കിഴക്കന് ഗൗത്ത ആക്രമണം മൂന്നാഴ്ച പിന്നിട്ടു; പൊരിഞ്ഞ പോരാട്ടം, മരണം 1000 കവിഞ്ഞു
ദമസ്ക്കസ്: സിറിയയിലെ വിമത പ്രദേശമായ കിഴക്കന് ഗൗത്തയ്ക്കു നേരെ സര്ക്കാര് സൈന്യം നടത്തുന്ന ആക്രമണം മൂന്നാഴ്ച പിന്നിട്ടപ്പോള് കുട്ടികളും സ്ത്രീകളുമടക്കം മരിച്ചവരുടെ എണ്ണം 1000 കവിഞ്ഞു. തുടക്കത്തിലെ തിരിച്ചടികള്ക്കു ശേഷം ഞായറാഴ്ച ശക്തമായ പോരാട്ടമാണ് വിമതസൈന്യം നടത്തിയതെന്ന് സിറിയന് ഒബ്സര്വേറ്ററി ഫോര് ഹ്യൂമണ് റൈറ്റ്സ് അറിയിച്ചു. റഷ്യന് പിന്തുണയോടെയുള്ള വ്യോമ-കരയാക്രമണങ്ങളില് മൂന്നാഴ്ചയ്ക്കകം 1099 പേര് കൊല്ലപ്പെട്ടതായും സംഘടന വ്യക്തമാക്കി. ഇവരില് 227 പേര് കുട്ടികളും 154 പേര് സ്ത്രീകളുമാണ്. അയ്യായിരത്തോളം പേര്ക്ക് പരിക്കേറ്റതായും അവര് അറിയിച്ചു.
ആകാശം നിറയെ യുദ്ധവിമാനങ്ങളായിരുന്നുവെന്ന് ദൗമ പട്ടണത്തിനെ സാമൂഹ്യപ്രവര്ത്തകന് അബ്ദുല്മലിക്ക് അബൂദ് പറഞ്ഞു. വ്യോമാക്രമണത്തില് നിന്ന് രക്ഷനേടാന് വിമതസൈനികര് ഒളിച്ചിരുന്ന ഭൂഗര്ഭ അറകളും പള്ളികളും മറ്റും ലക്ഷ്യമാക്കിയായിരുന്നു ആക്രമണം. അതിനിടെ കിഴക്കന് ഗൗത്തയിലെ ഇര്ബിന് പട്ടണത്തില് കഴിഞ്ഞ ദിവസം രാസായുധ പ്രയോഗം നടത്തിയതായും ആരോപണമുയര്ന്നു.
സിറിയന് ഭരണകൂടം ക്ലോറിന് വാതകം, ഫോസ്ഫറസ്-നപാം ബോംബുകള് എന്നിവ ഇര്ബിനു മേല് പ്രയോഗിച്ചതായാണ് ആരോപണം. ഒരാഴ്ചയ്ക്കിടയില് രണ്ടാം തവണയാണ് രാസായുധ പ്രയോഗത്തെ കുറിച്ച് പരാതി ഉയരുന്നത്. കഴിഞ്ഞ ബുധനാഴ്ച ഹമൂറിയ പട്ടണത്തില് ഫോര്ഫറസ് ബോംബ് വര്ഷിക്കുന്നതിന്റെയും ആളുകള് ശ്വസിക്കാന് പാടുപെടുന്നതിന്റെയും വീഡിയോ വലിയ വിവാദം സൃഷ്ടിച്ചിരുന്നു. എന്നാല് രാസായുധം പ്രയോഗിച്ചുവെന്ന വാര്ത്തകള് സിറിയന് ഡെപ്യൂട്ടി വിദേശകാര്യമന്ത്രി ഫൈസല് മിഖ്ദാദ് നിഷേധിച്ചിട്ടുണ്ട്.
നാലു ലക്ഷത്തിലേറെ പേര് അധിവസിക്കുന്ന കിഴക്കന് ഗൗത്തയ്ക്കെതിരേ 2013ല് ആരംഭിച്ച ഉപരോധത്തെ തുടര്ന്ന് ജനങ്ങള് ഭക്ഷണമോ മരുന്നോ ഇല്ലാതെ കഷ്ടപ്പെടുകയാണെന്ന് റിപ്പോര്ട്ടുണ്ട്. യു.എന്നിന്റെ നേതൃത്വത്തില് ഭക്ഷണവും മറ്റ് അടിയന്തര സഹായങ്ങളും എത്തിക്കുന്നുണ്ടെങ്കിലും വളരെ കുറച്ചു പേര്ക്ക് മാത്രമേ ഇത് ലഭിക്കുന്നുള്ളൂ. ആക്രമണത്തെ തുടര്ന്ന് ഇവിടെ നിന്നും ആയിരക്കണക്കിനാളുകള് പലായനം ചെയ്യുന്നതായും വാര്ത്തകളുണ്ട്. കിഴക്കന് ഗൗത്തയുടെ പകുതിയോളം പ്രദേശങ്ങള് ഇതിനകം സിറിയന് സൈന്യം പിടിച്ചെടുത്തതായി സിറിയന് ഒബ്സര്വേറ്ററി ഫോര് ഹ്യൂമണ് റൈറ്റ്സ് അറിയിച്ചു. യു.എന് രക്ഷാസമിതി സിറിയയില് വെടിനിര്ത്തല് പ്രഖ്യാപിച്ചിരുന്നുവെങ്കിലും അത് പൂര്ണമായും നടപ്പായിട്ടില്ല.
-
സര്വീസില് സ്ഥിരമാകും, വാഹനം വാങ്ങാനുള്ള ആഗ്രഹം സഫലമാകും, ഭൂമിയില് നിന്ന് കൂടുതല് വരുമാനം, നാൾഫലം -
സ്വർണ വില ഇന്നും താഴേക്ക്; 75,000 രൂപ വരെയെങ്കിലും പവന് വരുമോ? പഴയ സ്വർണം വിൽക്കേണ്ടവർ അറിയാൻ -
ഭക്ഷണം ശ്വാസകോശത്തിൽ കുടുങ്ങി, പിന്നാലെ കുഴഞ്ഞു വീണു; കാർത്തിക് സൂര്യയ്ക്ക് സംഭവിച്ചത് -
ദേശീയപാത 66; ചർക്കള-നീലേശ്വരം, നീലേശ്വരം-തളിപ്പറമ്പ് റീച്ചുകളുടെ പ്രവർത്തനം അന്തിമഘട്ടത്തിലേക്ക് -
സ്വർണ വില ഉച്ചയ്ക്കും ഇടിഞ്ഞു; മഞ്ഞലോഹത്തിൻ്റെ കുതിപ്പ് തീർന്നോ? ഇനി വിലക്കുറവിൻ്റെ നാളുകളോ? -
''ടേബിളിലിരുന്ന പാത്രം മമ്മൂക്ക എന്റെ നേരേ നീട്ടി, വിറയാർന്ന കൈകളാൽ അത് വാങ്ങി, അത് അപൂർവ്വ സുന്ദര നിമിഷം'' -
'മൊണാലിസയെ 35 കഷണങ്ങളാക്കും'; വിവാഹത്തിൽ വിദ്വേഷ പ്രസ്താവനയുമായി സാധ്വി പ്രാചി -
അഖിൽ മാരാർ കൊട്ടാരക്കരയിലേക്കല്ല, തൃപ്പൂണിത്തുറയിൽ? അതിലും രണ്ട് അഭിപ്രായം..സാബുവിനായി ബിജെപി -
അമേരിക്കക്ക് കനത്ത തിരിച്ചടി; ഇറാഖിൽ യുഎസ് ടാങ്കർ വിമാനം തകർന്ന് വീണു -
വര്ക്ക് ഫ്രം ഹോമിലേക്ക് ഈ നഗരങ്ങള്; ബെംഗളൂരുവിലും കൊച്ചിയിലും കമ്പനികള് ജീവനക്കാര്ക്ക് നല്കിയ നിര്ദേശം -
എൽദോസ് കുന്നപ്പിള്ളി കൊച്ചിയിലേക്കോ? നേമത്ത് ശബരിനാഥന്, മണ്ഡലം പിടിക്കാൻ മത്സരിപ്പിക്കണമെന്ന് മൂന്ന് എംപിമാർ -
ഹൈദരാബാദിൽ പാചകവാതക ക്ഷാമം രൂക്ഷം; ഹോസ്റ്റലുകളിൽ നിയന്ത്രണം, വർക്ക് ഫ്രം ഹോം ആവശ്യം ശക്തമാവുന്നു
Click it and Unblock the Notifications
Sign in with Google