വിദ്വേഷ പ്രസംഗം: പിസി ജോര്ജിനെതിരെ ജാമ്യമില്ലാ വകുപ്പ് പ്രകാരം കേസെടുത്തു
തിരുവനന്തപുരം: മത വിദ്വേഷ പ്രസംഗം നടത്തിയ സംഭവത്തില് വിവാദം കത്തുന്നതിനിടെ പൂഞ്ഞാര് മുന് എംഎല്എ പിസി ജോര്ജിനെതിരെ കേസെടുത്തു. ജാമ്യമില്ലാ വകുപ്പ് പ്രകാരമാണ് കേസെടുത്തത്. തിരുവനന്തപുരം ഫോര്ട്ട് പോലീസ് ആണ് ഡിജിപി അനില്കാന്തിന്റെ നിര്ദേശപ്രകാരം കേസെടുത്തിരിക്കുന്നത്. നേരത്തെ യൂത്ത് ലീഗ് അടക്കം പിസി ജോര്ജിനെതിരെ കേസ് എടുക്കണമെന്ന് ആവശ്യപ്പെട്ട് ഡിജിപിക്ക് പരാതി നല്കിയിരുന്നു. ഹിന്ദു-മുസ്ലീം വൈരം ഉണ്ടാക്കുന്ന രീതിയിലും മതസ്പര്ധ വളര്ത്തുന്ന രീതിയിലും പ്രകോപനപരമായി പ്രസംഗിച്ചതിനാണ് കേസെന്ന് പോലീസ് പറയുന്നു. ജോര്ജിന്റെ മൊഴി അടക്കം വരും ദിവസങ്ങളില് രേഖപ്പെടുത്തും. അതിന് ശേഷം തുടര് നടപടി സ്വീകരിക്കുമെന്ന് ഫോര്ട്ട്പോലീസ് വ്യക്തമാക്കി.
കഴിഞ്ഞ ദിവസം ഹിന്ദു മഹാപരിഷത്ത് തിരുവനന്തപുരത്ത് നടത്തി അനന്തപുരി ഹിന്ദു മഹാസമ്മളേന വേദിയില് വെച്ചായിരുന്നു പിസി ജോര്ജ് വിദ്വേഷ പരാമര്ശങ്ങള് നടത്തിയത്. ഹോട്ടല് വ്യവസായം നടത്തുന്ന മുസ്ലീങ്ങള് വന്ധ്യത വരുത്താനുള്ള മരുന്ന് പാനീയങ്ങളില് കലര്ത്തുന്നുണ്ട്. ഇത്തരം ആളുകള് മുസ്ലീം ജനസംഖ്യ വര്ധിപ്പിച്ച് ഇന്ത്യെ മുസ്ലീം രാജ്യമാക്കാന് ശ്രമിക്കുന്നുവവെന്നായിരുന്നു പിസി ജോര്ജിന്റെ പരാമര്ശം. മുസ്ലീം വ്യവസായികള് മറ്റ് സ്ഥലങ്ങളില് വ്യാപാര സ്ഥാപനങ്ങള് നടത്തി ഹിന്ദുക്കളുടെ പണം കവരാനാണ് ശ്രമിക്കുന്നതെന്നും ജോര്ജ് പറഞ്ഞിരുന്നു. പരാമര്ശം വന് വിവാദമായതോടെ ഡിവൈഎഫ്ഐയും യൂത്ത് ലീഗും ഡിജിപിക്കും മുഖ്യമന്ത്രിക്കും പരാതി നല്കുകയായിരുന്നു.
സിപിഎമ്മും രൂക്ഷമായ ഭാഷയില് പിസി ജോര്ജിനെ വിമര്ശിച്ചിരുന്നു. പരാമര്ശം പിന്വലിച്ച് കേരളീയ സമൂഹത്തോട് മാപ്പുപറയാന് ജോര്ജ് തയ്യാറാവണമെന്നായിരുന്നു സിപിഎം ആവശ്യപ്പെട്ടത്. പ്രസംഗത്തിലുടനീളം മുസ്ലീം സമുദായത്തെ വര്ഗീയമായി അധിക്ഷേപിക്കുകയും ബോധപൂര്വം വര്ഗീയ ചേരിതിരിവ് സൃഷ്ടിക്കാന് ശ്രമിക്കുന്നതായും ജോര്ജിനെതിരായ പരാതിയില്പറയുന്നു. മുസ്ലീം സമുദായത്തെ സംശയത്തിന്റെ മുനയില് നിര്ത്താനും, വിശ്വാസികള്ക്കിടയില് വര്ഗീയ ചേരിതിരിവ് സൃഷ്ടിക്കാനും മാത്രമാണ് പരാമര്ശം കൊണ്ട് സാധിക്കുകയെന്നും പരാതിയില് പറയുന്നു.
ഇതിനിടെ പിസി ജോര്ജിന്റെ മകന് ഷോര്ജ് നടത്തിയ പ്രതികരണം സാമൂഹ്യ മാധ്യമങ്ങളില് ചര്ച്ചയായിരിക്കുകയാണ്. ഫേസ്ബുക്കില് കൈകൂപ്പുന്ന ഇമോജിയാണ് ഷോണ് ജോര്ജ് പങ്കുവെച്ചിരിക്കുന്നത്. പിസി ജോര്ജിന്റെ പരാമര്ശത്തില് മാപ്പുചോദിക്കുകയാണോ ഇതുകൊണ്ട് ഉദ്ദേശിച്ചതെന്ന് ഇതിനോടകം പലരും ചോദിച്ച് കഴിഞ്ഞു. കോണ്ഗ്രസ് നേതാക്കള് കടുത്ത വിമര്ശനമാണ് പിസി ജോര്ജിനെതിരെ ഉന്നയിച്ചത്. ഷാഫി പറമ്പില്, വിടി ബല്റാം, രാഹുല് മാങ്കൂട്ടത്തില് എന്നിവര് കടുത്ത ഭാഷയില് പിസിക്കെതിരെ രംഗത്തെത്തി. സ്ഥിരമായി അങ്ങേയറ്റത്തെ ഹീനമായ വര്ഗീയത പൊതുവേദികളില് പ്രചരിപ്പിക്കുന്ന പിസി ജോര്ജിനെതിരെ നിയമാനുസരണം കേസെടുക്കാന് കേരള പോലീസിന് എന്താണ് തടസ്സമെന്ന് മനസ്സിലാകുന്നില്ലെന്ന് വിടി ബല്റാം പറഞ്ഞു.
-
'മമ്മൂട്ടി 75 വയസായ ആളാണ്, അസുഖം ഉള്ളയാളാണ്, തെറി പറഞ്ഞാൽ യുഡിഎഫ് സീറ്റ് 110 ന് മുകളിലേക്ക്' -
സ്വർണം കൂട്ടത്തോടെ വിറ്റ് ദുബായിലെ ഇന്ത്യക്കാർ; ഒരു ദിവസം ഒരു കിലോ വരെ..കാരണം ഇതാണ് -
യുദ്ധം വേഗത്തിൽ അവസാനിക്കുമെന്ന് ട്രംപ്; 'വീണ്ടും തുടങ്ങിയാൽ കനത്ത തിരിച്ചടി തന്നെ അവർക്ക് നൽകും' -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം -
ഗണേഷ് കുമാർ വിവാദത്തിൽ ട്വിസ്റ്റ്, ഭാര്യയെ വിളിച്ച് മാപ്പ് പറഞ്ഞ് മന്ത്രി, മാപ്പ് കൊടുത്തെന്ന് ബിന്ദു മേനോൻ -
എൽഡിഎഫ് 66 ഇടത്ത്, യുഡിഎഫ് 62 ഇടത്ത്, 12 മണ്ഡലങ്ങളിൽ കടുത്ത മത്സരം; കേരളത്തിൽ ഇഞ്ചോടിഞ്ചെന്ന് സർവേ -
'ഇങ്ങനാണേല് ഞാനില്ല'; പിണങ്ങിയിറങ്ങി ശശീന്ദ്രന്, എന്സിപിയിലും ആര്ജെഡിയിലും അതൃപ്തി പുകയുന്നു -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ? -
ശനിയുടെ അസ്തമയം 40 ദിവസം; ഈ രാശിക്കാർക്ക് ഭാഗ്യം ഉറപ്പ്, ദാമ്പത്യ ജീവിതത്തിൽ പൂർണ സന്തോഷം..! -
ഇസ്രായേലിന്റെ ഉറ്റരാജ്യം; അസര്ബൈജാന് ഇറാനിലേക്ക് മരുന്നും ഭക്ഷണവും അയച്ചു, വിചിത്ര ബന്ധം -
സഞ്ജു സാംസണിന്റെ ആസ്തി എത്ര? ഐപിഎൽ ശമ്പളവും പരസ്യ വരുമാനവും ചേർന്ന് വരുമ്പോൾ.. കണ്ണ് തള്ളും! -
ഈ രാശിക്കാരാണോ? മാര്ച്ച് മുതല് ഘടാഘടിയന് രാജയോഗം; ജീവിതം ഇനി കളറാകും
Click it and Unblock the Notifications
Sign in with Google