നിയമലംഘനം: സൗദിയില് പിടിയിലായത് മലയാളികളുള്പ്പെടെ 5.3 ലക്ഷം പേര്
റിയാദ്: നിയമം ലംഘിച്ച് രാജ്യത്ത് താമസിക്കുന്നവരെ കണ്ടെത്താന് കഴിഞ്ഞ വര്ഷം നവംബറില് ആരംഭിച്ച കാംപയിന്റെ ഭാഗമായി മലയാളികള് ഉള്പ്പെടെ 534,764 പേര് പിടിയിലായതായി സൗദി ആഭ്യന്തര മന്ത്രാലയം അറിയിച്ചു. നിയമവിരുദ്ധ കുടിയേറ്റം, വിസാ കാലാവധി കഴിഞ്ഞുള്ള താമസം, തൊഴിലുമായി ബന്ധപ്പെട്ട പ്രശ്നങ്ങള്, അതിര്ത്തി സുരക്ഷ തുടങ്ങിയവുമായി ബന്ധപ്പെട്ട നിയമലംഘനങ്ങളിലാണ് ഇത്രയും പേര് പിടിക്കപ്പെട്ടത്.
റസിഡന്സി നിയമം ലംഘിച്ചതിന് 359,748 പേരും തൊഴില് നിയമങ്ങള് ലംഘിച്ചതിന് 124,161 പേരും മതിയായ രേഖകളില്ലാതെ അതിര്ത്തിവഴി നുഴഞ്ഞുകയറാന് ശ്രമിച്ച 50,855 പേരെയുമാണ് പോലിസ് അറസ്റ്റ് ചെയ്തത്. അനധികൃതമായി സൗദിയിലേക്ക് നുഴഞ്ഞുകയറാന് ശ്രമിച്ച 7,670 പേരെ അതിര്ത്തിയില് വച്ചുതന്നെ പിടികൂടി നാട്ടിലേക്ക് തിരിച്ചയച്ചതായും സുരക്ഷാവൃത്തങ്ങള് അറിയിച്ചു. ഇവരില് 70 ശതമാനവും യമനി പൗരന്മാരാണ്. 28 ശതമാനം എത്യോപ്യക്കാരും രണ്ട് ശതമാനം മറ്റ് രാജ്യക്കാരുമാണ്.
നിയമവിരുദ്ധമായി രാജ്യത്ത് തങ്ങുന്നവര്ക്ക് ഏതെങ്കിലും രീതിയിലുള്ള സഹായം ചെയ്തുകൊടുത്തവരും പോലിസ് പിടികൂടിയിട്ടുണ്ട്. അനധികൃത താമസക്കാര്ക്ക് യാത്രചെയ്യാനും പാര്ക്കാനും സൗകര്യം ചെയ്തുകൊടുത്തവരാണ് കുടുങ്ങിയത്. ഇങ്ങനെ 1,607 പേര് ഇതിനകം അറസ്റ്റിലായതായി പോലിസ് അറിയിച്ചു. ഇവരില് 169 പേര് സൗദി പൗരന്മാരാണ്. അറസ്റ്റിലായ സൗദികളില് 154 പേരെ ശിക്ഷിച്ചതായും 15 കേസുകള് ഇപ്പോഴും കോടതിയുടെ പരിഗണനയിലാണെന്നും അധികൃതര് അറിയിച്ചു. ഇതിനു പുറമെ, ആവശ്യമായ രേഖകളില്ലാതെ അതിര്ത്തിയിലൂടെ സൗദിയില് നിന്ന് പുറത്തുകടക്കാന് ശ്രമിച്ച 480 പേരെയും സൗദി അധികൃതര് പിടികൂടുകയുണ്ടായി.
19 മന്ത്രാലയങ്ങളും സര്ക്കാര് വകുപ്പുകളും ചേര്ന്നാണ് അനധികൃത താമസക്കാരെയും തൊഴിലാളികളെയും കണ്ടെത്തുന്നതിനായുള്ള പരിശോധനകള് നടത്തിവരുന്നത്. ഇങ്ങനെ പിടികൂടപ്പെട്ടവരില് 91,593 പേരെ അവരവരുടെ നാടുകളിലേക്ക് തിരിച്ചയച്ചു. 60,707 പേരെ ബന്ധപ്പെട്ട എംബസികളിലേക്കും കോണ്സുലേറ്റുകളിലേക്കും ആവശ്യമായ യാത്രാ രേഖകള് ലഭ്യമാക്കുന്നതിനായി റഫര് ചെയ്തിരിക്കുകയാണ്. 66,268 പേര് വിമാന ടിക്കറ്റ് ശരിയാക്കി കാത്തിരിക്കുകയാണ്. 10,371 പുരുഷന്മാരും 2,078 സ്ത്രീകളുമടക്കം 12,449 പേരെ താല്ക്കാലിക തടവുകേന്ദ്രങ്ങളില് താമസിപ്പിച്ചിരിക്കുകയാണ്.
-
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
'മമ്മൂട്ടി ഒരു അൽപനാണ്..വയനാട് ദുരന്തം നടക്കുമ്പോൾ നിങ്ങൾ എവിടെ ആയിരുന്നു';രൂക്ഷവിമർശനം -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
സുനില് കുമാറിന് പകരം ജയരാജ് വാര്യര്? പത്മജ വേണുഗോപാലിനെതിരെ ഇറങ്ങിയേക്കും, കോണ്ഗ്രസിനാര് -
ഡോളറിന് അടിതെറ്റുന്നു.. പൊന്ന് കയറി; സര്വകാല റെക്കോഡിലേക്ക് 19000 രൂപ മാത്രം പിന്നില് സ്വര്ണം -
പാലക്കാട് ബിജെപിയിൽ 'കല്ലുകടി'; ശോഭ സുരേന്ദ്രന്റെ വരവിൽ അതൃപ്തിയുമായി ജില്ലാ അധ്യക്ഷൻ, -
മമ്മൂട്ടിയെ തെറി വിളിക്കുന്നവർ അറിയൻ; കട്ട് മുടിച്ചിട്ടാണ് ഔദാര്യമെന്ന പ്രചാരണം; അഖിൽ മാരാർ -
മമ്മൂക്കയുടെ ഉള്ളിൽ മൈക്കിളപ്പനോ സേതുരാമയ്യറോയെന്ന് ആർക്കറിയാം';നടി സരിത -
സ്വര്ണം വാങ്ങിയവര്ക്ക് പേടി വേണ്ട... ഇറാന്-യുഎസ് യുദ്ധം അവസാനിച്ചാലും വില കൂടും! കാരണമിത്
Click it and Unblock the Notifications
Sign in with Google