അഫ്രിനില് തുര്ക്കിയുടെ സൈനിക മുന്നേറ്റം; കുര്ദ് വിമതരില് നിന്ന് പ്രധാന നഗരം പിടിച്ചു
അങ്കാറ: രണ്ടുമാസമായി തുടരുന്ന സൈനിക നടപടിയെ തുടര്ന്ന് സിറിയന് അതിര്ത്തി പ്രവിശ്യയായ അഫ്രിനിലെ പ്രധാന നഗരങ്ങളിലൊന്നായ ജന്താരിസിന്റെ നിയന്ത്രണം കുര്ദ് വിമതരില് നിന്ന് പിടിച്ചെടുത്തതായി തുര്ക്കി അധികൃതര് അറിയിച്ചു. അഫ്രിനിലെ ഏറ്റവും കൂടുതല് ജനസാന്ദ്രമായ രണ്ടാമത്തെ പ്രദേശമാണിത്.
വിമത കുര്ദ് സൈനികരുടെ പ്രധാന കേന്ദ്രമായ മധ്യ അഫ്രിനില് നിന്ന് വെറും 20 കിലോമീറ്റര് മാത്രം അകലെയാണ് ജന്താരിസ് നഗരം. അഫ്രിന് മുഴുവന് പിടിച്ചടക്കുന്നത് വരെ പോരാട്ടം തുടരുമെന്ന് തുര്ക്കി സൈനികര്ക്കൊപ്പം യുദ്ധം ചെയ്യുന്ന ഫ്രീ സിറിയന് ആര്മി കമാന്റര് അബൂ സാലിഹ് അറിയിച്ചു.
അതിനിടെ, അഫ്രിന് സൈനിക നടപടി മെയ് മാസത്തോടെ അവസാനിപ്പിക്കാനാവുമെന്നാണ് പ്രതീക്ഷയെന്ന് തുര്ക്കി വിദേശകാര്യമന്ത്രി മൗലൂദ് കവുസോഗ്ലു വിയന്നയില് അറിയിച്ചു. എന്നാല് ഇത് എളുപ്പമല്ലെന്നാണ് വിലയിരുത്തപ്പെടുന്നത്. കുര്ദ് വിമതര് 1700 സൈനികരെ കൂടി യുദ്ധമുഖത്തേക്ക് വിന്യസിക്കുന്നതായി റിപ്പോര്ട്ടുകളുണ്ട്.
ജനുവരിയിലാണ് സിറിയയിലെ അഫ്രിന് പ്രദേശം നിയന്ത്രിക്കുന്ന അമേരിക്കന് സൈനിക സഖ്യത്തില് അംഗമായ വൈപിജിക്കെതിരേ തുര്ക്കി സേന ആക്രണം തുടങ്ങിയത്. തുര്ക്കിയിലെ കുര്ദ് ഭീകരവാദ സംഘടനയായ കുര്ദിസ്താന് വര്ക്കേഴ്സ് പാര്ട്ടി (പികെകെ)യുമായി വൈപിജിക്ക് ബന്ധമുണ്ടെന്നാരോപിച്ചായിരുന്നു ഇത്. തങ്ങളുമായി സിറിയ അതിര്ത്തി പങ്കിടുന്ന അഫ്രിനില് ഇവരുടെ സാന്നിധ്യം രാജ്യ സുരക്ഷയ്ക്ക് ഭീഷണിയാണെന്ന് ചൂണ്ടിക്കാട്ടിയായിരുന്നു തുര്ക്കിയുടെ നടപടി.
സിറിയയില് ഇസ്ലാമിക് സ്റ്റേറ്റിനെതിരേ യുദ്ധം ചെയ്യുന്ന സിറിയന് ഡെമോക്രാറ്റിക് ഫോഴ്സസിലെ സഖ്യകക്ഷിയാണ് വൈപിജി അമേരിക്കന് പിന്തുണയോടെയാണ് ഇവര് ബശാറുല് അസദിന്റെ സൈന്യത്തിനെതിരേയും യുദ്ധം ചെയ്യുന്നത്. തുടക്കത്തില് അഫ്രിന് ആക്രമണത്തിനെതിരേ അമേരിക്കയും സിറിയയും രംഗത്തെത്തിയിരുന്നുവെങ്കിലും പിന്നീട് കാര്യമായി പ്രതികരിച്ചിട്ടില്ല. തുര്ക്കിയാവട്ടെ, ഓരോ ദിവസവും കുര്ദുകള്ക്കെതിരായ ആക്രമണം ശക്തിപ്പെടുത്തിക്കൊണ്ടിരിക്കുകയാണ്.
-
ബാങ്കിൽ പോകാൻ ഇരിക്കുന്നവർ ശ്രദ്ധിക്കുക; ഏപ്രിലിൽ പകുതിയോളം ദിവസം ബാങ്ക് അവധി; ലിസ്റ്റ് ഇതാ! -
കൊച്ചിക്കാർക്ക് ഇനി അൽപ്പം ആശ്വസിക്കാം; വൈറ്റില ജംഗ്ഷനിലെ ഗതാഗത കുരുക്ക് പരിഹരിക്കാൻ ഇടപെടൽ -
'പാലക്കാട്ടെ ജനങ്ങൾ രാഷ്ട്രീയഭേദമന്യേ രാഹുൽ മാങ്കൂട്ടത്തിലിന് ഒപ്പം'; മോദിയെ വിമർശിച്ച് രാഹുൽ ഈശ്വർ -
സ്വര്ണം ഇങ്ങനെ വില കുറയുമെന്ന് ആരും കരുതിയില്ല.. യഥാര്ത്ഥത്തില് സംഭവിച്ചത് ഇത് -
ലുലു ഗ്രൂപ്പിന്റെ അനുബന്ധ സ്ഥാപനം ഡല്ഹിയില് ബംഗ്ലാവ് സ്വന്തമാക്കി; സ്റ്റാമ്പ് ഡ്യൂട്ടി മാത്രം 6.26 കോടി -
മോഹൻലാൽ ബുദ്ധിമാനായതിനാലാണ് ചെയ്തത്, എത്രകാലമായി മലയാളികളെ പറ്റിക്കുന്നു';ശാന്തിവിള ദിനേശ് -
സ്വർണം വിറ്റ് തുർക്കി; രണ്ടാഴ്ചക്കിടെ വിറ്റത് 58 ടണ്, റഷ്യയും വിറ്റു 15 ടണ്..ഇനി സ്വർണ വില കുത്തനെ താഴേക്കോ? -
ഇറാന്റെ നട്ടെല്ല് തകർക്കാൻ അമേരിക്കയുടെ വൻ നീക്കം; ഏപ്രിൽ 6 ഡെഡ്ലൈൻ! -
ഈ രാശിക്കാരാണോ? ഏപ്രില് 11 മുതല് രാജയോഗം... പുത്തന്വീടും കാറും കൈയിലേക്ക്..!! -
ഇറാനിലെ എണ്ണ ശേഖരത്തിൽ കണ്ണുവച്ച് ഡൊണാൾഡ് ട്രംപ്; 'വേണമെങ്കിൽ ഖാർഗ് ദ്വീപ് യുഎസ് പിടിച്ചെടുക്കും' -
കിച്ചുവിനെ നോക്കേണ്ട ബാധ്യത രേണുവിനില്ല, അവൾക്കും ഒരുപാട് പറയാനുണ്ട്, ഇപ്പോൾ സംഭവിച്ചത് എന്ത്?';ദിയ സന -
'രേണുവിന്റെ കരച്ചില് നാടകം; കിച്ചുവിന് ഇനിയും പറയാനുണ്ട്..'; വീട് കൊടുക്കേണ്ടായിരുന്നെന്ന് ഫിറോസ്
Click it and Unblock the Notifications
Sign in with Google