മലബാര് സമര പോരാളികള്ക്കെതിരായ നീക്കം; ഡല്ഹിയില് മുസ്ലിം ലീഗിന്റെ പ്രതിഷേധം
ന്യൂഡല്ഹി: മലബാറിലെ സ്വാതന്ത്ര്യ സമര പോരാളികളെ ഇന്ത്യയുടെ സ്വാതന്ത്ര്യ സമര സേനാനികളുടെ പട്ടിക ഉള്ക്കൊള്ളുന്ന ചരിത്ര രേഖയില് നിന്നു നീക്കം ചെയ്യാനുള്ള ഐസിഎച്ച്ആറിന്റെ നടപടികള്ക്കെതിരെ മുസ്ലിം ലീഗ് എംപിമാര് ഗാന്ധി പ്രതിമക്കു മുമ്പില് പ്രതിഷേധ സംഗമം നടത്തി. മുസ്ലിം ലീഗ് പാര്ലിമെന്ററി പാര്ട്ടി ലീഡര് ഇടി മുഹമ്മദ് ബഷീര് എംപി, എംപി മാരായ പിവി അബ്ദുല് വഹാബ്, ഡോ എംപി അബ്ദുസമദ് സമദാനി, നവാസ് കനി എന്നിവരാണ് പ്രതിഷേധിച്ചത്. രാജ്യത്തിന്റെ സ്വാതന്ത്ര്യ സമര ചരിത്രത്തെ വക്രീകരിക്കുന്ന നിലപാട് അംഗീകരിക്കാന് ആവില്ലെന്ന് സംഗമത്തിന്റെ മുന്നോടിയായി വിജയ് ചൗക്കില് മാധ്യമ പ്രവര്ത്തകരെ കണ്ട എംപിമാര് പറഞ്ഞു.
വളരെ തെറ്റായ ഒരു നടപടിയാണിത്. ബിജെപിയുടെ രാഷ്ട്രീയ ലക്ഷ്യങ്ങള് നടപ്പിലാക്കുന്നതിനു വേണ്ടി ഇന്ത്യയുടെ സത്യസന്ധമായ ചരിത്രത്തെ തന്നെ തമസ്ക്കരിക്കുകയാണ്. പ്രസിദ്ധ ചരിത്രകാരന് എംജിഎസ് നാരായണന് ചൂണ്ടിക്കാണിച്ചതുപോലെ മലബാര് സമരത്തെ വര്ഗീയ വല്ക്കരിക്കുന്നതും അവരെ ചരിത്രത്തില് തെറ്റായി വ്യാഖ്യാനിക്കുന്നതും രാഷ്ട്രീയ ലക്ഷ്യം കൊണ്ടു മാത്രമാണ്. ഇതിനെതിരായി ശക്തമായ സമീപനങ്ങള് എടുക്കുകയും ഇന്ത്യന് പാര്ലമെന്റിലും കേരള നിയമസഭയിലും മറ്റു വേദികളിലുമെല്ലാം സജീവമായി ഇടപെടുകയും ചെയ്ത പാര്ട്ടിയാണ് മുസ്ലിം ലീഗെന്നും എംപിമാര് പറഞ്ഞു.
ഐസിഎച്ച്ആറിന്റെ തീരുമാനം പുനഃപ്പരിശോധിക്കണമെന്ന് ടിഎന് പ്രതാപന് എംപി ആവശ്യപ്പെട്ടു. ഈ തീരുമാനത്തില് നിന്ന് കേന്ദ്ര സര്ക്കാര് പിന്മാറണമെന്ന് സിപിഎം മലപ്പുറം ജില്ലാസെക്രട്ടറി ഇഎന് മോഹന്ദാസും ആവശ്യപ്പെട്ടു. മലബാര് സമരത്തില് പങ്കെടുത്ത രക്തസാക്ഷികളുടെ പേരുകള് സ്വാതന്ത്ര്യ സമര സേനാനികളുടെ നിഘണ്ടുവില് നിന്നു നീക്കം ചെയ്യുന്നതിനുള്ള തീരുമാനം സഭ നിര്ത്തിവെച്ചു ചര്ച്ച ചെയ്യണമെന്നാവശ്യപ്പെട്ടു ഇടി മുഹമ്മദ് ബഷീറും അബ്ദുസ്സമദ് സമദാനിയും ലോക് സഭയില് അടിയന്തിര പ്രമേയത്തിന് നോട്ടീസ് നല്കിയിരുന്നു.
'മലബാര് സമരത്തില് പങ്കെടുത്ത രക്തസാക്ഷികളുടെ പേരുകള് ഐസിഎച്ച്ആര് തീരുമാന പ്രകാരം സ്വാതന്ത്ര്യസമര സേനാനികളുടെ നിഘണ്ടുവില് നിന്നും നീക്കം ചെയ്തതായും, ഈ ശുപാര്ശ സാംസ്കാരിക മന്ത്രാലയത്തിന് സമര്പ്പിക്കുമെന്നും റിപ്പോര്ട്ടുണ്ട്. ആന്ധ്രാപ്രദേശ്, കര്ണാടക, തമിഴ്നാട്, കേരളം എന്നിവിടങ്ങളില് നിന്നുള്ള ഇരുന്നൂറോളം സ്വാതന്ത്ര്യ സമര സേനാനികളെ സ്വാതന്ത്ര്യ സമര സേനാനികളുടെ പട്ടികയില് നിന്ന് ഒഴിവാക്കുമെന്നും അതിനനുസരിച്ച് നിഘണ്ടുവിന്റെ അഞ്ചാം ഭാഗം പരിഷ്കരിക്കുമെന്നും അറിയുന്നു. ഇത് അങ്ങേയറ്റം അപലപനീയവും ആക്ഷേപാര്ഹവും സത്യസന്ധമായ ചരിത്രത്തെ അപകടപ്പെടുത്തുന്നതിന് തുല്യവുമാണെന്നും' ലീഗ് എംപി മാര് നല്കിയ അടിയന്തിര പ്രമേയ നോട്ടീസില് പറഞ്ഞു.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google