ഉമ്മന്ചാണ്ടിയെ ബ്ലാക്ക് മെയില് ചെയ്തത് ആര്? പിണറായി മൗനം വെടിയണമെന്ന് കെ സുരേന്ദ്രന്...
ജുഡീഷല് കമ്മീഷന് അന്വേഷിച്ച സംഭവത്തില് മുന് മുഖ്യമന്ത്രിയും നിലവില് എംഎല്എയുമായ ഒരാളെ ബ്ലാക്ക് മെയില് ചെയ്തെന്ന വെളിപ്പെടുത്തല് ഗൗരവകരമാണ്.
കോഴിക്കോട്: സോളാര് കേസില് ഒരാള് ബ്ലാക്ക് മെയില് ചെയ്തെന്ന ഉമ്മന്ചാണ്ടിയുടെ വെളിപ്പെടുത്തലില് അന്വേഷണം നടത്തണമെന്ന് ബിജെപി നേതാവ് കെ സുരേന്ദ്രന്. ആരാണ് ബ്ലാക്ക് മെയില് ചെയ്തതെന്ന് ഉമ്മന്ചാണ്ടി വ്യക്തമാക്കണം, അല്ലാത്തപക്ഷം സര്ക്കാര് കേസെടുത്ത് അന്വേഷണം നടത്തണമെന്നും അദ്ദേഹം ആവശ്യപ്പെട്ടു. കോഴിക്കോട് വിളിച്ചുചേര്ത്ത പത്രസമ്മേളനത്തിലാണ് ബിജെപി സംസ്ഥാന ജനറല് സെക്രട്ടറി കെ സുരേന്ദ്രന് ഇക്കാര്യങ്ങള് ആവശ്യപ്പെട്ടത്.
ജുഡീഷല് കമ്മീഷന് അന്വേഷിച്ച സംഭവത്തില് മുന് മുഖ്യമന്ത്രിയും നിലവില് എംഎല്എയുമായ ഒരാളെ ബ്ലാക്ക് മെയില് ചെയ്തെന്ന വെളിപ്പെടുത്തല് ഗൗരവകരമാണ്. ബ്ലാക്ക് മെയില് ചെയ്തെന്ന് വെളിപ്പെടുത്തിയിട്ടും എന്തുകൊണ്ടാണ് പോലീസ് അദ്ദേഹത്തില് നിന്ന് മൊഴിയെടുക്കാത്തതെന്നും സുരേന്ദ്രന് ചോദിച്ചു.
ഉമ്മന്ചാണ്ടിയുടെ വെളിപ്പെടുത്തല് ക്രിമിനല് കുറ്റമാണ്. ഭയമോ പക്ഷപാതമോ കൂടാതെ നീതി നടപ്പാക്കുമെന്നാണ് സത്യപ്രതിജ്ഞയില് പറയുന്നത്. എന്നാല് പുതിയ വെളിപ്പെടുത്തലിലൂടെ ഉമ്മന്ചാണ്ടി സത്യപ്രതിജ്ഞാ ലംഘനം നടത്തിയിരിക്കുകയാണെന്നും കെ സുരേന്ദ്രന് ആരോപിച്ചു. സംഭവത്തില് മുഖ്യമന്ത്രി പിണറായി വിജയന് മൗനം വെടിയണം. ഉമ്മന്ചാണ്ടിയുടെ വെളിപ്പെടുത്തലില് സര്ക്കാര് നിയമനടപടികള് സ്വീകരിക്കണം. അല്ലാത്ത പക്ഷം ബിജെപി നിയമനടപടികളുമായി മുന്നോട്ടുപോകുമെന്നും അദ്ദേഹം വ്യക്തമാക്കി.
ഉമ്മന്ചാണ്ടിയുടെ വെളിപ്പടുത്തലില് അന്വേഷണം നടത്തണമെന്ന് ആവശ്യപ്പെട്ട് ഡിജിപിക്ക് പരാതി നല്കും. പോലീസിന്റെ ഭാഗത്തുനിന്ന് കാര്യക്ഷമമായ അന്വേഷണം നടന്നില്ലെങ്കില് കോടതിയെ സമീപിക്കും. സോളാര് കേസുമായി ബന്ധപ്പെട്ട് മുന് മുഖ്യമന്ത്രി ഉമ്മന്ചാണ്ടി കഴിഞ്ഞദിവസമാണ് വിവാദ വെളിപ്പെടുത്തല് നടത്തിയത്. സോളാര് കേസില് പലരും തന്നെ ബ്ലാക്ക് മെയില് ചെയ്യാന് ശ്രമിച്ചെന്നും, അതില് ഒരാളുടെ ബ്ലാക്ക് മെയിലില് താന് വീണുപോയെന്നുമാണ് ഉമ്മന്ചാണ്ടി പറഞ്ഞത്.
-
അവസാന ശ്രമമായി പിണറായിയുടെ വിളി, സുധാകരനെ അനുനയിപ്പിക്കാൻ സിപിഎം നേതാക്കൾ വീണ്ടും വീട്ടിലെത്തി -
മോണാലിസയ്ക്ക് പ്രായം പതിനേഴോ പതിനെട്ടോ? സോഷ്യല് മീഡിയയില് ചര്ച്ച: മറുപടിയുമായി ദമ്പതികള് -
'രസികനി'ലെ ആ വികൃതിപ്പയ്യൻ; നടൻ ഹരിമുരളിയെ മരിച്ച നിലയിൽ കണ്ടെത്തി -
വെള്ളാപ്പള്ളി തെറിച്ചു..! എസ്എന്ഡിപി ജനറല് സെക്രട്ടറി സ്ഥാനത്തുനിന്ന് മാറ്റി ഹൈക്കോടതി -
സ്വർണ വില ഉച്ചയ്ക്കും ഇടിഞ്ഞു; മഞ്ഞലോഹത്തിൻ്റെ കുതിപ്പ് തീർന്നോ? ഇനി വിലക്കുറവിൻ്റെ നാളുകളോ? -
"രാജ്യം സുരക്ഷിതമായ കൈകളിൽ"; പ്രധാനമന്ത്രിയെ പുകഴ്ത്തി മോഹൻലാൽ -
പാചകവാതക ക്ഷാമത്തില് നില്ക്കില്ല.. ഇനി പെട്രോളും ഡീസലും കിട്ടില്ല! കാരണം മോദിയുടെ നയമെന്ന് ഐസക് -
അമ്പലപ്പുഴയിൽ വിഎസിന്റെ മകൻ വിഎ അരുൺ കുമാറിനെ ഇറക്കാൻ സിപിഎം; ലക്ഷ്യം ജി സുധാകരനോ? -
ദേശീയപാത 66; ചർക്കള-നീലേശ്വരം, നീലേശ്വരം-തളിപ്പറമ്പ് റീച്ചുകളുടെ പ്രവർത്തനം അന്തിമഘട്ടത്തിലേക്ക് -
ജി സുധാകരൻ സിപിഎം വിട്ടു, സ്വതന്ത്രനായി മത്സരിക്കും; 'കോൺഗ്രസിന്റെയോ ബിജെപിയുടെയോ പിന്തുണ തേടില്ല' -
പെരുമ്പാവൂർ ‘സസ്പെൻസിൽ’; പാലക്കാട് രാഹുലിന് പകരം ആര് വരും? തീരുമാനമാകാതെ നേമം മണ്ഡലവും -
കേരളം കത്തുന്നു! താപനില കുതിച്ചുയരുന്നു; പുറത്തിറങ്ങുന്നവർ സൂക്ഷിക്കുക
Click it and Unblock the Notifications
Sign in with Google