സർഗാലയ രാജ്യാന്തര കരകൗശല മേളക്ക് പ്രൗഡഗംഭീര തുടക്കം
കോഴിക്കോട്: കേരളത്തിന്റെ പൈതൃകം ഉണർത്തി ഏഴാമത് സർഗാലയ അന്താരാഷ്ട്ര കരകൗശലമേളയ്ക്ക് ഇരിങ്ങലിൽ തുടക്കമായി. തൊഴിൽ എക്സൈസ് വകുപ്പു മന്ത്രി ടിപി രാമകൃഷ്ണന്റെ അധ്യക്ഷതയിൽ സഹകരണ ടൂറിസം വകുപ്പു മന്ത്രി കടകംപള്ളി സുരേന്ദ്രൻ ചടങ്ങ് ഉദ്ഘാടനം ചെയ്തു. സ്വദേശികളും വിദേശികളും മലബാറിലെത്തുമ്പോൾ നിർബന്ധമായും കണ്ടിരിേക്കണ്ട ഒന്നായി സർഗ്ഗാലയ മാറിക്കഴിഞ്ഞുവെന്ന് അദ്ദേഹം പറഞ്ഞു.
എട്ടാമത് സർഗ്ഗാലയ അന്താരാഷ്ട്ര മേള സംഘടിപ്പിക്കുമ്പോൾ ഉത്തര മലബാറിലെ ടൂറിസം സാധ്യതകളിൽ വലിയ മുന്നേറ്റമുണ്ടാകും. നാടിന്റെ സമ്പദ്ഘടനയിൽ താങ്ങായും തൊഴിലില്ലായ്മ ഒരു പരിധി വരെ കുറയ്ക്കാനും സർഗാലയ പോലുള്ള കൂട്ടായ്മയ്ക്ക് കഴിയുമെന്നും മന്ത്രി പറഞ്ഞു. കേരള ടൂറിസം വികസനത്തിൽ ഒരു ഇടമായി സർഗ്ഗാലയ മാറിക്കഴിഞ്ഞുവെന്നും മന്ത്രി കൂട്ടിച്ചേർത്തു. ഊരാളുങ്കൽ ലേബർ കോണ്ട്രാക്റ്റ് സൊസൈറ്റി ചെയർമാൻ പാലേരി രമേശൻ, കെ ദാസൻ എം എൽ എ, ടൂറിസം വകുപ്പ് ഡയറക്ടർ പി ബാലകിരൺ ഐ എ എസ്, കോഴിക്കോട് ജില്ലാ കലക്ടർ യു.വി ജോസ് , ചലച്ചിത്ര താരം നവ്യ നായർ തുടങ്ങിയവർ ചടങ്ങിൽ പങ്കെടുത്തു.
കോഴിക്കോട് ഇരിങ്ങൂരിൽ ആരംഭിച്ച സർഗാലയ രാജ്യാന്തര കരകൗശലമേള സംസ്ഥാന ടൂറിസം മന്ത്രി കടകംപള്ളി സുരേന്ദ്രൻ ഉദ്ഘാടനം ചെയ്യുന്നു. തൊഴിൽ മന്ത്രി ടി.പി രാമകൃഷ്ണൻ, കെ.ദാസൻ എം.എൽ എ, ചലച്ചിത്ര താരം നവ്യനായർ തുടങ്ങിയവർ സമീപം
സൗത്ത് ആഫ്രിക്ക, ഉഗാണ്ട, നേപ്പാൾ, ശ്രീലങ്ക എന്നീ വിദേശ രാജ്യങ്ങളിലെ കരകൗശല വിദഗ്ധർ മേളയിൻ പങ്കെടുക്കുന്നുണ്ട്. കൂടാതെ ഇന്ത്യയിലെ 27 സംസ്ഥാനങ്ങളിലെ ദേശീയ അന്തർദേശീയ പുരസ്കാര ജേതാക്കളായ 400 ഓളം കരകൗശല വിദഗ്ധരും സർഗാലയയിലെ 100 ഓളം സ്ഥിരം കരകൗശല വിദഗ്ധർ ഉൾപ്പെടെ 500 ലധികം കലാകാരന്മാരുടെ വ്യത്യസ്ത കലാ സൃഷ്ടികളും മേളയിൽ ഉൾപ്പെടുത്തിയിട്ടുണ്ട്. കേരളത്തിലെ പരമ്പരാഗത കരകൗശല വസ്തുക്കൾ പ്രദർശിപ്പിക്കുന്ന പ്രത്യേക പവലിയൻ 'കേരള കരകൗശല പൈതൃക ഗ്രാമം' മേളയിലെ പ്രധാന കാഴ്ചകളിൽ ഒന്നാണ്.
ആറന്മുള കണ്ണാടികൾ നിർമ്മിക്കുന്ന ആറന്മുള ഗ്രാമം, കൈതോല പായകൾ നിർമ്മിക്കുന്ന തഴവ ഗ്രാമം തുടങ്ങി പരമ്പരാഗത വസ്തുക്കൾ കേന്ദ്രീകരിച്ച് കരകൗശല മാതൃക തയ്യാറാക്കി വിദഗ്ധരുടെ പങ്കാളിത്തത്തോടെ പ്രദർശനത്തിന് ഒരുക്കിയിട്ടുണ്ട്. കേരള കൈത്തറി പൈതൃക ഗ്രാമവും അന്താരാഷ്ട്ര കരകൗശല മേളയിലെ പ്രധാന ഇനമാണ്. കൈത്തറി ഉൽപന്നങ്ങളുടെ പ്രത്യേക വിപണന സ്റ്റാളുകളും മേളയിലെ പ്രധാന ആകർഷണമാണ് .
കൂടാതെ, ഇന്ത്യയുടെ വിവിധ ഭാഗങ്ങളിൽ നിന്നുള്ള കലാകാരന്മാർ അവതരിപ്പിക്കുന്ന കലാവിരുന്ന് മേളയുടെ ഭാഗമായി നടത്തുന്നുണ്ട് ' ഭാരത സർക്കാർ സാംസ്കാരിക വകുപ്പിനു കീഴിലുള്ള സൗത്ത് സോൺ കൾച്ചറൽ സെൻറർ തഞ്ചാവൂരിന്റെ നേതൃത്വത്തിലുള്ള വിവിധ കലാപരിപാടികളും മേളയുടെ ഭാഗമായി ഒരുക്കിയിട്ടുണ്ട്. കേരള വിനോദ സഞ്ചാര വകുപ്പിന്റെ നേതൃത്വത്തിൽ വ്യവസായ, സാംസ്കാരിക , കയർ വകുപ്പുകളുടെ സഹകരണത്തോടെയാണ് മേള സംഘടിപ്പിച്ചിരിക്കുന്നത്.
-
'മമ്മൂട്ടി 75 വയസായ ആളാണ്, അസുഖം ഉള്ളയാളാണ്, തെറി പറഞ്ഞാൽ യുഡിഎഫ് സീറ്റ് 110 ന് മുകളിലേക്ക്' -
സ്വർണം കൂട്ടത്തോടെ വിറ്റ് ദുബായിലെ ഇന്ത്യക്കാർ; ഒരു ദിവസം ഒരു കിലോ വരെ..കാരണം ഇതാണ് -
യുദ്ധം വേഗത്തിൽ അവസാനിക്കുമെന്ന് ട്രംപ്; 'വീണ്ടും തുടങ്ങിയാൽ കനത്ത തിരിച്ചടി തന്നെ അവർക്ക് നൽകും' -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം -
ഗണേഷ് കുമാർ വിവാദത്തിൽ ട്വിസ്റ്റ്, ഭാര്യയെ വിളിച്ച് മാപ്പ് പറഞ്ഞ് മന്ത്രി, മാപ്പ് കൊടുത്തെന്ന് ബിന്ദു മേനോൻ -
എൽഡിഎഫ് 66 ഇടത്ത്, യുഡിഎഫ് 62 ഇടത്ത്, 12 മണ്ഡലങ്ങളിൽ കടുത്ത മത്സരം; കേരളത്തിൽ ഇഞ്ചോടിഞ്ചെന്ന് സർവേ -
'ഇങ്ങനാണേല് ഞാനില്ല'; പിണങ്ങിയിറങ്ങി ശശീന്ദ്രന്, എന്സിപിയിലും ആര്ജെഡിയിലും അതൃപ്തി പുകയുന്നു -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ? -
ശനിയുടെ അസ്തമയം 40 ദിവസം; ഈ രാശിക്കാർക്ക് ഭാഗ്യം ഉറപ്പ്, ദാമ്പത്യ ജീവിതത്തിൽ പൂർണ സന്തോഷം..! -
ഇസ്രായേലിന്റെ ഉറ്റരാജ്യം; അസര്ബൈജാന് ഇറാനിലേക്ക് മരുന്നും ഭക്ഷണവും അയച്ചു, വിചിത്ര ബന്ധം -
സഞ്ജു സാംസണിന്റെ ആസ്തി എത്ര? ഐപിഎൽ ശമ്പളവും പരസ്യ വരുമാനവും ചേർന്ന് വരുമ്പോൾ.. കണ്ണ് തള്ളും! -
ഈ രാശിക്കാരാണോ? മാര്ച്ച് മുതല് ഘടാഘടിയന് രാജയോഗം; ജീവിതം ഇനി കളറാകും
Click it and Unblock the Notifications
Sign in with Google