Click it and Unblock the Notifications
Just In
Don't Miss
-
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
എനിക്കും റസ്മിനും രണ്ട് ക്ലാരിറ്റിയോ? ജാസ്മിന് ഗബ്രിയോട്; 'ഇത് ഒറ്റ ദിവസം കൊണ്ട് തീര്ക്കാവുന്നതേ ഉള്ളു' -
ആയുസ്സിനും ആരോഗ്യത്തിനും ചെറുധാന്യങ്ങള് ശീലമാക്കാം -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഇന്റര്‍വ്യൂ ചെയ്യുന്നതിനിടെ ഗൂഗിളില്‍ എച്ച്ആറിന് പണി പോയി; അപ്രതീക്ഷിത സംഭവം
ഗൂഗിളില്‍ കൂട്ടപ്പുറത്താക്കല്‍ തുടരുകയാണ്. പലരെയും മുന്നറിയിപ്പ് ഇല്ലാതെയാണ് പുറത്താക്കുന്നത്. അടുത്തിടെ എച്ച്ആര്‍ ടീമിലെ ഒരാളെ യാതൊന്നും പറയാതെയാണ് ഗൂഗിള്‍ പുറത്താക്കിയത്
വാഷിംഗ്ടണ്‍: ഗൂഗിളില്‍ ജോലി നഷ്ടപ്പെടുന്നവരുടെ എണ്ണം വര്‍ധിക്കുന്നു. യാതൊരു ദയയും ഇല്ലാതെയാണ് പലരെയും ഗൂഗിള്‍ പുറത്താക്കുന്നത്. പന്ത്രണ്ടായിരം ജീവനക്കാരെ പുറത്താക്കുമെന്ന് നേരത്തെ ഗൂഗിള്‍ അറിയിച്ചത്.
അതേസമയം പ്രതീക്ഷിക്കാതെയാണ് പലര്‍ക്കും ജോലി നഷ്ടപ്പെടുന്നത്. ഇവരെ ഒന്ന് അറിയിക്കുക പോലും ചെയ്യാതെയാണ് പുറത്താക്കല്‍ ഗൂഗിള്‍ പ്രഖ്യാപിക്കുന്നത്.
ഒരു ജീവനക്കാരന്‍ തന്റെ അക്കൗണ്ടിലേക്കുള്ള ആക്‌സസ് നഷ്ടപ്പെട്ടപ്പോഴാണ് ജോലി നഷ്ടപ്പെട്ട കാര്യം അറിഞ്ഞത്. ഇപ്പോള്‍ ഒരു എച്ചആര്‍ ജീവനക്കാരിക്കും അതുപോലെ ജോലി നഷ്ടമായിരിക്കുകയാണ്. ഇവര്‍ ഗൂഗിളിന്റെ റിക്രൂട്ടരായിരുന്നു.
പുതിയ ജീവനക്കാരെ ഗൂഗിളിലേക്ക് ഇന്റര്‍വ്യൂ ചെയ്ത് കൊണ്ടിരിക്കുമ്പോഴായിരുന്നു ഈ റിക്രൂട്ടര്‍ക്ക് ജോലി നഷ്ടമായത്. ഇവരുടെ കോള്‍ പെട്ടെന്ന് വിച്ചേദിക്കപ്പെടുകയായിരുന്നു.
അതായത് കമ്പനിയിലേക്ക് ആളെ എടുക്കുന്ന വിഭാഗം പോലും ആരെയൊക്കെയാണ് പിരിച്ചുവിടുന്നതെന്ന് അറിയാത്ത അവസ്ഥയിലാണ്. ഡാന്‍ ലാനിഗന്‍ റയാന്‍ എന്ന റിക്രൂട്ടര്‍ക്കാണ് ജോലി നഷ്ടമായത്.
താന്‍ മറ്റൊരു ഉദ്യോഗാര്‍ത്ഥിയെ ഇന്റര്‍വ്യൂ ചെയ്ത് കൊണ്ടിരിക്കുകയായിരുന്നു. പെട്ടെന്ന് തന്റെ കോള്‍ കട്ടായി. കമ്പനിയുടെ വെബ്‌സൈറ്റില്‍ കയറാന്‍ നോക്കിയെങ്കിലും സാധിച്ചില്ല. പിന്നീട് അന്വേഷിച്ചപ്പോള്‍ പിരിച്ചുവിട്ടുവെന്ന് മനസ്സിലായി. എന്നാല്‍ എച്ച്ആര്‍ ടീമില്‍ ഇതേ അവസ്ഥ വരുന്ന ഏക വ്യക്തിയല്ല റയാന്‍.
എച്ച്ആര്‍ ടീമിലെ നിരവധി പേരെയും ഗൂഗിള്‍ അറിയിപ്പൊന്നും നല്‍കാതെ പിരിച്ചുവിട്ടിരിക്കുകയാണ്. ഇവരുടെ മാനേജരെയും പിരിച്ചുവിട്ടു. ഇയാള്‍ ആദ്യം കരുതിയത് കമ്പ്യൂട്ടറിനുണ്ടായിട്ടുള്ള സാങ്കേതിക പ്രശ്‌നമെന്നാണ്. എന്നാല്‍ പിന്നാലെ തന്നെ ഇമെയിലിലൂടെ പുറത്താക്കുന്നതായി അറിയിക്കുകയായിരുന്നു.
തനിക്ക് ആദ്യം കമ്പനിയുടെ വെബ്‌സൈറ്റിലേക്ക് ആക്‌സസ് നഷ്ടമായി. സംസാരിച്ച് കൊണ്ടിരുന്ന ഉദ്യോഗാര്‍ത്ഥിയുമായുള്ള ആശയവിനിമയം നഷ്ടമായെന്നും റയാന്‍ പറഞ്ഞു. എനിക്കുണ്ടായിരുന്ന എല്ലാ കാര്യങ്ങളും അവര്‍ ബ്ലോക്ക് ചെയ്തു. ഇതിന് ശേഷമാണ് ഗൂഗിള്‍ 120000 പേരെ ഒഴിവാക്കുമെന്ന് വാര്‍ത്തകളില്‍ കണ്ടതെന്നും റയാന്‍ പറഞ്ഞു.
തന്റെ സ്വപ്‌നത്തിലുള്ള കമ്പനിയായിരുന്നു ഗൂഗിള്‍. നായയെയും കൊണ്ട് നടക്കാന്‍ ഇറങ്ങിയപ്പോഴാണ് ഈ ജോലി എന്നെ തേടി വന്നത്. എന്നാല്‍ സന്തോഷത്തിന് ആയുസ്സില്ല. വെറും ഒരു വര്‍ഷം കൊണ്ട് ജോലി തന്നെ ഇല്ലാതാക്കിയിരിക്കുകയാണ്. ഇങ്ങനൊരു അവസാനം ഞാന്‍ പ്രതീക്ഷിച്ചതേയില്ല.
എന്റെ കരാര്‍ നേരത്തെ ഒരു വര്‍ഷത്തേക്ക് നീട്ടിയതാണ്. ഞാന്‍ ക്ലൗഡ് സെയില്‍സ് റിക്രൂട്ട്‌മെന്റ് ടീമിലേക്ക് മാറിയതുമാണ്. ഒരാഴ്ച്ച മുമ്പ് വരെ ശമ്പളം കൂടുന്നതിനെ കുറിച്ചായിരുന്നു സംസാരിച്ചത്. എന്നാല്‍ ഇതിനൊക്കെ ശേഷമാണ് പിരിച്ചുവിടല്‍ ആരംഭിച്ചതെന്നും റയാന്‍ പറഞ്ഞു.
