ഫത്ഹുമായി യോജിച്ചു നീങ്ങാന് ഹമാസ് സമ്മതിച്ചു; ഗാസ അഡ്മിനിസ്ട്രേറ്റീവ് കമ്മിറ്റി പിരിച്ചുവിട്ടു
ഗാസ സിറ്റി: ഫലസ്തീന് അതോറിറ്റി പ്രസിഡന്റ് മഹ്മൂദ് അബ്ബാസിന്റെ നേതൃത്വത്തിലുള്ള ഫത്ഹ് വിഭാഗവുമായി യോജിച്ചു നീങ്ങാനും ഫലസ്തീനില് പൊതു തെരഞ്ഞെടുപ്പ് നടത്താനും ഹമാസ് നേതാക്കള് സമ്മതിച്ചു. മഹ്മൂദ് അബ്ബാസ് മുന്നോട്ടുവച്ച സുപ്രധാന ആവശ്യങ്ങള് തങ്ങള് അംഗീകരിക്കുന്നതായി ഹമാസ് പ്രസ്താവനയില് അറിയിച്ചു. ഇതിന്റെ ഭാഗമായി ഹമാസ് രൂപീകരിച്ച ഗസ അഡ്മിനിസ്ട്രേറ്റീവ് കമ്മിറ്റി പിരിച്ചുവിട്ടു. സമാന്തര ഭരണകൂടമായി ഫലസ്തീന് അതോറിറ്റി ഇതിനെ കുറ്റപ്പെടുത്തിയിരുന്നു.
അബ്ബാസിന്റെ നേതൃത്വത്തിലുള്ള ഐക്യസര്ക്കാരിനെ ഗസയിലേക്ക് ക്ഷണിക്കുന്നതായി ഹമാസ് പ്രസ്താവനയില് വ്യക്തമാക്കി. ഫത്ഹ് വിഭാഗവുമായി ചര്ച്ചയ്ക്ക് ഒരുക്കമാണെന്നും അവര് അറിയിച്ചു. പാര്ലമെന്റ് തെരഞ്ഞെടുപ്പില് ഫത്ഹ് വിഭാഗത്തെ പരാജയപ്പെടുത്തിയ ഹമാസിനാണ് 2007 മുതല് ഗസയുടെ നിയന്ത്രണം. ഇതിനു ശേഷം ഇരു വിഭാഗവും പരസ്പരം ശത്രുതയോടെയായിരുന്നു പ്രവര്ത്തിച്ചിരുന്നത്. 2014ല് ഐക്യസര്ക്കാര് രൂപം കൊണ്ടിരുന്നുവെങ്കിലും ഗസയില് അതിന് നിയന്ത്രണമുണ്ടായിരുന്നില്ല. ഹമാസിന്റെ തീരുമാനത്തെ ഫത്ഹ് വിഭാഗം സ്വാഗതം ചെയ്തിട്ടുണ്ട്.
വളരെ ശുഭാപ്തിവിശ്വാസത്തോടെയാണ് ഹമാസിന്റെ തീരുമാനത്തെ ഫത്ഹ് നോക്കിക്കാണുന്നതെന്ന് മഹ്മൂദ് അബ്ബാസിന്റെ ഉപദേഷ്ടാവ് നബീല് ശാത്ത് പറഞ്ഞു. ഐക്യസര്ക്കാര് ഗസയിലും വെസ്റ്റ് ബാങ്കിലും ഭരണം നടത്തുകയും വികസന പ്രവര്ത്തനങ്ങള് നടത്തുകയും ഗസാ നിവാസികളുടെ പ്രശ്നങ്ങള്ക്ക് പരിഹാരം കാണുകയും ചെയ്യുന്നതോടെ ആദ്യ പടി കടക്കാനാവും. രണ്ടാമത്തെ പടിയായാണ് തെരഞ്ഞെടുപ്പ് നടക്കുകയെന്നും അദ്ദേഹം പറഞ്ഞു. ഈജിപ്തിന്റെ നേതൃത്വത്തില് ഇരുവിഭാഗവും തമ്മില് കെയ്റോയില് നടത്തിയ ചര്ച്ചകള്ക്കൊടുവിലാണ് പരസ്പരം സഹകരിച്ച് മുന്നോട്ടുപോവാന് തീരുമാനമായത്.
എന്നാല് പുതിയ നീക്കം എത്രമാത്രം വിജയിക്കുമെന്ന കാര്യം കണ്ടറിയാനിരിക്കുന്നതേയുള്ളൂ. നേരത്തേയും ഇത്തരം അനുരഞ്ജന ശ്രമങ്ങള് നടന്നിരുന്നുവെങ്കിലും പലവിഷയങ്ങളിലും തട്ടി തകരുകയായിരുന്നു. ഗസയുടെ സുരക്ഷാ ചുമതല വിട്ടുകൊടുക്കാന് ഹമാസ് വിസമ്മതിച്ചതായിരുന്നു 2011ലെ അനുരഞ്ജന ശ്രമങ്ങള്ക്ക് തിരിച്ചടിയായത്. എന്നാല് ഇത്തവണ ഈജിപ്തിന്റെ നേതൃത്വത്തിലുള്ള അനുരഞ്ജന ശ്രമങ്ങള് സ്വാഗതം ചെയ്യുകയല്ലാതെ ഹമാസിനു മുമ്പില് മറ്റു വഴികളില്ലെന്നാണ് വിലയിരുത്തപ്പെടുന്നത്. അത്രമാത്രം ദയനീയമാണ് ഗസയിലെ അവസ്ഥ. ആവശ്യത്തിന് വെള്ളമോ ഭക്ഷണമോ ചികില്സയോ വൈദ്യുതിയോ ലിഭിക്കാതെ വലിയൊരു ദുരന്തത്തിന് കാതോര്ത്തിരിക്കുകയാണ് ഗസയെന്നാണ് അവിടെ നിന്നുള്ള റിപ്പോര്ട്ടുകള് വ്യക്തമാക്കുന്നത്.
അബ്ബാസിന്റെ നേതൃത്വത്തിലുള്ള ഐക്യസര്ക്കാര് ഗസയുടെ ഉത്തരവാദിത്തം ഏറ്റെടുക്കുന്നില്ലെന്ന് ആരോപിച്ചായിരുന്നു കഴിഞ്ഞ മാര്ച്ചില് ഹമാസ് ഗസ അഡ്മിനിസ്ട്രേറ്റീവ് കമ്മിറ്റി രൂപീകരിച്ചത്. ഇതോടെ ഇസ്രായേല്-ഈജിപ്ത് ഉപരോധത്താല് കഷ്ടപ്പെടുകയായിരുന്ന ഗസയ്ക്കെതിരേ നടപടികള് ശക്തമാക്കാന് മഹ്മൂദ് അബ്ബാസും തീരുമാനിക്കുകയായിരുന്നു. ഗസയിലെ ജീവിതം അത്യന്തം ദുരിതപൂര്ണമായതിന്റെ പ്രധാന കാരണവും ഇതായിരുന്നു.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google