സിബിഐയ്ക്കെതിരെ സെഫി സുപ്രീം കോടതിയിലേയ്ക്ക്
കോട്ടയം: അഭയ കേസ് അന്വേഷണത്തിനിടിയല് സിബിഐ തന്നെ കന്യകാത്വ പരിശോധനയ്ക്ക് വിധേയയാക്കിയതിനും കുറ്റപത്രത്തില് തന്നെ മോശമായി ചിത്രീകരിച്ചതിനുമെതിരെ സിസ്റ്റര് സെഫി സുപ്രീം കോടതിയില് പരാതി നല്കുന്നു.
ഇക്കാര്യങ്ങള് ചൂണ്ടിക്കാട്ടി സെഫി ഇതിനകം തന്നെ ദേശീയ മനുഷ്യാവകാശ കമ്മീഷന് പരാതി നല്കിയിട്ടുണ്ട്. ഇതിന് പിന്നാലെയാണ് നീതി തേടി സുപ്രീംകോടതിയെയും സമീപിക്കാന് തീരുമാനിച്ചിരിക്കുന്നത്.
കന്യകാത്വ പരിശോധന വ്യക്തിസ്വാതന്ത്ര്യത്തിന്മേലുള്ള കടന്നു കയറ്റമാണെന്ന് ക്നാനായ കത്തോലിക്കാസഭയുടെ നിയമോപദേഷ്ടാവ് അജി കോയിക്കല് പറയുന്നു. കന്യകാത്വ പരിശോധനാ റിപ്പോര്ട്ട് കെട്ടിച്ചമച്ചതാണെന്നാണ് തങ്ങളുടെ അഭിപ്രായമെന്നും അദ്ദേഹം പറഞ്ഞു.
ഇതിനിടെ കുറ്റപത്രത്തിലെ അശ്ലീല പരാമര്ശങ്ങളില് കേരളത്തിലെ വിവിധ സംഘടനകളുടെ വനിതാ നേതാക്കള് പ്രതിഷേധം രേഖപ്പെടുത്തിയിട്ടുണ്ട്. കഴിഞ്ഞ ദിവസം സിപിഎം പൊളിറ്റ്ബ്യൂറോ അംഗം വൃന്ദ കാരാട്ട് സിബിഐ സമര്പ്പിച്ച കുറ്റപത്രത്തിലെ അശ്ലീല പരാമര്ശങ്ങള് ചൂണ്ടിക്കാട്ടി പ്രധാനമന്ത്രി മന്മോഹന് സിങിന് കത്തയച്ചിരുന്നു.
കേസില് സിബിഐയുടെ നീക്കങ്ങള് സംശയം ജനിപ്പിക്കുന്ന തരത്തിലുള്ളതാണെന്ന് കോട്ടയം അതിരൂപതാ ജാഗ്രതാ സമിതി അഭിപ്രായപ്പെട്ടു. നാര്കോ സിഡി പരിശോധിച്ച സിഡിറ്റിന്റെ റിപ്പോര്ട്ട് തങ്ങള് ഉദ്ദേശിച്ചപോലെ അല്ലാതായപ്പോള് അവര്ക്കെതിരെ ആക്ഷേപമുന്നയിക്കാന് സിബിഐ ശ്രമിക്കുകയാണ്.
മറ്റു കേസുകളില് സംശയത്തിന്റെ നിഴലിലുള്ള ഡോക്ടര് മാലിനിയുടെ വിശദീകരണത്തില് തൃപ്തരാകുന്ന സിബിഐ സംഘത്തിന്റെ നിലപാട് സത്യം മറച്ചുവയ്ക്കാനുള്ള ശ്രമമാണ്- ജാഗ്രതാ സമിതി ചൂണ്ടിക്കാട്ടി.
സിസ്റ്റര് സെഫിയ്ക്കെതിരെ ഉപയോഗിച്ചിരിക്കുന്ന സഭ്യമല്ലാത്ത പ്രയോഗങ്ങള് ഇന്ത്യയിലെ പരമോന്നത കുറ്റാന്വേഷണ ഏജന്സിയുടെ പാപ്പരത്തം വെളിവാക്കുന്നവയാണെന്നും സമിതി കുറ്റപ്പെടുത്തി. നിഷ്പക്ഷമായ മെഡിക്കല് ബോര്ഡിന് മുന്നില് മെഡിക്കല് പരിശോധനയ്ക്ക് വിധേയയാകാന് തയാറാണെന്നു പറഞ്ഞ സിസ്റ്റര് സെഫിയുടെ പ്രസ്താവനയെ ഒരു വെല്ലുവിളിയായി ഏറ്റെടുക്കാന് സിബിഐ തയ്യാറാണോയെന്ന് സമിതി ചോദിച്ചു.
കുറ്റപത്രത്തില് സെഫിയെക്കുറിച്ചുള്ള തരംതാഴ്ന്ന പരാമര്ശങ്ങള്ക്കെതിരെ വനിതാകമ്മീഷന് മുന് അധ്യക്ഷ എം കമലം, മുന് എംപി എകെ പ്രമജം, മഹിളാകോണ്ഗ്രസ് കോഴിക്കോട് ജില്ലാ പ്രസിഡന്റ് ഐഷക്കുട്ടി സുല്ത്താന്, മഹിളാകോണ്ഗ്രസ് പ്രസിഡന്റ് ഷാനിമോള് ഉസ്മാന്, മുന് എംഎല്എ ലതാദേവി എന്നിവര് രംഗത്തെത്തിയിട്ടുണ്ട്.
-
സ്വർണം കൂട്ടത്തോടെ വിറ്റ് ദുബായിലെ ഇന്ത്യക്കാർ; ഒരു ദിവസം ഒരു കിലോ വരെ..കാരണം ഇതാണ് -
യുദ്ധം വേഗത്തിൽ അവസാനിക്കുമെന്ന് ട്രംപ്; 'വീണ്ടും തുടങ്ങിയാൽ കനത്ത തിരിച്ചടി തന്നെ അവർക്ക് നൽകും' -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം -
ഗണേഷ് കുമാർ വിവാദത്തിൽ ട്വിസ്റ്റ്, ഭാര്യയെ വിളിച്ച് മാപ്പ് പറഞ്ഞ് മന്ത്രി, മാപ്പ് കൊടുത്തെന്ന് ബിന്ദു മേനോൻ -
എൽഡിഎഫ് 66 ഇടത്ത്, യുഡിഎഫ് 62 ഇടത്ത്, 12 മണ്ഡലങ്ങളിൽ കടുത്ത മത്സരം; കേരളത്തിൽ ഇഞ്ചോടിഞ്ചെന്ന് സർവേ -
'ഇങ്ങനാണേല് ഞാനില്ല'; പിണങ്ങിയിറങ്ങി ശശീന്ദ്രന്, എന്സിപിയിലും ആര്ജെഡിയിലും അതൃപ്തി പുകയുന്നു -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ? -
ശനിയുടെ അസ്തമയം 40 ദിവസം; ഈ രാശിക്കാർക്ക് ഭാഗ്യം ഉറപ്പ്, ദാമ്പത്യ ജീവിതത്തിൽ പൂർണ സന്തോഷം..! -
ഇസ്രായേലിന്റെ ഉറ്റരാജ്യം; അസര്ബൈജാന് ഇറാനിലേക്ക് മരുന്നും ഭക്ഷണവും അയച്ചു, വിചിത്ര ബന്ധം -
സഞ്ജു സാംസണിന്റെ ആസ്തി എത്ര? ഐപിഎൽ ശമ്പളവും പരസ്യ വരുമാനവും ചേർന്ന് വരുമ്പോൾ.. കണ്ണ് തള്ളും! -
ഈ രാശിക്കാരാണോ? മാര്ച്ച് മുതല് ഘടാഘടിയന് രാജയോഗം; ജീവിതം ഇനി കളറാകും -
സ്വര്ണം വില കൂടി; ഡോളര് ഇടിഞ്ഞത് തിരിച്ചടി, ഇനിയും ചാഞ്ചാട്ട സാധ്യത, ഇന്നത്തെ പവന് വില
Click it and Unblock the Notifications
Sign in with Google