ജലച്ചായത്തിന്റെ നുറുങ്ങുകള് പകര്ന്ന് നല്കി ആര്ട്ട് ബൈ ചില്ഡ്രന് പരിശീലന കളരി; കുട്ടികളുമായി കൂട്ടുകൂടി പ്രശസ്ത ചിത്രകാരനായ സുനില് ലിനസ്ഡി
കൊച്ചി: കുട്ടികള്ക്ക് ഏറ്റവും ഇഷ്ടമുള്ള ചിത്രരചനാ ഉപാധിയാണ് ജലച്ചായം. അഭിരുചി ഉള്ളവരും ഇല്ലാത്തവരും ഒരു പോലെ ഇഷ്ടപ്പെടുന്നത് വരയ്ക്കുന്നതിലെ എളുപ്പവും വെള്ളം കൊണ്ടുള്ള കളിയിലുമാണ്. എന്നാല് ജലച്ചായത്തില് ശ്രദ്ധിക്കേണ്ട കാര്യങ്ങള് ചിത്രകലയെ ഗൗരവമായി കാണുന്ന വിദ്യാര്ത്ഥികള്ക്ക് മനസിലാക്കി നല്കുന്നതായിരുന്നു ബിനാലെ നാലാം ലക്കത്തിലെ ആര്ട്ട് റൂമില് സംഘടിപ്പിച്ച പരിശീലന കളരി.
കുട്ടികളിലെ കലാഭിരുചി വര്ധിപ്പിക്കുന്നതിനായി കൊച്ചി ബിനാലെ ഫൗണ്ടേഷന് നടത്തുന്ന ആര്്ട്ട് ബൈ ചില്ഡ്രിന് പദ്ധതിയുടെ ഭാഗമായാണ് ഫോര്ട്ട്കൊച്ചി കബ്രാള് യാര്ഡില് ആര്ട്ട് റൂം തുടങ്ങിയത്. പ്രശസ്ത ചിത്രകാരനായ സുനില് ലിനസ്ഡിയാണ് ജലച്ചായ ചിത്രരചനയെക്കുറിച്ച് കുട്ടികള്ക്ക് ക്ലാസുകളെടുത്തത്. ഏതു കലാസൃഷ്ടിയായാലും അതിന്റെ പൂര്ണരൂപം ചിത്രം പോലെ തന്നെ മനസില് ഉണ്ടാകണമെന്ന് സുനില് പറഞ്ഞു.
അവസാന മിനുക്കു പണിയില് ചെറിയ മാറ്റങ്ങളാകാം. പക്ഷെ ആദ്യം മനസില് നിര്ണയിച്ച പ്രമേയത്തെ തന്നെ മാറ്റുന്നതാകരുതെന്നും അദ്ദേഹം ചൂണ്ടിക്കാട്ടി. തോപ്പുംപടി സെ. സെബാസ്റ്റ്യന്സ് എച് എസ് എസ്, കാല്വതി എച് എസ് എസ് എന്നിവിടങ്ങളില് നിന്നുള്ള വിദ്യാര്ത്ഥികളും ഹോംസ്കൂള് കുട്ടികളുമാണ്(വീട്ടിലിരുന്ന വിദ്യാഭ്യാസം നടത്തുന്ന) പരിശീലന കളരിയില് പങ്കെടുക്കാനെത്തിയത്. നിറങ്ങള് തെരഞ്ഞെടുക്കുന്നതിലും അവയുടെ ഗാഢത കൂട്ടുന്നതും കുറയ്ക്കുന്നതുമെല്ലാം സസൂക്ഷ്മമം ശ്രദ്ധിക്കണമെന്ന് സുനില് പറഞ്ഞു. വെയിലടിക്കുമ്പോള് നിറങ്ങള്ക്ക് മാറ്റം വരും. അതിനാല് നിറം മിശ്രണം ചെയ്യുമ്പോള് ശ്രദ്ധ വേണം.
കലാഭിരുചിയുള്ള കുട്ടികള്ക്കും നന്നായി ചിത്രം വരയ്ക്കുന്ന മുതിര്ന്നവര്ക്കും രചനയിലെ ഇത്തരം സൂക്ഷ്മമായ കാര്യങ്ങള് അറിയില്ലെന്ന് ആര്ട്ട് ബൈ ചില്ഡ്രന് പ്രോഗ്രാം മാനേജര് ബ്ലെയിസ് ജോസഫ് പറഞ്ഞു. ഇത്തരം കാര്യങ്ങള് കൂടി പഠിക്കുന്നതോടെ കലാവാസന ക്രിയാത്മകമായി വളര്ത്താന് കുട്ടികള്ക്ക് കഴിയുമെന്നും അദ്ദേഹം പറഞ്ഞു.
ഒട്ടേറെ കാര്യങ്ങള് പഠിക്കാനായി എന്ന് സെ. സെബാസ്റ്റ്യന് എച് എസ് എസിലെ ജെഫ്രിന് പറഞ്ഞു. പുതിയ സാങ്കേതികത്വങ്ങള് മനസിലാക്കാനായതിന്റെ സന്തോഷത്തിലാണ് ഹോംസ്കൂള് വിദ്യാര്ത്ഥിനിയായ പഞ്ചമി എം എസ്. സുനിലിന്റെ പരിശീലന കളരിയില് നേരത്തെ പങ്കെടുത്തിട്ടുള്ള സീന ജോസിനും പുതിയ അറിവുകള് നേടാനായി എന്ന് പറഞ്ഞു.
കോട്ടയത്തെ മുണ്ടക്കയം സ്വദേശിയാണ് അമ്പതുകാരനായ സുനില്. അമേരിക്കയില് പ്രസിദ്ധീകരിച്ച ഇന്റര്നാഷണല് വാട്ടര് കളര് ആര്ട്ടിസ്റ്റ് എന്ന പുസ്തകത്തില് പേരു വന്നിട്ടുള്ള രാജ്യത്തെ അഞ്ച് കലാകാരډാരില് ഒരാളാണ് സുനില്. 32 രാജ്യങ്ങളില് നിന്നായി വിഖ്യാതരായ 39 കലാകാരډാരെയാണ് ഈ പുസ്തകത്തില് ഉള്പ്പെടുത്തിയിട്ടുള്ളത്.
-
പുതിയ വീടും കാറും, കൈനിറയെ പൊന്നും! ഇന്നേക്ക് നാലാം നാള് ഈ രാശിക്കാരുടെ നല്ലസമയം -
'ദിലീപിനേയും മഞ്ജുവിനേയും വിളിച്ചുവരുത്തി, കാരണം ആ സംശയം;രണ്ട് പേർക്കും അത് മനസിലായില്ല' -
ദേശീയപാത 66;തലപ്പാടി-ചെങ്കള, രാമനാട്ടുകര-വെങ്ങളം റീച്ച് ഉദ്ഘാടനം ഇന്ന്; ബഹിഷ്കരിച്ച് സംസ്ഥാന സർക്കാർ -
കാവ്യയെ ആണ് ആദ്യം വിളിച്ചത്, പിന്നാലെ ദിലീപേട്ടനെ വിളിച്ചു, നടൻ പറഞ്ഞത്..'ശാലു മേനോൻ പറയുന്നു -
ബെംഗളൂരു മെട്രോ യാത്രക്കാര് അറിഞ്ഞോ? നിങ്ങളെ വീട്ടിലെത്തിക്കാന് പുതിയ ഫീഡര് ബസുകള് -
'മമ്മൂട്ടി 75 വയസായ ആളാണ്, അസുഖം ഉള്ളയാളാണ്, തെറി പറഞ്ഞാൽ യുഡിഎഫ് സീറ്റ് 110 ന് മുകളിലേക്ക്' -
ദോശയും വടയും മെനുവില് നിന്ന് ഔട്ട്; പകരം ഈ വിഭവങ്ങള്: ബെംഗളൂരുവില് ഹോട്ടലുകള് കടുത്ത പ്രതിസന്ധിയില് -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ? -
മുസ്ലീം യുവാവുമായി പ്രണയം, നാട് വിട്ടോടി കേരളത്തിലെത്തി വൈറൽ താരം മോണാലിസ, ഇന്ന് വിവാഹം -
'ആ സുരേഷ് ഗോപി ചിത്രം കാരണം ഞാൻ ഒന്നരക്കോടി രൂപ കടത്തിലായി, സ്ഥലമെല്ലാം വിൽക്കേണ്ടി വന്നു'; സുനിൽ പരമേശ്വരൻ -
യുദ്ധം കൂടിയാലും സ്വര്ണവില കൂടില്ല.. കാരണം ദുബായ്! യഥാര്ത്ഥത്തില് സംഭവിച്ചത് ഇത്... -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം
Click it and Unblock the Notifications
Sign in with Google