കോഴിക്കോട്ടെ ലോ കോളേജില് ബീഫ് കൊണ്ടുവന്ന് വിശ്വാസത്തെ വ്രണപ്പെടുത്തി?വിദ്യാര്ത്ഥിക്ക് നോട്ടീസ്
കോഴിക്കോട് രാമനാട്ടുകര ഭവന്സ് പള്സര് ലോ കോളേജിലാണ് സംഭവം.
കോഴിക്കോട്: കോളേജ് ക്യാംപസില് ബീഫ് കൊണ്ടുവന്ന് പാചകം ചെയ്തെന്ന് ആരോപിച്ച് വിദ്യാര്ത്ഥിക്ക് കാരണം കാണിക്കല് നോട്ടീസ് നല്കി. കോഴിക്കോട് രാമനാട്ടുകര ഭവന്സ് പള്സര് ലോ കോളേജിലാണ് സംഭവം. കോളേജിലെ നിയമ വിദ്യാര്ത്ഥിയായ എടി സര്ജാസിനാണ് കോളേജ് അധികൃതര് കാരണം കാണിക്കല് നോട്ടീസ് നല്കിയിരിക്കുന്നത്.
കോളേജ് ക്യാന്റീന് അടച്ചുപൂട്ടിയതിനെതിരെ വിദ്യാര്ത്ഥികള് ക്യാംപസില് സമരം ചെയ്തിരുന്നു. ഇതിന്റെ ഭാഗമായി വിദ്യാര്ത്ഥികള് തന്നെ ഭക്ഷണം പാചകം ചെയ്ത് വിതരണം ചെയ്യുകയുമുണ്ടായി. ഇതിനായി ക്യാംപസിനുള്ളിലേക്ക് ബീഫ് കൊണ്ടുവന്നു എന്നാരോപിച്ചാണ് സര്ജാസിന് നോട്ടീസ് നല്കിയിരിക്കുന്നത്.
വര്ഗീയ സംഘര്ഷത്തിന് കളമൊരുക്കി...
കോളേജ് ക്യാംപസില് ബീഫ് കൊണ്ടുവന്ന് പാചകം ചെയ്ത് ഒരു വിഭാഗത്തിന്റെ വിശ്വാസങ്ങളെ വ്രണപ്പെടുത്തിയെന്നും, വര്ഗീയ സംഘര്ഷത്തിന് കളമൊരുക്കിയെന്നുമാണ് കോളേജ് അധികൃതര് നോട്ടീസില് പറയുന്നത്.
മാപ്പര്ഹിക്കാത്ത തെറ്റ്...
മാര്ച്ച് 20ന് ക്യാംപസിലേക്ക് ബീഫ് കൊണ്ടുവന്ന് പാചകം ചെയ്ത് മറ്റുള്ളവര്ക്ക് നല്കി എന്നാണ് സര്ജാസിനെതിരെയുള്ള കുറ്റമായി ആരോപിക്കുന്നത്. സര്ജാസ് ചെയ്തത് മാപ്പര്ഹിക്കാത്ത കുറ്റമാണെന്നും പ്രിന്സിപ്പല് പ്രൊഫസര് ടിപി രാജലക്ഷ്മി നല്കിയ നോട്ടീസില് പറയുന്നു.
ഭക്ഷണം പാചകം ചെയ്തു...
രാമനാട്ടുകര ഭവന്സ് പള്സര് ലോ കോളേജിലെ ക്യാന്റീന് അടച്ചു പൂട്ടിയതിനെതിരെ ക്യാംപസില് വിദ്യാര്ത്ഥികള് സമരം ചെയ്തിരുന്നു. ഇതിന്റെ ഭാഗമായാണ് വിദ്യാര്ത്ഥികള് സ്വയം ഭക്ഷണം പാചകം ചെയ്ത് വിതരണം ചെയ്തത്.
സമരം ചെയ്തിരുന്നു പക്ഷേ...
എന്നാല് ക്യാംപസില് ബീഫ് കൊണ്ടുവന്ന് പാചകം ചെയ്തെന്ന ആരോപണം എടി സര്ജാസ് നിഷേധിച്ചു. ക്യാന്റീന് പൂട്ടിയതില് പ്രതിഷേധിച്ച് പ്രതീകാത്മക സമരം നടത്തിയിരുന്നു. ഇതില് ചോറും സാമ്പാറും ചിക്കനുമെല്ലാം പാചകം ചെയ്തിരുന്നുവെങ്കിലും ബീഫ് പാചകം ചെയ്തിട്ടില്ലെന്നാണ് സര്ജാസ് പറയുന്നത്.
വിദ്യാര്ത്ഥിനികളെ സംഘടിപ്പിച്ചതിനും...
കോളേജിലെ മുന് യൂണിയന് ചെയര്മാനും എസ്എഫ്ഐ നേതാവുമാണ് എടി സര്ജാസ്. ബീഫ് കൊണ്ടുവന്നു എന്നതിന് പുറമേ, സമരം ചെയ്യാനായി വിദ്യാര്ത്ഥിനികളെ സംഘടിപ്പിച്ചെന്ന തെറ്റു ചെയ്തതായും കാരണം കാണിക്കല് നോട്ടീസില് പറയുന്നുണ്ട്.
-
'500 രൂപയില് തുടങ്ങിയ പിഷാരടി ദിവസവും ഒന്നര ലക്ഷം വാങ്ങാന് ആരംഭിച്ചു'; ആ വളര്ച്ച അസൂയാവഹം -
ലുലു ഗ്രൂപ്പിന്റെ അനുബന്ധ സ്ഥാപനം ഡല്ഹിയില് ബംഗ്ലാവ് സ്വന്തമാക്കി; സ്റ്റാമ്പ് ഡ്യൂട്ടി മാത്രം 6.26 കോടി -
പിണറായി 3.0 സാധ്യമോ? മധ്യ കേരളത്തിൽ യുഡിഎഫ് മുന്നേറ്റമുണ്ടാക്കും; ഇടത് കോട്ടകൾ വീഴുമെന്ന് സർവേ -
ഇറാനിൽ അമേരിക്കൻ സൈന്യം വന്നാൽ റഷ്യ ഇടപെടും? പ്രഖ്യാപനത്തിൽ നടുങ്ങി ലോകം -
ബെംഗളൂരു ജീവിതം കൈപ്പൊള്ളിക്കും; വെള്ളം മുതൽ വൈദ്യുതി വരെ എല്ലാത്തിനും നാളെ മുതൽ വില ഉയരും -
ആയുധങ്ങൾ തീർന്നു, പണപ്പെട്ടി കാലിയായി; ഇറാൻ യുദ്ധം അമേരിക്കയെ ചതിച്ചോ? -
കേതുവിന്റെ നക്ഷത്രമാറ്റം; ഈ രാശിക്കാരെ ഇനി പിടിച്ചാൽ കിട്ടില്ല, പണവും പവറും എല്ലാം യഥേഷ്ടം! -
ഏപ്രിൽ 1 മുതൽ സർവ്വതും മാറും; അറിഞ്ഞില്ലെങ്കിൽ നിങ്ങളുടെ പോക്കറ്റ് കാലിയാകും -
യുഎഇയിൽ കാലാവധി കഴിഞ്ഞ റെസിഡൻസി ഉടമകൾ തിരിച്ചുവരാൻ വൈകരുത്; സമയപരിധി ഇന്ന് അവസാനിക്കും -
റിപ്പോർട്ടർ ചാനൽ ഇപ്പോൾ പൂട്ടിപ്പോകും, പ്രശ്നം ഗുരുതരമാണ്, ആൻ്റോയുടെ പേരിൽ ലൈസൻസ് ഇല്ല'; അഖിൽ മാരാർ -
സ്വര്ണവില സ്തംഭിച്ചു; ഏറെ കാലത്തിന് ശേഷം, ഇനി വന് കുതിപ്പ് പ്രതീക്ഷിക്കാം, ഇന്നത്തെ പവന് വില -
പത്രിക നൽകിയതിന് പിന്നാലെ വിജയ്ക്ക് വൻ തിരിച്ചടി; പെരുമാറ്റച്ചട്ട ലംഘനം ചൂണ്ടിക്കാട്ടി കേസെടുത്ത് പോലീസ്
Click it and Unblock the Notifications
Sign in with Google