Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
സഖാവേ എന്ന് തുടങ്ങുന്ന വിവാദ കത്ത്; സിപിഎം അന്വേഷണ കമ്മീഷനെ നിയോഗിച്ചു
തിരുവനന്തപുരം: നഗരസഭാ മേയര്‍ ആര്യാ രാജേന്ദ്രന്റെ ലെറ്റര്‍ പാഡില്‍ എഴുതിയ കത്ത് സംബന്ധിച്ച വിവാദത്തില്‍ അന്വേഷണ കമ്മീഷനെ നിയോഗിച്ച് സിപിഎം. മൂന്നംഗ കമ്മീഷന്‍ അന്വേഷിച്ച് മൂന്നാഴ്ചക്കകം റിപ്പോര്‍ട്ട് നല്‍കണം എന്നാണ് പാര്‍ട്ടി നിര്‍ദേശം. സിപിഎം ജില്ലാ സെക്രട്ടറിയേറ്റ് ആണ് ഇതുസംബന്ധിച്ച് തീരുമാനമെടുത്തത്.
സി ജയന്‍ബാബു, ഡികെ മുരളി, ആര് രാമു എന്നിവരാണ് കമ്മീഷന്‍ അംഗങ്ങള്‍. വലിയ പ്രതിഷേധങ്ങള്‍ക്കും വ്യത്യസ്തമായ സമരങ്ങള്‍ക്കും വിവാദം വഴിവച്ചിരുന്നു. ബിജെപിയും കോണ്‍ഗ്രസും പ്രതിഷേധത്തിന്റെ രൂപംമാറ്റാന്‍ തീരുമാനിച്ചിരിക്കെയാണ് സിപിഎം അന്വേഷണ കമ്മീഷനെ നിയോഗിച്ചിരിക്കുന്നത്.
കോര്‍പറേഷനിലെ കരാര്‍ നിയമനങ്ങള്‍ക്ക് മുന്‍ഗണനാ പട്ടിക ആവശ്യപ്പെട്ടായിരുന്നു മേയറുടെ കത്ത്. തിരുവനന്തപുരം സിപിഎം ജില്ലാ സെക്രട്ടറി ആനാവൂര്‍ നാഗപ്പനാണ് മേയര്‍ കത്തയച്ചത്. ഇത് ഒരു ഡിവിഷനിലെ വാട്‌സ്ആപ്പ് ഗ്രൂപ്പില്‍ വന്നതോടെ വിവാദമാകുകയായിരുന്നു. സഖാവേ എന്ന് അഭിസംബോധന ചെയ്തായിരുന്നു കത്ത്.
മേയറുടെ ഔദ്യോഗിക ലെറ്റര്‍ പാഡില്‍ ഒപ്പുവച്ചുള്ള കത്ത് പുറത്തായതാണ് പ്രതിപക്ഷ പ്രതിഷേധത്തിന് കാരണം. എന്നാല്‍ താന്‍ കത്ത് എഴുതിയിട്ടില്ല എന്ന് മേയര്‍ വ്യക്തമാക്കി. കത്തയച്ച തിയ്യതിയില്‍ മേയര്‍ തലസ്ഥാനത്തുണ്ടായിരുന്നില്ലെന്നും വിശദീകരിച്ചു. എന്നാല്‍ മേയറുടെ ഔദ്യോഗിക ലെറ്റര്‍ പാഡില്‍ ആര് കത്ത് എഴുതി എന്ന ചോദ്യത്തിന് ഇപ്പോഴും ഉത്തരമില്ല.
ആരോഗ്യ മേഖലയിലെ ഒഴിവുകളുടെ വിവരങ്ങള്‍ ഉള്‍പ്പെടെ കത്തില്‍ വിശദീകരിച്ചിരുന്നു. കോര്‍പറേഷന് കീഴിലുള്ള നഗര പ്രാഥമിക ആരോഗ്യ കേന്ദ്രങ്ങളില്‍ 295 ഒഴിവുകളുണ്ടെന്നും ഉദ്യോഗാര്‍ഥികളുടെ മുന്‍ഗണനാ പട്ടിക നല്‍കണമെന്നുമായിരുന്നു കത്തിലെ ഉള്ളടക്കം. ശേഷം എസ്എടി ആശുപത്രിയിലെ വിശ്രമ കേന്ദ്രത്തിലെ താല്‍ക്കാലിക നിയമനവുമായി ബന്ധപ്പെട്ട കത്തും പുറത്തായിരുന്നു. സിപിഎം പാര്‍ലമെന്ററി പാര്‍ട്ടി നേതാവ് ഡിആര്‍ അനില്‍ ജില്ലാ സെക്രട്ടറിക്ക് അയച്ച കത്തായിരുന്നു ഇത്.
കത്ത് വിവാദത്തില്‍ അന്വേഷണം വേണമെന്നും മേയര്‍ രാജിവയ്ക്കണമെന്നുമാണ് പ്രതിപക്ഷത്തിന്റെ ആവശ്യം. എന്നാല്‍ രാജിവയ്‌ക്കേണ്ടതില്ല എന്ന് സിപിഎം തീരുമാനിച്ചു. മേയര്‍ക്കെതിരെ ഇപ്പോഴും ബിജെപിയും കോണ്‍ഗ്രസും പ്രതിഷേധം തുടരുകയാണ്. നഗരസഭ വളയല്‍, കരിങ്കൊടി, ഓഫീസ് ഉപരോധം തുടങ്ങിയ സമരങ്ങളെല്ലാം നടന്നിരുന്നു. പ്രതിഷേധ സമരത്തിന്റെ രൂപം മാറ്റാന്‍ ബിജെപി തീരുമാനിച്ചിരിക്കെയാണ് സിപിഎം അന്വേഷണ കമ്മീഷനെ നിയോഗിച്ചിരിക്കുന്നത്.
