കര്ണാടകയില് പ്ലാന് ബി റെഡി; ഭരണത്തില് കോണ്ഗ്രസ് മാത്രം, ജെഡിഎസ് പിന്തുണ പുറത്തുനിന്ന്
ബെംഗളൂരു: 16 ഭരണപക്ഷ എംഎല്എമാര് രാജിസന്നദ്ധത അറിയിച്ചതോടെ കോണ്ഗ്രസ്-ജെഡിഎസ് സര്ക്കാര് വീഴുമെന്ന് ഉറപ്പായിരിക്കെ, പുതിയ നീക്കവുമായി ജെഡിഎസ്. മുന് പ്രധാനമന്ത്രിയും ജെഡിഎസ് ദേശീയ അധ്യക്ഷനുമായ എച്ച്ഡി ദേവഗൗഡയാണ് പുതിയ പദ്ധതി തയ്യാറാക്കിയിരിക്കുന്നത്. ഭരണം കോണ്ഗ്രസിനെ മാത്രം ഏല്പ്പിക്കുകയും ജെഡിഎസ് പുറത്തുനിന്ന് പിന്തുണയ്ക്കുകയും ചെയ്യുക എന്നതാണ് പദ്ധതി. ഭരണത്തിന്റെ ഭാഗമാകുന്നത് മൂലമുള്ള തലവേദന ഒഴിവാക്കുകയുമാണ് ജെഡിഎസ്സിന്റെ ലക്ഷ്യം.
എന്നാല് സര്ക്കാരിന്റെ നിയന്ത്രണം തങ്ങള്ക്ക് കൂടി ഉണ്ടായിരിക്കണം എന്ന കാര്യം ജെഡിഎസ് ഉറപ്പിക്കും. പുറത്തുനിന്നു പിന്തുണ നല്കണമെങ്കില് തങ്ങള് മുന്നോട്ടുവെക്കുന്ന ഉപാധി അംഗീകരിക്കണമെന്ന് ജെഡിഎസ് ആവശ്യപ്പെടുന്നു. തങ്ങള് നിര്ദേശിക്കുന്ന കോണ്ഗ്രസ് നേതാവിനെ മുഖ്യമന്ത്രിയാക്കണമെന്നാണ് ജെഡിഎസ് ഉപാധി വെക്കുകയെന്നും ദേശീയ മാധ്യമങ്ങള് റിപ്പോര്ട്ട് ചെയ്യുന്നു. വിശദാംശങ്ങള് ഇങ്ങനെ....
ബിജെപിയെ അകറ്റണം
ബിജെപിയെ അധികാരത്തില് കയറ്റരുതെന്ന നിര്ബന്ധത്തിലാണ് ജെഡിഎസ് പ്ലാന് ബി തയ്യാറാക്കിയിരിക്കുന്നത്. ദേവഗൗഡയും മകനും മുഖ്യമന്ത്രിയുമായ കുമാരസ്വാമിയും വിഷയം ചര്ച്ച ചെയ്തു. ഇന്ന് നടന്ന മന്ത്രിസഭാ യോഗത്തിലും ഇക്കാര്യം ചര്ച്ച ചെയ്തുവെന്നാണ് റിപ്പോര്ട്ടുകള്.
കോണ്ഗ്രസ് മുഖ്യ റോളിലേക്ക്
കുമാരസ്വാമി രാജിവെക്കുന്നതുള്പ്പെടെയുള്ള പദ്ധതികളാണ് ദേവഗൗഡ നിര്ദേശിച്ചത്. കോണ്ഗ്രസ് മുഖ്യ റോളിലേക്ക് വരും. ജെഡിഎസ് പുറത്തുനിന്നു പിന്തുണയ്ക്കും. മുഖ്യമന്ത്രി ആരാകണമെന്ന് തീരുമാനിക്കുക ജെഡിഎസ് ആയിരിക്കും. ജെഡിഎസ് നിര്ദേശിക്കുന്ന നേതാവിനെ കോണ്ഗ്രസ് മുഖ്യമന്ത്രിയാക്കുക.
വിമത എംഎല്എമാര് മന്ത്രിസഭയില്
നിലവിലെ പ്രതിസന്ധി പരിഹരിക്കാന് വിമത എംഎല്എമാരെ കോണ്ഗ്രസിന് മന്ത്രിസഭയില് ഉള്പ്പെടുത്താം. ജെഡിഎസ് മന്ത്രിമാര് ഒഴിയുന്നതോടെ കോണ്ഗ്രസിലെ വിമതരെ മന്ത്രിസഭയില് ഉള്പ്പെടുത്താന് എളുപ്പം സാധിക്കും. ജംബോ മന്ത്രിസഭയെന്ന ആക്ഷേപവുമുണ്ടാകില്ല. അതേസമയം, അടുത്ത മുഖ്യമന്ത്രി ആരാകുമെന്ന കാര്യമാണ് പ്രശ്നം.
ആരാകും മുഖ്യമന്ത്രി
മുതിര്ന്ന കോണ്ഗ്രസ് നേതാവ് മല്ലികാര്ജുര് ഖാര്ഗെയെ മുഖ്യമന്ത്രിയാക്കാമെന്നാണ് ദേവഗൗഡ മുന്നോട്ടുവെക്കുന്ന നിര്ദേശം. എന്നാല് കോണ്ഗ്രസിലെ സിദ്ധരാമയ്യ വിഭാഗം ഇക്കാര്യം അംഗീകരിക്കണമെന്നില്ല. ഖാര്ഗെ മുഖ്യമന്ത്രിയായാല് കര്ണാടകയിലെ ആദ്യ ദളിത് മുഖ്യമന്ത്രി എന്ന ഖ്യാതി കോണ്ഗ്രസിന് സ്വന്തമാകും.
കൂട്ടരാജിയുണ്ടാകുമോ?
അതേസമയം, ഖാര്ഗെ മുഖ്യമന്ത്രിയാകുമെന്ന് ഉറപ്പിക്കാനായിട്ടില്ല. കാരണം സിദ്ധരാമയ്യ വിഭാഗത്തിന്റെ എതിര്പ്പ് തുടരുന്നുണ്ട്. ഖാര്ഗെ മുഖ്യമന്ത്രിയായാല് സിദ്ധരാമയ്യ വിഭാഗത്തില് നിന്ന് കൂടുതല് പേര് രാജിവെക്കുമോ എന്ന ആശങ്കയുമുണ്ട്. തുടര്ന്നാണ് പുറത്തുനിന്നു പിന്തുണയ്ക്കാം, തങ്ങള്ക്ക് കൂടി സ്വീകാര്യനായ വ്യക്തിയെ മുഖ്യമന്ത്രിയാക്കണമെന്ന നിബന്ധന ജെഡിഎസ് മുന്നോട്ട് വെച്ചിരിക്കുന്നത്.
പ്ലാന് ബി ഏറ്റവും ഒടുവിലെ വഴി
ചില മുതിര്ന്ന കോണ്ഗ്രസ് നേതാക്കള് ജെഡിഎസ്സിന്റെ ഫോര്മുല അംഗീകരിച്ചു. എന്നാല് എല്ലാ വഴികളും അടഞ്ഞാല് മാത്രമേ ഈ ഫോര്മുല നടപ്പാക്കാവൂ എന്നാണ് അവരുടെ പക്ഷം. വിമത എംഎല്എമാരുടെ ഹര്ജിയില് സുപ്രീംകോടതി എടുക്കുന്ന അന്തിമ തീരുമാനം കൂടി ആശ്രയിച്ചായിരിക്കും ഫോര്മുല നടപ്പാക്കല്.
-
ഗോഡ്ഫാദറില്ലാത്തത് അയോഗ്യതയാണോ? 'ഫാദറുണ്ട്; മത്സരിച്ചാൽ 15000 ഭൂരിപക്ഷത്തിൽ ജയിക്കും': എൽദോസ് കുന്നപ്പിള്ളി -
പാർലമെന്ററി രാഷ്ട്രീയത്തിൽ നിന്ന് വിരമിച്ച് പിജെ ജോസഫ്; തൊടുപുഴയിൽ മകൻ അപു -
"അദ്ദേഹം എനിക്ക് വരാനുള്ള പാലമല്ല"; രമേഷ് പിഷാരടിയുടെ സ്ഥാനാര്ത്ഥിത്വത്തിൽ ഷാഫി പറമ്പിൽ -
രാജ്യസഭാ തിരഞ്ഞെടുപ്പിൽ വമ്പൻ ജയവുമായി എൻഡിഎ; വോട്ട് മറിച്ച് പ്രതിപക്ഷം -
അഞ്ച് കേരള വർഷങ്ങൾ; ചേർത്തുനിർത്തൽ തുടർഭരണത്തിലെത്തിച്ച 2021; വിശ്വാസവും വര്ഗീയതയും വിഷയമാകുന്ന 2026 -
കണ്ണൂരിൽ പൊട്ടിത്തെറി: മുതിർന്ന സിപിഎം നേതാവ് ടികെ ഗോവിന്ദൻ പാർട്ടി വിട്ടു -
‘പോൾ വിളി’ ഇങ്ങനെ- നയിക്കാൻ യുഡിഎഫ്, മറ്റാരുമില്ലെന്ന് എൽഡിഎഫ്, മാറ്റുമെന്ന് എൻഡിഎ -
ബീക്കൺ ലൈറ്റ് ഇട്ടാൽ വരെ തെരഞ്ഞെടുപ്പ് കമ്മീഷൻ വടിയെടുക്കും; അറിയാം, തെരഞ്ഞെടുപ്പ് പെരുമാറ്റച്ചട്ടം -
വിജയ്-തൃഷ ബന്ധത്തിന് പിന്നാലെ മകൻ സഞ്ജയുടെ നിർണായക തീരുമാനം, അത് പൊളിച്ചടുക്കി സംഗീതയും';ആലപ്പി അഷ്റഫ് -
പ്രതീക്ഷിക്കാത്ത സമയത്ത് ധനം കൈവശം വന്നുചേരും, സ്ഥലം വാങ്ങും, കൃഷിയിൽ നിന്ന് വരുമാനം, നാൾഫലം -
സ്വര്ണവില വീണ്ടും താഴ്ന്നു; സ്വര്ണത്തിന് എന്തുപറ്റി? വില കുറഞ്ഞ് 75000 എത്തുമോ, പവന് വില -
ദുബായില് നിന്ന് സ്വര്ണം വാങ്ങാതെ ഇന്ത്യക്കാര്... യുഎഇക്കാര് വാങ്ങല് നിര്ത്തുന്നുമില്ല; കാരണമിത്
Click it and Unblock the Notifications
Sign in with Google