കര്ണാടകത്തില് ട്വിസ്റ്റ്? ജെഡിഎസ് ബജെപിയുമായി സഖ്യത്തിനൊരുങ്ങുന്നുവെന്ന് അഭ്യൂഹം
ബെംഗളൂരു: സമാനതകളില്ലാത്ത രാഷ്ട്രീയ പ്രതിസന്ധിയാണ് കര്ണാടകത്തില് സഖ്യ സര്ക്കാര് നേരിടുന്നത്. 16 എംഎല്എമാര് രാജിവെച്ചതോടെ സര്ക്കാരിന് ഭരിക്കാനുള്ള ഭൂരിപക്ഷം ഇല്ലാതായി. ഇതോടെ മുഖ്യമന്ത്രി എച്ച്ഡി കുമാരസ്വാമി രാജിവെച്ചൊഴിയുമെന്ന് അഭ്യൂഹങ്ങള് ശക്തമായിരിക്കുകയാണ്. അതേസമയം ബിജെപിയെ അകറ്റി നിര്ത്താനായി ഭരണം കോണ്ഗ്രസിനെ ഏല്പ്പിച്ച് പുറത്തുനിന്ന് പിന്തുണയ്ക്കാമെന്ന സാധ്യതകളും കര്ണാടകത്തില് ജെഡിഎസ് തേടുന്നുണ്ടെന്ന റിപ്പോര്ട്ടുകളും ഉണ്ട്.
എന്നാല് ഇതൊന്നുമല്ലാത്തൊരു ട്വിസ്റ്റ് കര്ണാടകത്തില് ഉരുത്തിരിയുന്നുണ്ടെന്ന അഭ്യൂഹങ്ങളാണ് ഇപ്പോള് പുറത്തുവരുന്നത്. അധികാരം നഷ്ടപ്പെടാതിരിക്കാന് ബിജെപിയുമായി ജെഡിഎസ് കൈക്കോര്ക്കുമോയെന്ന തരത്തിലാണ് വാര്ത്തകള് പുറത്തുവരുന്നത്. വ്യാഴാഴ്ച ബിജെപി നേതാക്കളും ജെഡിഎസ് മന്ത്രിയും ഗസ്റ്റ് ഹൗസില് വെച്ച് നടത്തിയ കൂടിക്കാഴ്ചയാണ് അഭ്യൂഹങ്ങള്ക്ക് ശക്തി പകര്ന്നിരിക്കുന്നത്.
ചരിത്രം ആവര്ത്തിക്കുമോ?
2004 ല് അധികാരത്തിലേറിയ കോണ്ഗ്രസ്-ജനതാദള് സര്ക്കാര് സുഗമമായി ഭരിക്കുന്നതിനിടയിലാണ് സഖ്യത്തിന് പാലം വലിച്ച് എച്ച്ഡി കുമാരസ്വാമിയും 23 ദള് എംഎല്എമാരും ദള് ക്യാമ്പ് വിട്ടത്. ഈ 23 പിന്നീട് 40 ല് എത്തിയതോടെ എന് ധരംസിങ്ങിന്റെ നേതൃത്വത്തിലുള്ള കോണ്ഗ്രസ് -ദള് സഖ്യം നിലംപൊത്തി. ഇതോടെ ദക്ഷിണേന്ത്യയില് ബിജെപിക്ക് ആദ്യമായി അധികാരം പിടിക്കാനായി. അന്ന് കുമാരസ്വാമിയെ ബിജെപി മുഖ്യമന്ത്രിയാക്കി. ബിഎസ് യെദ്യൂരപ്പ സര്ക്കാരില് ഉപമുഖ്യമന്ത്രിയുമായി.
കൂടിക്കാഴ്ച
എന്നാല് കുമാരസ്വാമിയുടെ നീക്കം തന്റെ അറിവോ സമ്മതമോ ഇല്ലാതെയാണെന്ന് ദേവഗൗഡ പരസ്യമായി പറഞ്ഞു. ഇത് പരാമര്ശിച്ച് ഗവര്ണര്ക്ക് അന്ന് അദ്ദേഹം കത്തെഴുതുകയും ചെയ്തിരുന്നു. നിലവിലെ രാഷ്ട്രീയ പ്രതിസന്ധിയില് കുമാരസ്വാമി ചരിത്രം ആവര്ത്തിക്കുമോയെന്ന അഭ്യൂഹമാണ് ഇപ്പോള് ശക്തമായിരിക്കുന്നത്. ജെഡിഎസ് മന്ത്രിയും ബിജെപി നേതാക്കളുമായുള്ള കൂടിക്കാഴ്ച ഈ അഭ്യൂഹങ്ങള്ക്ക് ശക്തി പകര്ന്നിരിക്കുകയാണ്. വ്യാഴാഴ്ച വൈകീട്ടാണ് ജെഡിഎസ് നേതാവും ടൂറിസം മന്ത്രിയുമായ സ ര മഹേഷും കര്ണാടക ബിജെപി നേതാക്കളായ മുരളീധര് റാവുവും മുതിര്ന്ന എംഎല്എ കെസ് ഈശ്വരപ്പയും കൂടിക്കാഴ്ച നടത്തിയത്.
ഒറ്റക്കെട്ടായി നേരിടും
കെസ്ടിഡിസിയുടെ കെകെ ഗസ്റ്റ് ഹൗസില് വെച്ചായിരുന്നു കൂടിക്കാഴ്ച. ഇതോടെയാണ് ബിജെപി-ജെഡിഎസ് സഖ്യത്തിന് സാധ്യത തെളിയുന്നുണ്ടെന്ന അഭ്യൂഹങ്ങള് ശക്തമായത്. എന്നാല് മുഖ്യമന്ത്രി എച്ച്ഡി കുമാരസ്വാമി വാര്ത്തകള് നിഷേധിച്ച് രംഗത്തെത്തി. സ ര മഹേഷിന്റെ വകുപ്പില് പെടുന്ന കെസ്ടിഡിസിയുടെ കെകെ ഗസ്റ്റൗ ഹൗസില് വെച്ച് ബിജെപി നേതാക്കളുമായി അദ്ദേഹം നടത്തിയത് സാധാരണ കൂടിക്കാഴ്ച മാത്രമാണെന്ന് കുമാരസ്വാമി പ്രതികരിച്ചു. സഖ്യസര്ക്കാരിനെ അസ്ഥിരപ്പെടുത്താനുള്ള ബിജെപിയുടെ ശ്രമങ്ങളെ ശക്തമായി തന്നെ പ്രതിരോധിക്കുമെന്ന് കുമാരസ്വാമി ട്വീറ്റ് ചെയ്തു.
തന്ത്രത്തിന്റെ ഭാഗം
മന്ത്രിമാരും എംഎല്എമാരും കുമാരകൃപ ഗസ്റ്റ് ഹൗസ് സന്ദര്ശിക്കുന്നത് സാധാരണയാണ്. യാദൃശ്ചികമായിട്ടാണ് മന്ത്രി മേഹഷ് ഈശ്വരപ്പയേയും മുരളീധര റാവുവിനേയും കണ്ടത്. പുറത്തുവരുന്നതെല്ലാം വെറും അഭ്യൂഹങ്ങള് മാത്രമാണ്. കോണ്ഗ്രസ്-ജെഡിഎസ് സഖ്യം ഒറ്റക്കെട്ടാണെന്നും ഏത് പ്രതിസന്ധിയേയും ശക്തമായി തന്നെ നേരിടുമെന്നും ജെഡിഎസ് ഔദ്യോഗിക ട്വിറ്ററിലും കുറിച്ചു. അതേസമയം കൂടിക്കാഴ്ച സഖ്യസര്ക്കാരിനെ അസ്ഥിരപ്പെടുത്താനുള്ള ബിജെപിയുടെ തന്ത്രത്തിന്റെ ഭാഗമാണെന്ന് ജെഡിഎസ് നേതാക്കള് പ്രതികരിച്ചു.
-
സ്വർണം കൂട്ടത്തോടെ വിറ്റ് ദുബായിലെ ഇന്ത്യക്കാർ; ഒരു ദിവസം ഒരു കിലോ വരെ..കാരണം ഇതാണ് -
യുദ്ധം വേഗത്തിൽ അവസാനിക്കുമെന്ന് ട്രംപ്; 'വീണ്ടും തുടങ്ങിയാൽ കനത്ത തിരിച്ചടി തന്നെ അവർക്ക് നൽകും' -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം -
ഗണേഷ് കുമാർ വിവാദത്തിൽ ട്വിസ്റ്റ്, ഭാര്യയെ വിളിച്ച് മാപ്പ് പറഞ്ഞ് മന്ത്രി, മാപ്പ് കൊടുത്തെന്ന് ബിന്ദു മേനോൻ -
എൽഡിഎഫ് 66 ഇടത്ത്, യുഡിഎഫ് 62 ഇടത്ത്, 12 മണ്ഡലങ്ങളിൽ കടുത്ത മത്സരം; കേരളത്തിൽ ഇഞ്ചോടിഞ്ചെന്ന് സർവേ -
'ഇങ്ങനാണേല് ഞാനില്ല'; പിണങ്ങിയിറങ്ങി ശശീന്ദ്രന്, എന്സിപിയിലും ആര്ജെഡിയിലും അതൃപ്തി പുകയുന്നു -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ? -
ശനിയുടെ അസ്തമയം 40 ദിവസം; ഈ രാശിക്കാർക്ക് ഭാഗ്യം ഉറപ്പ്, ദാമ്പത്യ ജീവിതത്തിൽ പൂർണ സന്തോഷം..! -
ഇസ്രായേലിന്റെ ഉറ്റരാജ്യം; അസര്ബൈജാന് ഇറാനിലേക്ക് മരുന്നും ഭക്ഷണവും അയച്ചു, വിചിത്ര ബന്ധം -
സഞ്ജു സാംസണിന്റെ ആസ്തി എത്ര? ഐപിഎൽ ശമ്പളവും പരസ്യ വരുമാനവും ചേർന്ന് വരുമ്പോൾ.. കണ്ണ് തള്ളും! -
ഈ രാശിക്കാരാണോ? മാര്ച്ച് മുതല് ഘടാഘടിയന് രാജയോഗം; ജീവിതം ഇനി കളറാകും -
സ്വര്ണം വില കൂടി; ഡോളര് ഇടിഞ്ഞത് തിരിച്ചടി, ഇനിയും ചാഞ്ചാട്ട സാധ്യത, ഇന്നത്തെ പവന് വില
Click it and Unblock the Notifications
Sign in with Google