നടന് -
IPL 2024: അന്ന് എന്നെ ചതിച്ചത് സംഗക്കാര! പഴി കേട്ടത് യുവതാരം; രാജസ്ഥാന് കോച്ചിനെതിരെ സെവാഗ് -
നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
വോട്ടിന് കോഴ; പണംതന്നത് അമര്‍ സിങെന്ന്
ഞായറാഴ്ച ഉച്ചയ്ക്കു കസ്റ്റഡിയിലെടുത്ത സഞ്ജീവ് സക്‌സേനയാണു ചോദ്യം ചെയ്യലിനുശേഷം അറസ്റ്റിലായത്. അഴിമതി നിരോധന നിയമപ്രകാരമാണ് ഇയാളെ അറസ്റ്റ് ചെയ്തത്. വിവാദമുയര്‍ന്ന കാലത്തു സമാജ്‌വാദി പാര്‍ട്ടി ജനറല്‍ സെക്രട്ടറിയും ഇപ്പോള്‍ അഖില ഭാരതീയ ലോക്മഞ്ച് അധ്യക്ഷനുമായ അമര്‍സിങിന്റെ അനുയായി ആയിരുന്നു ഇയാള്‍.
വോട്ടിന് കോഴ അന്വേഷണത്തിലെ അലംഭാവത്തിനു സുപ്രീംകോടതി വിമര്‍ശിച്ചതിനു പിന്നാലെയായിരുന്നു ഇതുമായി ബന്ധപ്പെട്ട് സഞ്ജീവ് സക്‌സേനയെ അറസ്റ്റ് ചെയ്തത്. അമര്‍സിംഗിനെയും മറ്റു ചിലരെയും അടുത്ത ദിവസങ്ങളില്‍ ചോദ്യംചെയ്യുമെന്ന് അന്വേഷണ ഉദ്യോഗസ്ഥര്‍ സൂചന നല്‍കി.
വോട്ടിനു കോഴ സംഭവം പരസ്യമാക്കാനായി ബിജെപിയാണു സക്‌സേനയെ കെണിയില്‍ വീഴ്ത്തിയത്. ബിജെപി. എംപിമാര്‍ക്കു പണം നല്‍കുന്നതിനിടെ ഇയാള്‍ രഹസ്യക്യാമറയില്‍ കുടുങ്ങിയിരുന്നു. ആണവക്കരാര്‍ വിഷയത്തില്‍ ഇടതുപക്ഷം പിന്തുണ പിന്‍വലിച്ചതിനു പിന്നാലെ അവിശ്വാസപ്രമേയത്തില്‍നിന്നു യുപിഎ സര്‍ക്കാരിനെ രക്ഷിക്കാനായി അമര്‍സിങിന്റെ നേതൃത്വത്തിലാണ് എംപിമാരെ വിലയ്‌ക്കെടുക്കാന്‍ ശ്രമം നടന്നതെന്നു ബി.ജെ.പി. ആരോപിച്ചിരുന്നു.
യു.പി.എ. സര്‍ക്കാരിന് അനുകൂലമായി വോട്ട് ചെയ്യാന്‍ ലഭിച്ച കോഴപ്പണമാണെന്നു കാട്ടി ബി.ജെ.പി. അംഗങ്ങള്‍ 2008 ജൂലൈ 22ന് ലോക്‌സഭയില്‍ നോട്ടുകെട്ടുകള്‍ ഉയര്‍ത്തിക്കാട്ടിയത് ഇന്ത്യന്‍ ജനാധിപത്യവ്യവസ്ഥയ്ക്ക് തന്നെ കളങ്കമേല്‍പ്പിച്ചിരുന്നു. ഈ കേസിന്റെ അന്വേഷണത്തില്‍ തികഞ്ഞ അലംഭാവമുണ്ടെന്നും ദില്ലി പൊലീസ് കഥ മെനയുകയാണെന്നും സുപ്രീംകോടതി കഴിഞ്ഞദിവസം വിമര്‍ശിച്ചിരുന്നു.
