റമദാനില് സ്കൂള് സമയം മാറ്റി; സര്ക്കാര് ഉദ്യോഗസ്ഥര്ക്ക് ഒരു മണിക്കൂര് കുറച്ചു, രണ്ട് സംസ്ഥാനങ്ങളില്
റമദാന് മാസം പ്രമാണിച്ച് സര്ക്കാര് ജീവനക്കാര്ക്ക് ഇളവുമായി രണ്ട് സംസ്ഥാനങ്ങള്. ആന്ധ്ര പ്രദേശ്, തെലങ്കാന സര്ക്കാരുകളാണ് മുസ്ലിം ജീവനക്കാര്ക്ക് ഇളവ് പ്രഖ്യാപിച്ചത്. സ്കൂള് സമയത്തിലും ക്രമീകരണള് വരുത്തി. ഉച്ചയ്ക്ക് 1.30 വരെ മാത്രമാക്കി സ്കൂള് സമയം മാറ്റി. നഷ്ടമാകുന്ന മണിക്കൂറുകള്ക്ക് പകരം കൂടുതല് ദിവസം പ്രവൃത്തി ദിനമാക്കും.
എല്ലാ മുസ്ലിം സര്ക്കാര് ജീവനക്കാര്ക്കും വൈകീട്ട് ഒരു മണിക്കൂര് നേരത്തെ പോകാമെന്നാണ് തെലങ്കാന സര്ക്കാര് ഉത്തരവ്. രാവിലെ മുതല് സന്ധ്യാ സമയം വരെ ഭക്ഷണവും വെള്ളവും ഒഴിവാക്കുന്നതാണ് മുസ്ലിങ്ങളുടെ നോമ്പ്. അതുകൊണ്ടുതന്നെ വൈകി വീട്ടിലെത്തുന്നവര്ക്ക് നോമ്പുതുറ പ്രയാസമാകും. ഇക്കാര്യം പരിഗണിച്ചാണ് ഒരു മണിക്കൂര് നേരത്തെ ഓഫീസില് നിന്ന് ഇറങ്ങാന് അനുമതി നല്കിയിരിക്കുന്നത്.
തെലങ്കാന ചീഫ് സെക്രട്ടറി കെ രാമകൃഷ്ണ റാവു ഇക്കാര്യം വിശദീകരിച്ച് മെമോ പുറത്തിറക്കി. മുസ്ലിങ്ങളായ സര്ക്കാര് ജീവനക്കാര്, അധ്യാപകര്, കരാര് ജീവനക്കാര് എന്നിവര്ക്കെല്ലാം ഇളവുണ്ട്. സര്ക്കാര്-പൊതുമേഖലാ സ്ഥാപനങ്ങളില് ജോലി ചെയ്യുന്നവര്ക്കാണ് ഇളവ്. വൈകീട്ട് നാല് മണിക്ക് ഇവര്ക്ക് ഓഫീസില് നിന്ന് ഇറങ്ങാവുന്നതാണ് എന്ന് ഉത്തരവില് പറയുന്നു.
ഫെബ്രുവരി 19 മുതല് മാര്ച്ച് 20 വരെയാണ് ഇളവ് പ്രഖ്യാപിച്ചിട്ടുള്ളത്. അതേസമയം, അടിയന്തര സാഹചര്യങ്ങളില് ഈ ഇളവ് ലഭിക്കില്ലെന്നും ഉത്തരവില് പറയുന്നു. ഉര്ദു മീഡിയം സര്ക്കാര്-എയ്ഡഡ് സ്കൂളുകള്ക്ക് സമയത്തില് മാറ്റം വരുത്തി. രാവിലെ എട്ട് മണി മുതല് ഉച്ചയ്ക്ക് 1.30 വരെയാണ് സമയം. നഷ്ടമാകുന്ന മണിക്കൂറുകള്ക്ക് പകരമായി ആഴ്ചയില് ഒരു ദിവസം കൂടുതല് പ്രവൃത്തി ദിനമാക്കും.
പ്രതിഷേധവുമായി ബിജെപി
ആന്ധ്ര പ്രദേശില് സമാനമായ ഉത്തരവ് ദിവസങ്ങള്ക്ക് മുമ്പ് സര്ക്കാര് ഇറക്കിയിരുന്നു. മാര്ച്ച് 19 വരെ ഒരു മണിക്കൂര് നേരത്തെ പോകാമെന്നാണ് ജീവനക്കാര്ക്ക് നല്കിയ ഇളവ്. അടിയന്തര സാഹചര്യമുണ്ടായാല് ഇളവ് അനുവദിക്കില്ലെന്നും സര്ക്കാര് വ്യക്തമാക്കി. മുഖ്യമന്ത്രി ചന്ദ്രബാബു നായിഡു ഇക്കാര്യത്തില് അനുമതി നല്കിയതില് ന്യൂനപക്ഷ കാര്യ മന്ത്രി എന്എംഡി ഫാറൂഖ് നന്ദി പറഞ്ഞു.
അതേസമയം, തെലങ്കാനയില് മുസ്ലിം ജീവനക്കാര്ക്ക് ഇളവ് നല്കിയതിനെതിരെ ബിജെപി രംഗത്തുവന്നു. മുസ്ലിം പ്രീണനമാണ് കോണ്ഗ്രസ് സര്ക്കാര് നടത്തുന്നത് എന്നായിരുന്നു വിമര്ശനം. ഹിന്ദു ജീവനക്കാര്ക്കും ഇളവ് അനുവദിക്കണം എന്ന് ബിജെപി ആവശ്യപ്പെട്ടു. കഴിഞ്ഞ വര്ഷങ്ങളിലും ഇത്തരം ഇളവുകള് അനുവദിച്ചിരുന്നു എന്ന് കോണ്ഗ്രസ് നേതാക്കള് പറഞ്ഞു. ബിജെപി അനാവശ്യ വിവാദമുണ്ടാക്കുകയാണെന്നും അവര് കുറ്റപ്പെടുത്തി.
-
'മഞ്ജു വാര്യർ ദിലീപിന് മെസേജ് അയച്ചു, നൽകിയത് വളരെ മോശം മറുപടി..'; പക്ഷെ നടൻ പറഞ്ഞത് മറ്റൊന്ന് -
'ഒന്നും പറയാതിരുന്നതിന് കാരണം ആ ഭയം';വീണ്ടും വീഡിയോയുമായി കിച്ചു സുധി..'ഇനി കാണാൻ അനുവദിക്കുമോയെന്ന അറിയില്ല'' -
സ്വര്ണവില കുത്തനെ താഴേക്ക്; ആഭരണം വാങ്ങുന്നവര് അറിയേണ്ട കാര്യം, രൂപ കുതിച്ചു, പവന് വില -
'16 കൊല്ലമായി ചെയ്യുന്ന ജോലി പോയി';ബെംഗളൂരുവിലെ മുൻ ഒറാക്കിൾ ജീവനക്കാരൻ പറയുന്നു..അവസരമാക്കി മാറ്റാം' -
സ്വര്ണവില വീണ്ടും കുറഞ്ഞു; ഉച്ചയ്ക്ക് ശേഷം വന് ഇടിവ്, ഇത് നല്ല അവസരം, പുതിയ പവന് വില അറിയാം -
വീഗൻസിന്റെ പ്രത്യേകത ശ്രദ്ധയ്ക്ക്; വൈറ്റമിൻ ബി12 കുറഞ്ഞാൽ എട്ടിന്റെ പണി ഉറപ്പ്, ഈ കാര്യങ്ങൾ ഉൾപ്പെടുത്തൂ -
'വല്ലാത്ത തിളപ്പ് എടുക്കല്ലേ സഖാവെ,പിഷാരടിയെ തടഞ്ഞത് എന്തിനെന്ന് അന്വേഷിക്ക്';അഖിൽ മാരാർ -
സ്വർണം 1 പവന് 2 ലക്ഷമല്ല, 4 പവൻ 2 ലക്ഷത്തിന് വാങ്ങാം: അൽപം കാത്തിരിക്കൂ, സ്വർണം കുത്തനെ ഇടിയുമെന്ന് വിദഗ്ധൻ -
'യുവനടിയുടെ ഗുരുതര ആരോപണം, ഈ കുറ്റവാളികളുടെ ധൈര്യത്തിന്റെ ഉറവിടം എവിടെ നിന്നാവും?';ഡബ്ല്യുസിസി -
ഇന്തോനേഷ്യയിൽ 7.4 തീവ്രതയുള്ള മഹാഭൂകമ്പം, മൂന്ന് രാജ്യങ്ങളിൽ സുനാമി മുന്നറിയിപ്പ് -
പിണറായിയ്ക്കോ മോദിക്കോ എതിരെ പിഷാരടി രാഷ്ട്രീയ പ്രസംഗം നടത്തിയിട്ടുണ്ടോ? അഖില് മാരാര് -
വിജയുടെ പാര്ട്ടിയില് രണ്ടാം സമ്പന്നന് ഇദ്ദേഹമാണ്; 63000 രൂപയുടെ സൈക്കിള്, ചെന്നൈയില് 2 വീട്
Click it and Unblock the Notifications
Sign in with Google