Click it and Unblock the Notifications
Just In
Don't Miss
-
'വര്ഷങ്ങള്ക്ക് ശേഷം മഞ്ഞുമ്മലിനേക്കാള് നല്ല സിനിമ', വിശാഖ് ചോദിച്ചത് 15 കോടി; തമിഴ് നിര്മാതാവ് -
IPL 2024: അഭിഷേക് 218, കോലി 145! ലോകകപ്പ് ടീമില് ഇവരില് ആരെ വേണം? -
ബാച്ചിലര് സ്പെഷ്യല് ചിക്കന് ഫ്രൈ: ക്വിക്ക് ആന്റ് ഈസി റെസിപ്പി -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
റോഹിംഗ്യന്‍ അഭയാര്‍ഥികള്‍ക്ക് സഹായ ഹസ്തവുമായി ഖത്തര്‍ ചാരിറ്റിയും
ദോഹ: മ്യാന്‍മര്‍ സൈന്യത്തിന്റെയും ബുദ്ധമതാനുയായികളുടെയും അതിക്രമങ്ങള്‍ക്കിരയായി അഭയാര്‍ഥികളാക്കപ്പെട്ട റോഹിംഗ്യന്‍ മുസ്ലിംകള്‍ക്ക് സഹായ ഹസ്തവുമായി ഖത്തര്‍ ജീവകാരുണ്യ സംഘടനയായ ഖത്തര്‍ ചാരിറ്റിയും. റഖിനെ സംസ്ഥാനത്തെ മൂന്ന് ജില്ലകളില്‍ അഭയാര്‍ഥി ക്യാംപുകളില്‍ കഴിയുന്നവര്‍ക്കായി അഞ്ചു ലക്ഷം ഡോളറിന്റെ പദ്ധതികള്‍ ഖത്തര്‍ ചാരിറ്റി നടപ്പാക്കും.
ഇതുമായി ബന്ധപ്പെട്ട കരാറില്‍ ഖത്തര്‍ ചാരിറ്റിയും അഭയാര്‍ഥികള്‍ക്കായുള്ള യു.എന്‍ ഹൈക്കമ്മീഷണറുമായി കരാറില്‍ ഒപ്പുവച്ചു. ഖത്തര്‍ ചാരിറ്റി ഡയരക്ടര്‍ യൂസുഫ് അഹ്മദ് അല്‍കുവാരി, യു.എന്‍ ജി.സി.സി പ്രതിനിധി ഖാലിദ് ഖലീഫ എന്നിവരാണ് കരാറില്‍ ഒപ്പുവച്ചത്. അടുത്ത ആറുമാസത്തിനുള്ളില്‍ 2100 റോഹിംഗ്യന്‍ അഭയാര്‍ഥികള്‍ക്ക് സേവനങ്ങള്‍ ലഭ്യമാക്കാനാണ് ഇതിലൂടെ ലക്ഷ്യമിടുന്നത്. ഇതിന്റെ ഭാഗമായി മൂന്ന് ജില്ലകളിലായി 420 താല്‍ക്കാലിക താമസ കേന്ദ്രങ്ങള്‍ സ്ഥാപിക്കും.
ഇതിനു പുറമെ, ബംഗ്ലാദേശില്‍ ചുഴലിക്കാറ്റ് അടിച്ചുവീശാറുള്ള സാഹചര്യത്തില്‍ ആ സീസണ്‍ വരുന്നതിനു മുമ്പായി വിശാലമായതും ചുഴലിയെ പ്രതിരോധിക്കാന്‍ ശേഷിയുള്ളതുമായ ഷെല്‍ട്ടറുകള്‍ ഖത്തര്‍ ചാരിറ്റി സ്ഥാപിക്കും. കുട്ടികള്‍ക്ക് പ്രതിരോധ കുത്തിവയ്പ്പ് നല്‍കുകയും അഭയാര്‍ഥികള്‍ക്കായി കാറ്ററിംഗ് സെന്ററുകള്‍ തുറക്കുകയും ചെയ്യും. ആരോഗ്യ സേവനങ്ങള്‍, താമസസൗകര്യങ്ങള്‍, ഭക്ഷണ സാധനങ്ങള്‍ എന്നിവയാണ് ഖത്തര്‍ ചാരിറ്റി അഭയാര്‍ഥികള്‍ക്കായി ഒരുക്കുക. ഒരു ലക്ഷം ഡോളര്‍ ഇതിനായി ഖത്തര്‍ ചാരിറ്റി ചെലവഴിക്കും.
മൊബൈല്‍ ക്ലിനിക്കുകള്‍ സ്ഥാപിക്കാനും ജലസംഭരണികള്‍ സ്ഥാപിച്ച് കുടിവെള്ളം വിതരണം ചെയ്യാനും മറ്റുമായി ഖത്തര്‍ റെഡ് ക്രെസന്റ് സൊസൈറ്റി ഒരു സംഘത്തെ നേരത്തേ ബംഗ്ലാദേശിലെ ക്യാംപുകളിലേക്ക് പറഞ്ഞയച്ചിരുന്നു.
മുസ്ലിംകള്‍ക്കെതിരേ വ്യാപക കലാപം നടക്കുന്ന മ്യാന്‍മറില്‍ നിന്ന് കഴിഞ്ഞ രണ്ടാഴ്ചയ്ക്കുള്ളില്‍ 2.7 ലക്ഷത്തിലേറെ റോഹിംഗ്യന്‍ മുസ്ലിംകള്‍ അഭയാര്‍ഥികളായി ബംഗ്ലാദേശ് അതിര്‍ത്തിയിലെത്തിയതായി യു.എന്‍ ഹൈക്കമ്മീഷണര്‍ ഫോര്‍ റെഫ്യൂജീസ് അറിയിച്ചിരുന്നു.
