കാറ്റലോണിയ സ്പെയിനില് നിന്നും സ്വാതന്ത്ര്യം പ്രഖ്യാപിച്ചു
ബാഴ്സലോണ: സ്പെയിനില്നിന്ന് സ്വാതന്ത്ര്യം പ്രഖ്യാപിച്ച് കാറ്റലോണിയ. കാറ്റലോണിയയുടെ സ്വയംഭരണാവകാശം റദ്ദാക്കി കേന്ദ്രഭരണം ഏര്പ്പെടുത്താന് സ്പെയിന് ഭരണകൂടം നീക്കം നടത്തുന്നതിനിടയിലാണ് കാറ്റലോണിയയുടെ സ്വാതന്ത്ര്യ പ്രഖ്യാപനം. ഇതുമായി ബന്ധപ്പെട്ട് കാറ്റലോണിയന് പാര്ലമെന്റ് പ്രത്യേക പ്രമേയം പാസാക്കി. 135 അംഗ പാര്ലമെന്റില് ഹാജരായ 70 പേര് അനുകൂലമായി വോട്ട് ചെയ്തപ്പോള് 10 പ്രതിപക്ഷ എം.പിമാര് തീരുമാനത്തെ എതിര്ത്തു. രണ്ടു പേര് വിട്ടുനിന്നു.
അതേസമയം, പ്രമേയം നിയമപരമായി നിലനില്ക്കില്ലെന്ന് സ്പെയിന് പ്രധാനമന്ത്രി മറിയാനോ റജോയി വ്യക്തമാക്കി. കാറ്റലോണിയയില് നിയമവാഴ്ചയും ജനാധിപത്യവും സ്ഥിരതയും കൈവരുത്തുന്നതിന് പ്രദേശത്തിന്റെ സ്വയംഭരണാവകാശം റദ്ദാക്കി കേന്ദ്രഭരണം ഏര്പ്പെടുത്തുമെന്ന് സ്പെയിന് പ്രധാനമന്ത്രി നേരത്തേ പ്രഖ്യാപിച്ചിരുന്നു. ഇത് കാറ്റലോണിയ ഭരണത്തലവന് കാര്ലസ് പുജമോണ്ട് തള്ളുകയുമുണ്ടായി. രാജ്യതാല്പര്യം സംരക്ഷിക്കാനെന്ന പേരില് കേന്ദ്രഭരണം ഏര്പ്പെടുത്താനുള്ള സ്പാനിഷ് സര്ക്കാരിന്റെ നീക്കം ഭരണഘടന അട്ടിമറിക്കലാണെന്നു കാറ്റലോണിയ പാര്ലമെന്റ് സ്പീക്കര് കാര്മെ ഫോര്കാഡെലും ആരോപിച്ചിരുന്നു.
സ്പെയിന് ഭരണകൂടത്തിന്റെ നീക്കത്തെ നിസ്സഹകരണ സമരത്തിലൂടെ നേരിടാനായിരുന്നു കാറ്റലോണിയയുടെ ആലോചന. കേന്ദ്രഭരണത്തിനുള്ള മന്ത്രിസഭാ തീരുമാനത്തിന് അംഗീകാരം നല്കാന് സ്പെയിന് സെനറ്റ് കൂടാനിരിക്കെയാണു കാറ്റലോണിയ പാര്ലമെന്റ് ഔദ്യോഗികമായി സ്വാതന്ത്ര്യം പ്രഖ്യാപിച്ചത്.
പുതിയ സംഭവത്തിന്റെ പശ്ചാത്തലത്തില് ശാന്തത കൈവിടരുതെന്ന് സ്പെയിന് പ്രധാനമന്ത്രി ജനങ്ങളെ ആഹ്വാനം ചെയ്തു. കാറ്റലോണിയന് പാര്ലമെന്റ് സ്വാതന്ത്ര്യ പ്രഖ്യാപനം നടത്തിയ ഉടന് അസാധാരണ യോഗം ചേര്ന്ന സ്പെയിന് സെനറ്റ് കാറ്റലോണിയയെ സ്പെയിനിന്റെ നേരിട്ടുള്ള ഭരണത്തില് കൊണ്ടുവരുന്നതിന് ഭരണകൂടത്തിന് അനുമതി നല്കി.
214 പേര് അനുകൂലമായി വോട്ട് ചെയ്തപ്പോള് 47 പേര് ഇതിനെ എതിര്ത്തു. ഉടന് മന്ത്രിസഭ ചേര്ന്ന് ഭാവിപരിപാടികള് ആസൂത്രണം ചെയ്യാനാണ് പ്രധാനമന്ത്രിയുടെ അടുത്ത നീക്കം. കാറ്റലോണിയന് ഭരണകൂടത്തെ പിരിച്ചുവിട്ട് സുരക്ഷാ സേനയുടെയും ധനകാര്യസ്ഥാപനങ്ങളുടെയും പൊതുമേഖലാ മാധ്യമങ്ങളുടെയും നിയന്ത്രണം ഏറ്റെടുക്കാനാവും സ്പെയിന് ശ്രമിക്കുക.
-
ബാങ്കിൽ പോകാൻ ഇരിക്കുന്നവർ ശ്രദ്ധിക്കുക; ഏപ്രിലിൽ പകുതിയോളം ദിവസം ബാങ്ക് അവധി; ലിസ്റ്റ് ഇതാ! -
കൊച്ചിക്കാർക്ക് ഇനി അൽപ്പം ആശ്വസിക്കാം; വൈറ്റില ജംഗ്ഷനിലെ ഗതാഗത കുരുക്ക് പരിഹരിക്കാൻ ഇടപെടൽ -
'പാലക്കാട്ടെ ജനങ്ങൾ രാഷ്ട്രീയഭേദമന്യേ രാഹുൽ മാങ്കൂട്ടത്തിലിന് ഒപ്പം'; മോദിയെ വിമർശിച്ച് രാഹുൽ ഈശ്വർ -
സ്വര്ണം ഇങ്ങനെ വില കുറയുമെന്ന് ആരും കരുതിയില്ല.. യഥാര്ത്ഥത്തില് സംഭവിച്ചത് ഇത് -
ലുലു ഗ്രൂപ്പിന്റെ അനുബന്ധ സ്ഥാപനം ഡല്ഹിയില് ബംഗ്ലാവ് സ്വന്തമാക്കി; സ്റ്റാമ്പ് ഡ്യൂട്ടി മാത്രം 6.26 കോടി -
മോഹൻലാൽ ബുദ്ധിമാനായതിനാലാണ് ചെയ്തത്, എത്രകാലമായി മലയാളികളെ പറ്റിക്കുന്നു';ശാന്തിവിള ദിനേശ് -
സ്വർണം വിറ്റ് തുർക്കി; രണ്ടാഴ്ചക്കിടെ വിറ്റത് 58 ടണ്, റഷ്യയും വിറ്റു 15 ടണ്..ഇനി സ്വർണ വില കുത്തനെ താഴേക്കോ? -
ഇറാന്റെ നട്ടെല്ല് തകർക്കാൻ അമേരിക്കയുടെ വൻ നീക്കം; ഏപ്രിൽ 6 ഡെഡ്ലൈൻ! -
ഈ രാശിക്കാരാണോ? ഏപ്രില് 11 മുതല് രാജയോഗം... പുത്തന്വീടും കാറും കൈയിലേക്ക്..!! -
ഇറാനിലെ എണ്ണ ശേഖരത്തിൽ കണ്ണുവച്ച് ഡൊണാൾഡ് ട്രംപ്; 'വേണമെങ്കിൽ ഖാർഗ് ദ്വീപ് യുഎസ് പിടിച്ചെടുക്കും' -
കിച്ചുവിനെ നോക്കേണ്ട ബാധ്യത രേണുവിനില്ല, അവൾക്കും ഒരുപാട് പറയാനുണ്ട്, ഇപ്പോൾ സംഭവിച്ചത് എന്ത്?';ദിയ സന -
'രേണുവിന്റെ കരച്ചില് നാടകം; കിച്ചുവിന് ഇനിയും പറയാനുണ്ട്..'; വീട് കൊടുക്കേണ്ടായിരുന്നെന്ന് ഫിറോസ്
Click it and Unblock the Notifications
Sign in with Google