Click it and Unblock the Notifications
Just In
Don't Miss
-
ചാണക്യനീതി: അര്ത്ഥപൂര്ണമായ ജീവിതം, മരണശേഷവും കുടുംബം സന്തോഷത്തോടെ -
ചുവപ്പ് മാത്രമല്ല, 'വെള്ള' കണ്ടാലും കലിപ്പ്! വൈറ്റ് എല്ഇഡി ലൈറ്റുള്ള വാഹനങ്ങള്ക്ക് പണി കിട്ടും -
IPL 2024: 8ല് 4ലും തോറ്റു, സിഎസ്കെയ്ക്ക് പ്ലേ ഓഫിലെത്താനാവുമോ? സാധ്യകള് ഇങ്ങനെ -
ഷൈന് ടോം തോച്ചോ? മറുപടി നല്കി തനു; ബ്രേക്കപ്പ് വാർത്തകള്ക്കിടെ ചര്ച്ചയായി മറുപടികള് -
ഫോൺ പൊട്ടിത്തെറിക്കുമോ എന്ന് പേടിയുണ്ടോ? പ്രഷർ കൂട്ടേണ്ട! ഇക്കാര്യങ്ങൾ ശ്രദ്ധിച്ചാൽ മതി -
മുന്നേറ്റം തുടരാൻ ഗ്രീൻ സ്റ്റോക്ക്, വളർച്ച 37 ശതമാനം വരെ, ഓഹരി വാങ്ങാൻ ബ്രോക്കറേജ് നിർദ്ദേശം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
അറ്റ്‌ലസ് രാമചന്ദ്രന്‍ പരസ്യത്തിന് നല്‍കിയത് കോടികള്‍; തിരിഞ്ഞു നോക്കാതെ മാധ്യമങ്ങള്‍
തൃശൂര്‍: കടക്കെണിയില്‍ മുങ്ങുമ്പോഴും തന്റെ സ്ഥാപനങ്ങളുടെ പരസ്യത്തിന് കോടികള്‍ മുടക്കിയ അറ്റ്‌ലസ് രാമചന്ദ്രനെ തിരിഞ്ഞുനോക്കാതെ മലയാളത്തിലെ പ്രമുഖ മാധ്യമങ്ങള്‍. ദുബായ് ജയിലില്‍ അങ്ങേയറ്റം പരിതാപകരമായി കഴിയുമ്പോള്‍ രാമചന്ദ്രനെ സഹായിക്കാന്‍ മാധ്യമങ്ങള്‍ തയ്യാറാവുകയോ ഇടപെടുകയോ ചെയ്യുന്നില്ലെന്നാണ് ആക്ഷേപം ഉയര്‍ന്നിരിക്കുന്നത്.
പരസ്യങ്ങള്‍ക്കായി ഇത്രയും കോടികള്‍ ചെലവഴിച്ച മറ്റൊരു മലയാളി വ്യവസായി ഉണ്ടാകില്ല. പരസ്യയിനത്തില്‍ രാമചന്ദ്രന്‍ മാധ്യമങ്ങള്‍ക്ക് കടമൊന്നും വരുത്തിവെച്ചിട്ടുമില്ല. എന്നാല്‍, ലുലു ഗ്രൂപ്പിനെ പോലുള്ള കോടികളുടെ വ്യാപാരം നടത്തുന്ന വിദേശ മലയാളികള്‍ അപൂര്‍വമായി മാത്രമേ മലയാളത്തിലെ മാധ്യമങ്ങളില്‍ പരസ്യത്തിനായി പണം ചെലവഴിക്കാറുള്ളൂ.
മലയാളികളും സര്‍ക്കാരും മാധ്യമങ്ങളുമെല്ലാം ഒരുമിച്ചുനില്‍ക്കുകയും രാമചന്ദ്രനെ സഹായിക്കാന്‍ മുന്നോട്ടുവരണമെന്നുമാണ് പ്രവാസി മലയാളികളുടെ ആവശ്യം. എന്നാല്‍, ഇപ്പോള്‍ പരസ്യം ലഭിക്കാത്തതുകൊണ്ടുതന്നെ മാധ്യമങ്ങള്‍ വിഷയത്തില്‍ ഇടപെടാന്‍ മടിക്കുകയാണ്. പരസ്യയിനത്തില്‍ കോടികള്‍ ലഭിക്കുമ്പോള്‍ മാത്രം വ്യവസായികള്‍ക്കൊപ്പം നില്‍ക്കുകയെന്ന പതിവ് നിലപാടാണ് രാമചന്ദ്രന്റെ കാര്യത്തിലും മുത്തശ്ശി മാധ്യമങ്ങള്‍ക്ക്.
സിനിമാ നിര്‍മാതാവ്, നടന്‍, സംവിധായകന്‍ എന്നതിനൊപ്പം ഗള്‍ഫ് രാജ്യങ്ങളിലും ഇന്ത്യയിലുമായി അമ്പതോളം ജൂവലറി ഷോറൂമുകളുടെ അമരക്കാരന്‍ എന്നിങ്ങിനെ നിറഞ്ഞു നില്‍ക്കുമ്പോള്‍ മാധ്യമങ്ങള്‍ക്ക് രാമചന്ദ്രന്‍ ആഘോഷമായിരുന്നു. എന്നാല്‍, ബാങ്കുകള്‍ക്ക് കോടികള്‍ നല്‍കാനുള്ള കേസില്‍ ജിയിലിലായതോടെ മാധ്യമങ്ങള്‍ വ്യവസായിയെ കൈയ്യൊഴിഞ്ഞു. പരിതാപകമായ അവസ്ഥയില്‍ ജയിലില്‍ കഴിയുന്ന രാമചന്ദ്രനെ കുറിച്ച് കാര്യമായ വാര്‍ത്തകള്‍ നല്‍കാനോ സഹായിക്കാനോ മാധ്യമങ്ങള്‍ തയ്യാറാകാത്തതില്‍ പ്രവാസി മലയാളികള്‍ കടുത്ത അമര്‍ഷത്തിലാണ്.
