Click it and Unblock the Notifications
Just In
Don't Miss
-
ഞാന് കെട്ടാന് ആഗ്രഹിച്ചിരുന്ന കുട്ടിയാണ്, വിവാഹിതയായെങ്കില് അണ്ഫോളോ ചെയ്യുന്നു! അപര്ണയോട് ആരാധകര് -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി -
ചര്മ്മത്തിലെ വെളുത്ത പാടുകള് കൂടുന്നോ? വെള്ളപ്പാണ്ട് അല്ല, പക്ഷേ ശ്രദ്ധിക്കണം -
IPL 2024: ജയം തുടരാന് ഡല്ഹി, കണക്കുവീട്ടാന് ഗുജറാത്ത്; ടോസ് 7 മണിക്ക് -
സ്റ്റെഡി ലൈക്ക് എ വടി! 3 വർഷം തുടർച്ചയായി മികച്ച നേട്ടം; ഇന്ത്യയിൽ മാഗ്നൈറ്റുമായി നാഴികക്കലുകൾ കീഴടക്കി നിസാൻ -
ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
എല്ലാ ബാറും പൂട്ടാം, നിയമ തടസ്സമില്ലെന്ന് മുഖ്യമന്ത്രി
തിരുവനന്തപുരം: തുറന്നിരിക്കുന്ന 312 ബാറുകള്‍ ഈ വര്‍ഷം തന്നെ പൂട്ടുമെന്ന് മുഖ്യമന്ത്രി ഉമ്മന്‍ ചാണ്ടി പറഞ്ഞു. ഇക്കാര്യത്തില്‍ സര്‍ക്കാരിന് നിയമോപദേശം ലഭിച്ചുകഴിഞ്ഞു എന്നും മുഖ്യമന്ത്രി പറയുന്നു.
ബാറുകളുടെ ലൈസന്‍സ് കാലാവധി കഴിയും വരെ സര്‍ക്കാര്‍ കാത്തു നില്‍ക്കില്ല. നടപടിക്രമങ്ങള്‍ പൂര്‍ത്തിയാകുന്ന മുറക്ക് ബാറുകള്‍ അടപ്പിക്കും. ഇതിനായി 2015 മാര്‍ച്ച് 31 വരെ കാത്തിരിക്കില്ല. ലൈസന്‍സ് തുകയില്‍ ബാക്കി വരുന്ന തുക ബാര്‍ ഉടമകള്‍ക്ക് തിരിച്ചുനല്‍കുമെന്നും അദ്ദേഹം വ്യക്തമാക്കി.
കഴിഞ്ഞ ദിവസം യുഡിഎഫ് യോഗമാണ് ബാറുകള്‍ അടക്കാന്‍ തീരുമാനിച്ചത്. ഫൈവ് സ്റ്റാര്‍ ബാറുകള്‍ക്ക് മാത്രമേ അനുമതി നല്‍കൂ എന്നും തീരുമാനിച്ചിരുന്നു. ഇക്കാര്യങ്ങള്‍ സര്‍ക്കാരിന്റെ ഉന്നതാധികാര സമിതിയുടെ അംഗീകാരവും ലഭിച്ചു.
ആഗസ്റ്റ് 26 ന് സര്‍ക്കാരിന്റെ മദ്യ നയം ഹൈക്കോടതിയെ അറിയിക്കും. ഹൈക്കോടതി നിര്‍ദ്ദേശ പ്രകാരം നടത്തിയ ബാറുകളിലെ പരിശോധന സര്‍ക്കാര്‍ തീരുമാനത്തെ ബാധിക്കില്ലെന്ന് മുഖ്യമന്ത്രി പറഞ്ഞു.
ഒരു വര്‍ഷം 34 ബീവറേജസ് ഷോപ്പുകള്‍ വീതമാണ് സര്‍ക്കാര്‍ പൂട്ടുക. ഒക്ടോബര്‍ രണ്ട് മുതലാണ് ഇത് തുടങ്ങുക. കണ്‍സ്യൂമര്‍ ഫെഡിന്റെ അഞ്ച് മദ്യഷാപ്പുകളും ഇത്തരത്തില്‍ പൂട്ടും. ബീവറേജസ് കോര്‍പ്പറേഷനിലെ ജീവനക്കാരുടെ പുനരധിവാസത്തിനായി പ്രത്യേക ഫണ്ട് ഉണ്ടാക്കും. ഇതിനായി വില്‍ക്കുന്ന മദ്യത്തിന് അഞ്ച് ശതമാനം സെസ്സ് ഏര്‍പ്പെടുത്തുമെന്നും മുഖ്യമന്ത്രി അറിയിച്ചു.
ക്ലബ്ബുകളിലെ മദ്യ വില്‍പന സംബന്ധിച്ച് ഇതുവരെ തീരുമാനത്തിലെത്തിയിട്ടില്ല. ഇക്കാര്യം മന്ത്രി സഭ ചര്‍ച്ച ചെയ്ത് തീരുമാനിക്കുമെന്നും മുഖ്യമന്ത്രി വ്യക്തമാക്കി.
