Click it and Unblock the Notifications
Just In
Don't Miss
-
ശരീരത്തിലെ വിഷാംശം നീക്കുന്ന കരള്; കരുത്തുറ്റ കരളിന് വേണം ഈ സൂപ്പര്ഫുഡ് -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട് -
ഇവർ വരുന്നതോടെ ക്രെറ്റയുടെ വിൽപ്പന തീരും? സെഗ്മെന്റ് പിടിക്കാൻ ടാറ്റയും സിട്രണും -
ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി -
ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം
നോട്ട് പിന്‍വലിക്കാനുള്ള നിയന്ത്രണത്തില്‍ ഇളവ്‌വരുത്തുന്നു; പ്രഖ്യാപനം പ്രധാനമന്ത്രി നടത്തും
ദില്ലി: അസാധുവാക്കിയ കറന്‍സി നോട്ടുകള്‍ മാറ്റിവാങ്ങാന്‍ രണ്ടുദിവസം മാത്രം ശേഷിക്കെ പുതുവര്‍ഷത്തില്‍ ജനങ്ങളുടെ ദുരിതം കുറയ്ക്കാനുള്ള പ്രഖ്യാപനം ഉണ്ടായേക്കുമെന്ന് റിപ്പോര്‍ട്ട്. നിലവില്‍ നോട്ട് പിന്‍വലിക്കാനുള്ള നിയന്ത്രണത്തില്‍ കാര്യമായ മാറ്റം വരുത്താനാണ് കേന്ദ്രസര്‍ക്കാര്‍ ആലോചന. ഡിസംബര്‍ 31ന് പ്രധാനമന്ത്രി രാജ്യത്തോട് നടത്തുന്ന പ്രസംഗത്തില്‍ ഇക്കാര്യം പ്രഖ്യാപിച്ചേക്കും.
നിലവില്‍ എടിഎമ്മുകളില്‍ നിന്ന് പ്രതിദിനം 2,500 രൂപയും അക്കൗണ്ടില്‍ നിന്ന് ആഴ്ചയില്‍ ഒരിക്കല്‍ പരമാവധി 24,000 രൂപയും പിന്‍വലിക്കാന്‍ മാത്രമേ അനുവാദമുള്ളൂ. ഇത് പുതുവര്‍ഷത്തോടെ പരിഷ്‌കരിക്കും. നിയന്ത്രണം മുഴുവനായി നീക്കാതെ എടിഎമ്മില്‍ നിന്ന് ദിവസത്തില്‍ പിന്‍വലിക്കാവുന്ന തുക 4,000വും ആഴ്ചയില്‍ പിന്‍വലിക്കാവുന്ന തുക 40,000വും ആക്കാനാണ് സര്‍ക്കാര്‍ ആലോചന.
അതേസമയം, ആവശ്യത്തിന് നോട്ടുകള്‍ ലഭ്യമാകാത്ത സാഹചര്യത്തില്‍ പണം പിന്‍വലിക്കുന്നതിനുള്ള നിയന്ത്രണങ്ങള്‍ നീക്കിയാല്‍ ബാങ്കുകള്‍ വന്‍ പ്രതിസന്ധിയിലാകുമെന്ന് എസ്ബിഐ ഉള്‍പ്പെടെയുള്ള ബാങ്കുകള്‍ നേരത്തേ പറഞ്ഞിരുന്നു. ഇത്തരമൊരു പ്രതിസന്ധി മറികടക്കാന്‍ പരമാവധി നോട്ടുകള്‍ അച്ചടിക്കാനുള്ള പ്രയത്‌നത്തിലാണ് റിസര്‍വ് ബാങ്ക് പ്രസുകള്‍.
ചില്ലറ ക്ഷാമം നേരിടുന്നതിനാല്‍ കൂടുതല്‍ 500 രൂപ നോട്ടുകള്‍ എത്തിക്കുമെന്ന് ധനമന്ത്രി അരുണ്‍ ജെയ്റ്റ്‌ലിയും അറിയിച്ചിട്ടുണ്ട്. ഇവ കൂടാതെ സഹകരണ ബാങ്കുകള്‍ക്ക് ഏര്‍പ്പെടുത്തിയിരിക്കുന്ന നിയന്ത്രണം ജനുവരി 1 മുതല്‍ നീക്കിയേക്കും. ഇതോടെ കേരളത്തെ സാമ്പത്തിക പ്രതിസന്ധി ഒരു പരിധിവരെ ഒഴിവാകുമെന്നാണ് വിലയിരുത്തല്‍.
