ഹമാസ് തടവിലാക്കിയ ഇസ്രായേല് സൈനികന്റെ കുടുംബം അതിര്ത്തിയില് പ്രതിഷേധിക്കാനൊരുങ്ങുന്നു
തെല് അവീവ്: ഹമാസ് തടവിലാക്കിയ ഇസ്രായേല് സൈനികന് ഹദാര് ഡോള്ഡിനെ വിട്ടുകിട്ടണമെന്നാവശ്യപ്പെട്ട് സൈനികന്െ കുടുംബക്കാര് ഗസ അതിര്ത്തിയില് പ്രതിഷേധിക്കാനൊരുങ്ങുന്നു. ഓരോ വെള്ളിയാഴ്ചയും പ്രതിഷേധം സംഘടിപ്പിക്കാനാണ് തീരുമാനം. ഇസ്രായേലി അതിര്ത്തിയില് ഗസയോട് ചേര്ന്നുകിടക്കുന്ന പ്രദേശത്ത് നടക്കുന്ന പ്രതിഷേധത്തില് സൈനികന്റെ കുടുംബക്കാര്ക്കു പുറമെ, സുഹൃത്തുക്കള്, കലാകാരന്മാര്, സൈനികര്, പൗരപ്രമുഖര് തുടങ്ങിയവര് പങ്കെടുക്കുമെന്ന് ഇസ്രായേലിലെ ചാനല് 7 അറിയിച്ചു.
സൈനികന്റെ മോചനകാര്യത്തില് ഇസ്രായേല് ഭരണകൂടം താല്പര്യം കാണിക്കുന്നില്ലെന്ന് ആരോപിച്ച് ഡോള്ഡിന്റെ ബന്ധുക്കള് പ്രധാനമന്ത്രി ബെഞ്ചമിന് നെതന്യാഹു ഉള്പ്പെടെയുള്ളവര്ക്കെതിരേ ശക്തമായ പ്രതിഷേധവുമായി രംഗത്തെത്തിയിരുന്നു. 2016 ഏപ്രില് രണ്ടിനാണ് ഹദാര് ഗോള്ഡിന് ഉള്പ്പെടെ നാല് ഇസ്രായേല് സൈനികരെ ഹമാസിന്റെ സൈനിക വിഭാഗമായ ഇസ്സുദ്ദീന് അല് ഖസ്സാം ബ്രിഗേഡ് തടവിലാക്കിയത്. തടവിലായ സൈനികരെ വെറുതെ വിട്ടയക്കില്ലെന്നും പകരം തങ്ങള് പറയുന്ന ഫലസ്തീന് തടവുകാരെ മോചിപ്പിക്കണമെന്നുമാണ് ഹമാസിന്റെ നിലപാട്.
തങ്ങളുടെ ജന്മനാടുകളില് നിന്ന് ആട്ടിയോടിക്കപ്പെട്ട ഫലസ്തീനികള്ക്ക് തിരികെയെത്താന് അനുമതി നല്കണമെന്നാവശ്യപ്പെട്ട് കഴിഞ്ഞ അഞ്ച് വെള്ളിയാഴ്ചകളിലായി ഇസ്രായേല് അതിര്ത്തിയില് ഗസ നിവാസികള് നടത്തുന്ന പ്രതിഷേധത്തിന് സമാനമായ പ്രതിഷേധം സംഘടിപ്പിക്കാന് സൈനികന്റെ മോചനവുമായി ബന്ധപ്പെട്ട് ഇസ്രായേല് ആലോചിക്കുന്നത്. പരമാവധി ഗസ അതിര്ത്തിയോട് അടുത്തുനില്ക്കുന്ന പ്രദേശത്താണ് പ്രതിഷേധ സംഗമം സംഘടിപ്പിക്കുകയെന്ന് ചാനല് 7 അറിയിച്ചു. ഇസ്രായേലി സൈനിക കേണലാണ് പ്രതിഷേധത്തിന് നേതൃത്വം നല്കുക. എല്ലാവരും പ്രതിഷേധത്തില് പങ്കെടുക്കാന് സൈന്യം ആഹ്വാനം ചെയ്തു.
ഹമാസ് പോരാളികള് 2006 ജൂണില് തടവിലാക്കിയ ഗിലാദ് ശാലിത്ത് എന്ന ഇസ്രായേലി സൈനികനെ അഞ്ച് വര്ഷം നീണ്ട ചര്ച്ചകള്ക്കൊടുവില് 2011 ഒക്ടോബറില് ഹമാസ് വിട്ടയച്ചിരുന്നു. തങ്ങളുടെ മുതിര്ന്ന നേതാക്കളുള്പ്പെടെ ഇസ്രായേല് ജയിലുകളില് കഴിയുന്ന ആയിരത്തിലേറെ തടവുകാരുടെ മോചനത്തിന് പകരമായിരുന്നു ഇത്.
-
വളരെ സ്പെഷ്യലായ 2 രാജയോഗങ്ങൾ ഒരുമിച്ച്; ഈ രാശിക്കാരുടെ പ്രണയ ജീവിതം കളറാവും, സമ്പത്ത് നിറയും! -
ട്രാക്ക് മാറ്റാൻ ബെംഗളൂരു നഗരം; എൽപിജി ഇല്ലെങ്കിലും നോ ടെൻഷൻ, കൂടുതൽ ബയോഗ്യാസ് പ്ലാന്റുകൾ സ്ഥാപിക്കും -
വിജയ്-തൃഷ ബന്ധത്തിന് പിന്നാലെ മകൻ സഞ്ജയുടെ നിർണായക തീരുമാനം, അത് പൊളിച്ചടുക്കി സംഗീതയും';ആലപ്പി അഷ്റഫ് -
ബെംഗളൂരുകാർക്ക് ആശ്വാസം; സിൽക്ക് ബോർഡിലെ ഡെബിൾ ഡെക്കർ മേൽപ്പാലം ഉടൻ പൂർണമായി തുറക്കും -
'അയാൾ ലവ് ബോംബിംഗ് നടത്തി, 19-ാം വയസിൽ കല്യാണം കഴിച്ചത് ജോത്സ്യന് പറഞ്ഞതുകൊണ്ട് മാത്രം'; അമൃത സുരേഷ് -
സ്വര്ണവില വീണ്ടും താഴ്ന്നു; സ്വര്ണത്തിന് എന്തുപറ്റി? വില കുറഞ്ഞ് 75000 എത്തുമോ, പവന് വില -
ആപ്പിൾ പ്രേമികൾക്ക് ലോട്ടറി! ഐഫോൺ 16 വില 20,000 രൂപ കുറഞ്ഞു; സുവർണ്ണാവസരം നഷ്ടപ്പെടുത്തരുത് -
ആലിയ ഭട്ടിന്റെ ഗ്ലാമർ രഹസ്യം ഇതാണ്! ആ 8 കാര്യങ്ങളിലൂടെ നിങ്ങളുടെ ചർമ്മവും തിളങ്ങും -
കേരളത്തിൽ സ്വർണ വില ഒരാഴ്ചക്കിടെ ഇടിഞ്ഞത് 3000ത്തിന് അടുത്ത്; വരും ആഴ്ചയിലും വില കുത്തനെ താഴേക്ക്? -
മമ്മൂട്ടിക്ക് ഇപ്പോൾ വീണ്ടും മറ്റേ അസുഖം തുടങ്ങി, ഇനിയെങ്കിലും മനുഷ്യരുടെ പ്രാക്ക് വാങ്ങി കൂട്ടരുത്';ശാന്തിവിള -
"സീറ്റ് പോയോ സരിൻ?" സ്ഥാനാർത്ഥി പട്ടിക വന്നതിന് പിന്നാലെ പി സരിന് ട്രോൾ മഴ -
സ്വർണ വില പവന് 70,000 രൂപയിലേക്ക്, അതുകഴിഞ്ഞ് കാത്തിരിക്കുന്നത് വൻ കുതിപ്പ്..1.65 ലക്ഷമാകുമെന്ന്
Click it and Unblock the Notifications
Sign in with Google