ഒരു ദിവസം ആയിരം മെട്രിക് ടണ് വരെ: റെയില്വെ മുഖാന്തിരം ആകെ വിതരണം ചെയ്തത് 11030 മെട്രിക് ടൺ ഓക്സിജൻ
ദില്ലി: ഇന്ത്യന് റെയില്വേയുള്ള നേതൃത്വത്തില് രാജ്യത്തെ വിവിധ സംസ്ഥാനങ്ങളിലേക്ക് ലിക്വിഡ് മെഡിക്കൽ ഓക്സിജൻ എത്തിച്ചുകൊണ്ടിരിക്കുന്ന പ്രക്രിയ കഴിഞ്ഞ കുറച്ച് ദിവസങ്ങളിലായി തുടര്ന്നുകൊണ്ടിരിക്കുകയാണ്. ഓക്സിജൻ എക്സ്പ്രസ്സുകൾ വഴി കഴിഞ്ഞ കുറച്ച് ദിവസങ്ങളായി ദിവസേന 800 മെട്രിക് ടൺ മെഡിക്കൽ ഓക്സിജൻ രാജ്യത്തു വിതരണം ചെയ്യുന്നുണ്ട്. ആയിരം മെട്രിക് ടണ് വരെ വിതരണം ചെയ്ത ദിവസവും ഉണ്ട്. ഈ വർഷം ഏപ്രിൽ 24 മുതൽ ഇതുവരെ രാജ്യത്തെ 13 സംസ്ഥാനങ്ങളിലേക്ക് 675 ടാങ്കറുകളിലായി 11030 മെട്രിക് ടൺ ലിക്വിഡ് മെഡിക്കൽ ഓക്സിജൻ ഇന്ത്യൻ റെയിൽവേ വിതരണം ചെയ്തതെന്നാണ് ഔദ്യോഗിക കണക്കുകള് വ്യക്തമാക്കുന്നത്.
ഹാപാ,മുദ്ര,റൂർക്കല ,ദുർഗാപൂർ, ടാറ്റാനഗർ, ആംഗുൾ എന്നീ പ്ലാന്റുകളിൽ നിന്നുമായി ഓക്സിജൻ ശേഖരിച്ച് ഉത്തരാഖണ്ഡ്, കർണാടക, മഹാരാഷ്ട്ര, എംപി, ആന്ധ്രാപ്രദേശ്, തമിഴ്നാട്, ഹരിയാന തെലങ്കാന, പഞ്ചാബ്, കേരളം, ദില്ലി, യുപിഎന്നിവിടങ്ങളിലേക്കാണ് വിതരണം ചെയ്യുന്നത്. ഓക്സിജൻ ദുരിതാശ്വാസം സാധ്യമായ വേഗതയിൽ എത്തിച്ചേരുന്നുവെന്ന് ഉറപ്പാക്കുന്നതിനായി , തീവണ്ടികളുടെ ശരാശരി വേഗത മിക്ക കേസുകളിലും ,പ്രത്യേകിച്ചും ദീർഘദൂര യാത്രയിൽ 55 ൽ കൂടുതലാണ്.
ഗുജറാത്തില് നാശം വിതച്ച് ടൗട്ടെ ചുഴലിക്കാറ്റ്, ചിത്രങ്ങള്
Recommended Video
ഉയർന്ന മുൻഗണനയുള്ള ഗ്രീൻ കോറിഡോറിലൂടെ യാത്ര ചെയുന്ന ഈ ട്രെയിനുകൾക്ക് , വിവിധ വിഭാഗങ്ങളിലെ ക്രൂ മാറ്റങ്ങൾക്കായി അനുവദിച്ചിട്ടുള്ള സാങ്കേതിക സ്റ്റോപ്പേജുകൾ 1 മിനിറ്റായി കുറച്ചിരിക്കുന്നു. ട്രാക്കുകളിലെ മാർഗ തടസങ്ങൾ നീക്കി തുറന്നിടുകയും ഓക്സിജൻ വഹിച്ചുകൊണ്ടുള്ള ട്രെയിനുകളുടെ യാത്ര ഭംഗമില്ലാതെ തുടരുന്നു എന്ന് ഉറപ്പുവരുത്താൻ ഉയർന്ന ജാഗ്രത പാലിക്കുകയും ചെയ്യുന്നു. ഇതുവരെ 175 ഓക്സിജൻ എക്സ്പ്രസ്സുകൾ യാത്ര പൂർത്തിയാക്കി വിവിധ സംസ്ഥാനങ്ങൾക്ക് ആശ്വാസം നൽകിയിട്ടുണ്ട്
നേഹാ കക്കറിന്റെ പുതിയ ചിത്രങ്ങൾ ഏറ്റെടുത്ത് ആരാധകർ