Click it and Unblock the Notifications
Just In
Don't Miss
-
ആ പ്രണയം തകർന്നത് നന്നായി, പ്രസന്നയെ പോലൊരു ഭർത്താവിനെ കിട്ടി; ആ വർഷം കഠിനമായിരുന്നെന്നും സ്നേഹ -
IPL 2024: 36 ബോളില് വേണ്ടത് 96! നാലു വിക്കറ്റ് മാത്രം, 'തോറ്റ' കളി റോയല്സ് ജയിച്ചതെങ്ങനെ? നോക്കാം -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
ഡിവില്ലിയേഴ്‌സിന്റെ നൂറാം ടെസ്റ്റ് ഇന്ത്യയില്‍; പരമ്പര വിശേഷങ്ങള്‍ കാണൂ..
ബെംഗളൂരു: ദക്ഷിണാഫ്രിക്കന്‍ ക്യാപ്റ്റന്‍ എ ബി ഡിവില്ലിയേഴ്‌സിന് ഇന്ത്യയില്‍ ഒരു ഹോം ഗ്രൗണ്ട് ഉണ്ട്. ഇഷ്ടം പോലെ ആരാധകരും. ഐ പി എല്ലില്‍ റോയല്‍ ചാലഞ്ചേഴ്‌സ് ബാംഗ്ലൂരിന് വേണ്ടി കളിക്കുന്ന എ ബി ഡിയുടെ രണ്ടാമത്തെ ഹോം ഗ്രൗണ്ട് ബെംഗളൂരുവിലെ ചിന്നസ്വാമി സ്‌റ്റേഡിയമാണ്. കരിയറിലെ നൂറാമത്തെ ടെസ്റ്റ് എന്ന നാഴികകല്ല് തികയ്ക്കാന്‍ ആരാധകരുടെ പ്രിയപ്പെട്ട എ ബി ഡി ഇറങ്ങുന്നതും ഇവിടെത്തന്നെ.
നവംബര്‍ 14 മുതല്‍ 18 വരെയാണ് ബെംഗളൂരുവില്‍ ഇന്ത്യ - ദക്ഷിണാഫ്രിക്ക ടെസ്റ്റ്. നാല് ടെസ്റ്റുകളാണ് പരമ്പരയില്‍ ഉള്ളത്. നവംബര്‍ 5 മുതല്‍ ഡിസംബര്‍ 7 വരെയാണ് ടെസ്റ്റ് പരമ്പര. ഒക്ടോബര്‍ 2 ന് ട്വന്റി 20 കളിച്ചുകൊണ്ട് ഇന്ത്യന്‍ പര്യടനത്തിന് തുടക്കമിടുന്ന ദക്ഷിണാഫ്രിക്കന്‍ ടീം രണ്ട് മാസത്തിലധികം സമയം ഇന്ത്യയില്‍ ഉണ്ടാകും.
മൂന്ന് ട്വന്റി 2ദ മത്സരങ്ങള്‍. അഞ്ച് ഏകദിനങ്ങള്‍. നാല് ടെസ്റ്റുകള്‍ എന്നിവയാണ് 2015 ലെ പര്യടനത്തില്‍ ദക്ഷിണാഫ്രിക്ക ഇന്ത്യയില്‍ കളിക്കുക. ഐ പി എല്‍ കളിക്കാരും അല്ലാത്തവരുമായി ഇന്ത്യന്‍ കാണികള്‍ക്ക് ഏറെ പരിചിതരമാണ് ദക്ഷിണാഫ്രിക്കന്‍ ക്രിക്കറ്റര്‍മാര്‍. എ ബി ഡിവില്ലിയേഴ്‌സ് തന്നെ ആരാധക ബാഹുല്യത്തില്‍ മുമ്പന്‍. ജെ പി ഡുമിനി, ഹാഷിം ആംല, ഡെയ്ല്‍ സ്റ്റെയ്ന്‍, മോര്‍ക്കല്‍, ഡുപ്ലിസി എന്നിങ്ങനെ പോകുന്നു ഈ നിര.
ദക്ഷിണാഫ്രിക്കയുടെ ഏറ്റവും നീളം കൂടിയ ഇന്ത്യന്‍ പര്യടനം കൂടിയാണ് ഒക്ടോബറില്‍ തുടങ്ങാനിരിക്കുന്നത്. ധരംശാല, കട്ടക്ക്, കൊല്‍ക്കത്ത എന്നിവിടങ്ങളിലാണ് ട്വന്റി 20 മത്സരങ്ങള്‍. കാണ്‍പൂര്‍, ഇന്‍ഡോര്‍, രാജ്‌കോട്ട്, ചെന്നൈ, മുംബൈ എന്നിവിടങ്ങളില്‍ ഏകദിനങ്ങള്‍. മൊഹാലി, ബെംഗളൂരു, നാഗ്പൂര്‍, ദില്ലി എന്നീ ഗ്രൗണ്ടുകളിലാണ് ടെസ്റ്റ് മത്സരങ്ങള്‍ നടക്കുക.
